2 कुरिन्थी 2
2
1हिना लःअय ईङ फैसला थिलीईंङ ची आपे के फिन से दुख एमोअ आपे दुबाःड़े आलुईंग हिजोअ। 2जदि ईङ आपे के दुख पेईङ, दो ईङ के खु-खुस वाला ओके कोआय, हिनी भाईर जेके ईङ दुख एमा लियीङ? 3निआँ बात दो आपे के लिखा तदिङ ची जब ईङ आपे दुबाःड़े हिजोईंग दो, नोकान आलु हुयाव कोअ जेकर तरअः ईङ के खुसी भेटाअः चाही, हुंकू तरअः ईङ के दुख आलु हुयाव कोअ। एता लःअय ची आपे जामाकु तरअः ईङ आला नोःआँ बिसवास एदनाआ ची ईङ आला खुस ताहिनो रेगी आपे के खुसी भेटाव कोआ। 4एता लःअय ची ईङ आपे के मुरुक बिपाईत पेरेःग ओना मन तरअः दुख लोः मेःड दाअः जोरो-जोरो नोःआँ लिखा तदिङ। बकिर आपे दु-दुख लःअय कोवान, बकिर निआँ लःअय ची आपे के ईङ उकिन दुलार पेईङ होना के पाड़ीपे।
गुनाहगारकु के छमा कुपे
5बकिर जदि जाहें ईङ के जहान दुख एम तदाय, दो हुनी ईङ भाईर के कोवान बकिर जहान ना जहान रे, आपे के होः एम तदाय। सेरे होः ईङ के हुंकू लोः जादे कठोर बे-बेवहार कोवान चाही। 6नोकान होड़ के आपे मेसे ढेर होड़ जे डांड़ एमा लियाकु होना ढेर एदनाआ। 7हिना लःअय नहाअः दो होना रआ उलटा छमा गुल ताकुपे आउर ढाढ़स एमा कुपे, नोकान आलु हुयाव कोअ ची हुनी जादे दुख रे डुबाव जुनोए। 8हिना लःअय ईङ आपे तरअः गोहराअ तनिङ ची आपे हुनी तेङ रे अपन पेरेम देखायपे 9ईङ आपे के प-परखाव रआ चलते होः लिखा थिलिईङ। ईङ पापड़ी नाम किनिङ ची आपे जामा बात रे हुकूम मनाआपे ची कोवान। 10जदि आपे जाहें के जहान बात लःअय छमा कुआपे दो ईङ होः छमा कुईंग, आउर जे होः ईङ छमा तदिङ दो होना ख्रीस्त आला मड़ांग रे आपे लःअय गी ईया तदिङ। 11जेकर से आले सैतान आला फंदा रे आलुले पड़ाव कोअ। आले हुनी आला चाईल के बढ़ियाँ से पाड़ी आले।
तोरोआस रे पौलुस आला बेचैनोअ
12 #
प्रे.कामी 20:1
जब ख्रीस्त आला बेस खभाईर रअः प-परचार लःअय ईङ तोरोआस हीःग निनिंग दो, होनाःड़े ईङ लःअय परभु आला दुवार खुला थिना 13सेरे होः ईङ आला मन के सानती का भेटाव नेना, एता लःअय ची ईङ होनाःड़े अपन बोको तीतुस के काईङ नाम लिया। हिना लःअय ईङ होनाःड़े रिनकु होड़कु तरअः बिदा केते मकिदुनिया सेनोः लःअय उडुंग निङ।
ख्रीस्त रे जीताव
14बकिर परमेसर के धन्यवाद, जे आले के रोज दिन ख्रीस्त आला जीत रे इदी बड़ा-बुआय, आउर ख्रीस्त रअः बारे बेस खभाईर जामा दुबाःड़े फ-फैलाव लःअय काम रे आगु लेलेआय, जे लकान जामा दुबाःड़े बेस बुधी रेनअः मह-मांहाअ के फैलायाय। 15-16आले परमेसर लःअय ख्रीस्त आला महक हेके। जे उधार रेनअः होरा रे एदान कुआ हुंकू लःअय महाक हेके। जे जिनगी एमेआय, बकिर जे, नसोअ रेनअः होरा रे एदान कुआ, हुंकू आला मराईन रेनअः महाक हेके, जे मराईन पखा ईइदीआय। बकिर नोःआँ काम के का-कामी लायक ओके एदानिया? 17परमेसर आला वचन के अपन फयदा लःअय, होना रे मे-मेसा कु लकान आले कनेलेआ। कोवान! आले दो परमेसर मड़ांग रे परमेसर पखा तरअः कुलगोःड लिनकु होड़ लकान ख्रीस्त रे सचाई से परचारेआले।
Tans Gekies:
2 कुरिन्थी 2: ASR
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
© 2023 NLCI CC BY-NC-ND 4.0