MRK 15
15
रोमन सुभेदार पिलात मुंदार येशुड
1फद्दु फुट्टीन नग्रेम मुख्य याजक मंदी, आब्बागार, नियमशास्त्र शिक्षकलु इंगा आंता महासभालोन मंदी वगामेगारनी माटलाडी येशुन कट्टी पिलात शेतल्या इच्चीर. 2पिलात वान आडग्या, नु यहुदी मंदी राजा उंडाव येम? येशुड उत्तर इच्या, “नु आंटाव आल्ले.” 3मुख्य याजकलु शेंगेम माटलाला येशुन मिंदा दोष आंचीर. 4मंग पिलात वान इंगा प्रश्न आडग्या, नु उत्तर इयाव येम? सुड, यन्नोट नी मिंदा दोषलु आंचतुनार! 5पण तरी येशुड उत्तर इयालेद तर पिलातकी आश्चर्य वाटाशा.
6वल्हांडन फंडगा आप्पुड वार वगा कैदीन इडवाला आंका आंदुर. वान पिलात रिती रिवाज लेका मंदी इचांग इडस्काडदु. 7बरब्बा फेरोड वगा मनशी, दंगलखोरला जताक जेलला उंड्या. वाड दंगलला खुन शेशीन्या आंका वान फट्टीनीर. 8मंदी वच्चीर इंगा पिलातनी वाड नेहमी वार इचांग शेयदु आल्ले शेशेदेंक आंचीर. 9पिलात आडग्या, मी इचांग यहुदी मंदी राजान इडवाला इल्ला मिद इच्छा उंडाद येम? 10पिलात इल्ला आन्या येनटीक की वानकी यरका उंड्या की, कोफाम इचांग मुख्य याजकलु वान फट्टी इच्चीनीर. 11पण पिलात वान बद्दल बरब्बान इडवाला इल्ला मुख्य याजकलु मंदीक शप्पीर. 12पण पिलात वारनी इंगा आन्या, तर मंग यवान मीर यहुदी मंदी राजा आंटार वानदी निन येम शेयदुन इल्ला मिद इच्छा उंडाद? 13वार इंगा बेग्गे कीरली आनीर, वान क्रुस मिंदा खिळायना! 14पिलात वापस आडग्या, येनटीक? वाड येम अपराध शेशीनाड? वार आंदार इंगा बेग्गे कीरलीर, वान क्रुस मिंदा खिळायना! 15पिलातकी मंदीन खुश शेशेद उंड्या दानिचांग वाड बरब्बान इडशा इंगा येशुन देब्बाल मत्ती क्रुस मिंदा खिळाशेदेंक सैनिकला शेतल्या इचकाड्या.
सैनिकलु येशुनदी मजाक यगरा मततार
16सैनिकलु येशुन राज्यपाल इल्लुक, (प्रिटोरियम आंटे कोर्टला) येका फोईर इंगा वार सैनिकलाद वगाट पलटण फिल्चीर. 17वार वान फय मिंदा जांभळा झगा येशीर इंगा मुंडलाद मुकुट शेशी वानकी फेट्टीर. 18वार वानकी दंडाम शेयदुर इंगा आंदुर, यहुदी मंदी राजानदी जयजयकार उंडाला. 19वार कट्ट्याता घडी-घडीक वान नत्ती मिंदा मत्तीर. वान मिंदा उंचीर इंगा किंदा कुसनी वान मोक्कीर. 20वार वानदी मजाक यगरा मतीनेंका वान फय मिंदुडदी जांभळा बट्टाल तिशीर इंगा वानी स्वताय बट्टाल वानके फेट्टीर. यंकसार क्रुस मिंदा खिळायाला आंका वार वान बैटीक येका फोईर.
येशुन क्रुस मिंदा खिळास्तार
21दावाला वारकी कुरेनेकर शिमोन फेरोड वगा मनशी कमशा. वाड आलेक्सांद्र इंगा रुफ इर आब्बाड उंड्या वाड वान शेनकेल इल्लुक वापस फोतुन्या. मंग सैनिकलु वान जबरदस्ती येशुनदी क्रुस येतेदेंक आंचीर.
22इंगा वार येशुन गुलगुथा आंटे कवटीद जागा मिंदीक यकोचीर. 23वार वानकी गंधरस मिळाय मतनेद अंगुरदी रस इच्चीर पण वाड आदी तिस्कुनालेद. 24वार वान क्रुस मिंदा खिळाशीर, यवार याय बटाल तिस्कुनाला दिनिचांग वार चिट्टील येशीर इंगा वानी बट्टाल फंचकुनीर#स्तोत्रसंहिता 22:18.. 25वार वान क्रुस मिंदा खिळाशीर आप्पुड फद्दीनी नऊ वागीन्या. 26इंगा आ क्रुस मिंदा येशुन नत्ती फैना दोषपत्र, “यहुदी मंदी राजा” इल्ला राशीनेद उंड्या.
