ACT 6
6
सात मंदीद निवड
1आ दिनमुलाला यप्पुड शिष्यलाद संख्या शेंगेम वाढाशेदेंक आंट्या, आप्पुड ग्रीक भाषा माटलाडेतोर इब्री भाषा माटलाडेतोर मिंदा कुरकुर शेशेदेंक आंटीर दिनिचांग की धीन्नाम सेवा शेशेताप्पुड मा विधवा आंड्योरदी काळजी तिस्कुनार. 2आप्पुड आ बारा प्रेषितलु शिष्यलान फिल्ची आनीर, “मिम परमेश्वरदी वचन शप्पेद इडशी तिना मतेद सेवा शेयाला इदी बागा लेद. 3तर हे तम्मुळ्ळालाला, मी दिंटल्योन्केल पवित्र आत्माता इंगा ज्ञानता निंडीनोर इल्लोन सात, प्रतिष्ठित मनसुलान निवडायना, दिनिचांग की मनाम वारनी इ फनी इचांग नियुक्त शेयदाम. 4पण मिम तर प्रार्थना इंगा वचनदी सेवा शेस्केन उंड्याम.” 5इदी माटा आंता मंदीक आवडाशा, वार विश्वासता इंगा पवित्र आत्माता परिपुर्ण इल्ला मनशी स्तेफन, इंगा फिलिप्प, प्रखर, निकलाव तीमोन, पार्मिना इंगा यहुदी धर्म लेका नडशेतोड निकलाव अंत्युखियकर इरदी निवड शेशीर. 6वारनी वार प्रेषितला मुंदार नीला फडा मतीर, इंगा वार प्रार्थना शेशी वार मिंदा शेय फेट्टीर.
7मंग परमेश्वर वचनदी प्रसार आयका फोया इंगा यरुशलेम शहरला शिष्यलाद संख्या शेंगेम वाढास्का फोया; याजक वर्गलोन शेंगेम मंदी पण इ विश्वासनी स्वीकार शेशीर.
8स्तेफन कृपा इंगा सामर्थ्यता परिपुर्ण आय्यी, मंदीला फेद्दा -फेद्दाय चमत्कारलु इंगा चिन्हल शेयदु. 9आप्पुड यादान स्वतंत्र मंदीद सभास्थान दांटल्योन काही मंदी इंगा कुरेनेकर इंगा आलेक्सांद्रीये नगरलोन काही मंदी, इंगा किलकीया इंगा आशिया प्रांतलोन काही मंदी लेशीर इंगा स्तेफन जताक वादविवाद शेशेदेंक आंटीर. 10पण पवित्र आत्मा स्तेफनकी इल्ला बुद्धी इच्या की यप्पुड वाड माटलाडदु, तर वार वान विरुद्ध नीला फडी शकायाक फोईर. 11आप्पुड वार काही मंदीक इल्ला आनेदेंक रिश्वत इच्चीर की “मिम स्तेफननी मोशेन विरुद्ध इंगा परमेश्वर विरुद्धला अपमानी माटलु माटलाडेताप्पुड इंटीम.” 12इल्ला वार मंदीन, आब्बागारनी इंगा नियमशास्त्र शिक्षकलाक भडकाय मतीर, इंगा वार स्तेफननी फट्टीर इंगा न्यायसभा मुंदार यकोचीर. 13इंगा वार खोटा साक्षीदारलान नीला फडा मतीर, वार आनीर, “इ मनशी इ पवित्रस्थान इंगा नियमशास्त्र विरुद्धला माटलाडेद इडवाड.#यिर्मया 26:11. 14येनटीक की मिम वान इल्ला माटलाडेताप्पुड इंटीम, इ नासोरी येशुड इ जागाद नाश शेस्काडी इंगा माक इच्चीनेय मोशेनी रिती-रिवाजलु बदलास्काडी.” 15आप्पुड न्यायसभाला कुसनीनोर आंता मंदी वान तीकुड लक्ष इच्ची सुशेताप्पुड वारकी वानदी मुती स्वर्गदुत मुती लेका कमशा.
Tans Gekies:
ACT 6: WNT
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
