MAK Pĩ'ĩlug
Pĩ'ĩlug
MAK Na’ayen Yelehun-som golihug la pĩ’ĩl la ŋwala, <<Yelehun-som la tɔɣɔra Yezu Krista, Na’ayen Dawɔɔ la yela.>> Ti behit Yezu ka U a la so n nɔŋ tooma ka tar kpe’eoŋ. Ti nyɛt U kpe’eoŋ la la U pa’alug ni, U paŋ n tɔ̃ kolekpãbɛ’ɛh, ni U suguru dii tet nirib yit ba yelebe’et poŋi. Yezu yet yi U a la Asaal Dawɔɔ, so n tana yi U zaŋ U vom fãã nirib ba yelebe’et poŋi bah.
Mak golih Yezu yela wa la ntɔɔ ni mi’ilim, pa’an yit Yezu itug ni, ka ka’ la Un da tɔɣɔ bee pa’an se’em. Un yel Geon Baptis yel, ni soob la, ni Yezu makir la bɛ’ɛla la, u lɔŋa Yezu tooma la, ka U tebit ka pa’an la. Saŋa n da pa’ah la, Yezu nya’andolib la da pana bɔk U somma, ka seba n da pu bɔɔt U yela la, da yaa U gaara zã’ã. Golihuga ba’ahug ni la, pa’an na Yezu yela la, U bakɔ’ɔr zã’ã daan teŋa zugu la, ka poɣun sɔ̃ U mpuuredɔɔg zugu kpa’a ni U vo’ogum dɔɔ la.
Golihuga ba’ahug niŋa n bɔk buyi kɔk lebih ha la, nirib yet yi so n golih lan, ka la ka Mak mɛŋa.
Golihug la n Dol Se’em
Yelesomir la pĩ’ĩlug (1.1-13)
Yezu peelumi tooma la Galilii teŋi (1.14—9.50)
Zɛ’ɛl Galili yɛ Geruzalɛm (10.1-52)
U bakɔi zã’ã daan la Geruzalɛm ni kɔrunkɔrum ni (11. 1—15.47)
Yezu vo’o dɔɔ la (16.1-8)
Daan la nɛɛgim Mɛŋ ni Tensoŋ doo la (16.9-20)
Tans Gekies:
MAK Pĩ'ĩlug: MTY
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
2026 Ghana Institute of Languages, Literacy and Bible Translation GILLBT