27-28वार वान जताक इद्दार दोंगालनी वगान मंची शेय तीकुड इंगा इंगोगोन रोड्डा शेय तीकुड क्रुस मिंदा खिळाशीनीर.#यशया 55:12.
29देगाटेल फोयेतोर मंदी वानदी निंदा शेयदुर. वार मना नत्ती हलायमती आनीर, अरे! परमेश्वरदी भवन केडपी आदी मुड नाळाला कट्टेतोड वाड नुये उंडाव गरा!#स्तोत्रसंहिता 22:7; 109:25. 30क्रुस मिंदकेल किंदीक दा इंगा स्वतान वाचायमत. 31आल्ले मुख्य याजकलु, नियमशास्त्र शिक्षकलु येशुनदी मजाक यगरा मतीर इंगा वगामेगारनी आनीर, वाड इंगोगोरदी तारण शेशा पण वाड स्वतान वाचायमती शकायाड! 32इ इस्राएलटोड राजा ख्रिस्त इन क्रुस मिंदकेल किंदीक दानिंडा मंग मिम सुशाम इंगा वान मिंदा विश्वास फेट्याम इंगा यवार वान जताक क्रुस मिंदा उंडीर वार पण वानदी अपमान शेशीर.
येशुनदी सचकाम
33मद्यानदी वेळ आय्या. आंता देशला मोब्बु फड्या, आदी मोब्बु मुड वागीन नंताक निलच्या. 34मंग मुड वास्ता येशुड बेग्गे कीरली आन्या, “एली, एली, लमा सबकथनी, आंटे, ना परमेश्वरा, ना परमेश्वरा नु नन्नु येनटीक इडस्काडती?” 35देगार नीला फडीने काही मंदी इदी इनीर आप्पुड वार आनीर, इनना, वाड एलीयान फिलस्तुनाड. 36वगाड फारका फोया स्पंज विनेगरला आदी कट्ट्या मिंदा फेट्टी येशुनकी तागेदेंक इच्या इंगा आन्या, थांबायना! एलीयाड वच्ची वान किंदीक दिंपताड का लेद इदी मनाम सुदाम. 37मंग बेग्गे कीरली येशुड जेम इडस्काड्या.#स्तोत्रसंहिता 69:21.
38आप्पुड परमेश्वर भवनलोंदी पडदा मिंदकेल किंदुड नंताक शिंगी फो इंगा दानी रोंड भागलु आय्या.
39येशुन मुंदार नीला फडीने अधिकारी यप्पुड वानदी आवाज इन्या इंगा वाड यल्ला सच्या इदी सुशा आप्पुड वाड आन्या, खरेम इ मनशी परमेश्वर कोडकु उंड्या.
40आंदु उंडीने काही आंड्योर धुराम केल सुस्तुनीर. वार नडमा मग्दालीया नगरलोनदी मरीयाद, याकोब इंगा योसेफ इर आम्मा मरीयाद इंगा सलोमीद इर उंडीर. 41येशुड यप्पुड गालील प्रांतला उंड्या आप्पुड इ आंड्योर वान यंका फोदुर इंगा वानदी सेवा शेस्केन उंडीर. इरनी इडशी यरुशलेम शहर नंताक वच्चीनोर शेंगेम आंड्योर उंडीर.
येशुनदी अंतिम संस्कार
42आ वेळला फद्दु मुनगीनेंका इंगा आदी तैयारीद आंटे शब्बाथ पहिला नाड उंड्या. 43योसेफ अरिमथाईकर न्यायसभावोड माननीय सभासद उंड्या इंगा वाड पण परमेश्वरदी राज्य वच्चेद दावा सुदु. वाड योसेफ हिम्मत शेशी पिलात देगार फोया इंगा वाड येशुनदी फिनग्या आडग्या. 44येशुड इंता लग्गान यल्ला सच्या दिंदी पिलातकी आश्चर्य वाटाशा. मंग वाड सेना अधिकारीन फिल्ची आडग्या. येशुनकी सच्ची शेंगेम शप आयनाद येम? 45सेनाधिकारी तीकेल तेल्चीनेंका, आप्पुड वाड आदी फिनग्या योसेफकी इच्या. 46मंग योसेफ तागुय बट्टाल कोंका वच्या इंगा येशुन क्रुस मिंदकेल तिशा इंगा वान ताग बट्टाला गुंडाळीची आदी खडकुला तव्वीने कबरला फेट्या. मंग वाड कबर मुती मिंदा राय फेट्या. 47येशुन यंदु फेटीर इदी मग्दालीया नगरलोन मरीयाद इंगा योसेफ इर आम्मा मरीयाद सुदुर.
Tans Gekies:
MRK 15: WNT
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan