1 कुरिन्थी 5
5
कलीसिया रे सिकाईत
1 #
कन 22:30
ईङ आयुम तदिङ ची आपे रअः तलारे ब्यबिचार रअः काम हुयाअः ताना, मियांड होड़ अपन बाबा ते आली काकी आया के गोमकाईन बनाईयाय। नोकान बेलाज काम, जे एटाअ जाईतकु रे होः का हुयाआ। 2रे होः आपे घमन्डेआपे। आपे के दुःखोः चाही आउर जे नोकान कामीयाकु, हुंकू के अपन तलारे तरअः उ-उडुंग चाही। 3ईङ होड़ो रअः भेस रे आपे तरअः लंका रे एदानिङा, बकिर आतमा रअः भेस रे, आपे लोः इदानिङा। आउर जे नोकान कामी तदाय हुनी आला नेयाय नोकान चुकाव निङ ची ईङ सचे गी आपे लोः इदानिङा। 4जब आपे परभु ईसु आला समरथ रे आबु आली परभु ईसु आला नुमू रे, जवारोआपे तब आतमा रअः मोताबिक आपे लोः एदानिङा। 5हुनी आला होड़ो नासोअ लःअय हुनी बु-बुराई वाला होड़ के सैतान के जिमा गोअ ताईपे। जेकर से ची परभु आला नेयाय हिला हुनी होड़ आला आतमा के उधार हुयाअः।
6 #
गला 5:9
आपे आला नोःआँ बड़वारी बेस कनोआँ; एतान आपे नोःआँ कापे पाड़ीआ, ची “काटिअ केन लाःड के जोजो खाता जिनीस ले लअः जामा आंटा के जोजो गुल तआय”, हिना लकान आपे मेसे मिहोंड़ होड़ प-पाप रअः चलते एटाअकु होः पापेआकु। 7#उइठ 12:5हिना लःअय मारी लाःड जोजो खाता जिनीस के, माने कि बुराई के उडुंग केते, सुध जुनोः पे, जे लकान नावाँ ले-लाआ आंटा जेकर रे लाःड जोजो खाता जिनीस कनोआँ। ईङ पड़ीईंग ची आपे सुध लेनपे हेके, एता लःअय ची आबु आला पाप तरअः अ-अलगे लःअय ईसु ख्रीस्त गोएःग नेनाय, जे लकान पासका परब रे जाहुदीकु भेंड़ा के बलिदान कु-केनाकु। 8#उइठ 13:7; कन 16:3हिना लःअय एला, आबु अपन पासका परब बुराई आउर पाप तरअः मेसा लअः मारी लाःड जोजो खाता जिनीस लाःड तरअः कोवान, बकिर सुध आउर सचाई रेनअः मेसा लेनअ बे जोजो खाता लाःड तरअः परब मनाय बु।
9ईङ आपे लःअय अपन चिठी रे लिखा थिलिईंग ची ब्यबिचारीकु लोः, एतान नात-गोत आलपे दोहो के। 10बकिर ईङ नोःआँ काईंग कंहड़ीः दा ची आपे नोःआँ दुनिया रिनकु ब्यबिचारीकु, लोभी कु, रे-रेःगकु चाहे मुरती पुजाकु लोः एतान होः नात-गोत आलपे दोहोय। नोकान रे दो आपे के नोःआँ दुनिया तरअः सेनोः जुनोः गी पड़ाव कोआ। 11ईङ आला लि-लिखा रअः मतलोब नोःआँ हेके, ईसु ख्रीस्त रे बिसवासी बोको कहलाव केते, ब्यबिचारीकु, लोभीकु, मुरती पुजाकु, ए-एगेरकु, नि-निन्दाकु, मतवाड़कु चाहे रे-रेःगकु एदान कुआ दो हुंकू लोः एतान होः नात-गोत आलपे दोहो के आउर हुंकू लोः घोटो होः आलपे जोम के।
12-13 #
कन 13:5; 17:7 एता लःअय ची जे होड़ कलीसिया तरअः बाहरी इदिन कुआ, हुंकू आला ने-नेयाय ईङ आला काम नलागे, आपे के हिंकु आला ने-नेयाय चाही, जे कलीसिया रअः भीतरी रिनकु हेके। बकिर कलीसिया तरअः बाहरी रिनकु आला नेयाय दो परमेसर नेयाय केआय। एतान आपे जे संगति रे एदान कुआ हुंकू आला ने-नेयाय कापे दड़ीआ? जे लकान लिखा लअः एदनाआ ची,
“खपतानकु के अपन ताला तरअः उड़ुंग-गुल ताकुपे।”
Tans Gekies:
1 कुरिन्थी 5: ASR
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
© 2023 NLCI CC BY-NC-ND 4.0