Mateu 5
5
Inzigo ja Jesu ja elundu
(5:1–7:29)
1Ijuba limwinya Jesu aa bona a bantu a bangi ba keza kwakwe kale ga kala a nkambamo jelundu mi a bazigigwa bakwe kale ba senena kwakwe. 2Jesu kale ga tatika uku ba ziga nage,
3“Imfwijaguzi ja Nyambe nja bantu a bampale mu moya
kakuli u mubuso gwa kwigulu ngwabo.
4Imfwijaguzi nja bantu aba ba lila,
kakuli kuti na ba senga-senge.
5Imfwijaguzi nja bantu a bagomba
kakuli kuti na ba jobole ilonga.
6Imfwijaguzi ja Nyambe nja bantu aba ba fwa injala no nyotwa jo ku lulikila,
kakuli kuti na ba ezululwe.
7Imfwijaguzi ja Nyambe nja bantu ba kwesi inse,
kakuli nabo kuti na ba fwilwe inse.
8Imfwijaguzi nja bantu ba cenete mu myojo,
kakuli kuti na ba bone Nyambe.
9Imfwijaguzi nja bantu aba ba leta buti a bantu ba joje nenja,
kakuli kuti na ba kugigwe buti mbana Nyambe.
10Imfwijaguzi nja bantu ba pengisigwa kebaka lyo ku lulikila,
kakuli u mubuso gwa kwigulu ngwabo.
11“Mu li kwesi imfwijaguzi a bantu aa ba mi tukagula, no ku mi pengisa mane no ku mi kwaga ko bubi bonse ko manya kebaka lyangu. 12Mu jangale no ku tangalala kakuli u mupuzo gwenu munene mwigulu, kakuli mbobo ka ba pengisezanga no baboni ba Nyambe aba ka ba liko inwe na mu sini uku bako.
Izwai ne Tuba
(Male 9:50; Luk 14:34-35)
13“Ndinwe zwai lyelonga, kono ati izwai na li sampuka, mbuti mu gola uku li tendela buti li shugwaale nenja kame? Ta li si kwesi u bulotu bumwinya kame kono mbwita uku li showa no ku lyataguligwa.
14“Ndinwe tuba lyelonga. U munzi gu jakilwe elundu ta gu goli uku bikama. 15Takuli u muntu a gola uku jakiza lambi no ku mu fulumika i ciemele. Kono mpantu ku bonaala a botele uku tuligwa buti a bonise ituba ku bantu bonse ba li mu njugo. 16Nenwe bulyao, mu leke ituba lyo bitendantu i bilotu byenu li munike buti a bantu bonse ba li bone mi ba lumbe Isenu gwa kwigulu.
Byo mulao
17“Mu leke uku gaja buti mulao kampa ibi na ba ñola a baboni ba Nyambe, na nda keza ku manisa. Inga! Kame na nda keza ku vumbiliza ibi na ba ñola. 18Mbyaconse ndi mi lugwila buti, ku twala ku nako igulu nelonga aa na bi zweko, takuli nanga muñolelo u mununu go mulao ugu na gu zweko uku i bintu byonse ibi ka bi botele uku tendaala na bi sini uku tendaala. 19U muntu gense uju a shwauza u mulao, gu niniye gu mane, no ku ziga bamwinya uku tenda bulyao, kuti na kugigwe buti munini mu mubuso gwa kwigulu. Kono uju a kutika jeji i milao no ku ziga bamwinya bulyao, kuti na kugigwe buti munene mu mubuso gwa kwigulu. 20Kakuli nda sa mi lugwila buti aa ta mu bi no ku lulikila uku ku ita ko bazigi bo mulao no Bafalisi, ta na mu ngine mu mubuso gwegulu.
Jesu aa ziga byo bushanshu
(Luk 12:57-59)
21“Na mwa shugwa buti basukuzetu ba ku nkulu-katanzi se ba lugwilwa buti, ‘Mu zwe ku buyagi, mi u muntu gense uju a yaga u muntu, a li botele uku atuligwa.’#Lujendo 20:13; Mulao 5:17. 22Kono mbuti ndi mi tela buti, u muntu gense uju a nyegelela u muntu jumwinya, a li botele uku atuligwa. Kame u muntu gense uju a ta jumwinya buti, ‘U li cigelo,’ a li botele uku twaligwa ku nkuta. Mi uju a konkwela jumwinya, kuti na be mu bujoge bweleba lyo mulilo.
23“Cwale aa u leta i citagilo a lutala lwa mu njugo ja Nyambe mi so la vuluka buti nkwali uju u li nyegelele nage, 24u leke i citagilo cako ao a lutala mi u bogole mu ka zumininane tanzila no mugenzo, nko kuti u ka bogole nenja no keza ku wa i citagilo cako kwa Nyambe.
25“Ati u muntu a ku zimbite na ku twala ku nkuta, u li kumbilile kwakwe na mu si jenda mu nzila, kakuli aa se mu la ka siki kuti a ka ku we ku muatuli mi ige kuti a ku tule mu nguzu jo mupokola mi kuti na ku shonjele mu ntolongo. 26Nda sa ku lugwila initi to no zwemo mbwita aa no lifile isheleñi lyo mamaninino.
Jesu aa ziga byo ku zwa ku cise
27“Na mwa shugwa aa se ku tegwa buti, ‘Mu zwe ku cise,’#Lujendo 20:14; Mulao 5:18. 28Kono ime mbuti ndi mi tela buti, u muntu gense uju a lola u mwanakazi ko lwinsho, kale ga tenda i cise nage mu mojo. 29Cwale ati i linsho lyako lyo mulyo aa li ku sitagalisa, u li nonkole no ku li showa. Kakuli i cintu i cilotu kwako nku jonekelwa i cilama conke co mubili gwako ku ita buti u mubili gwako gonse gu ka shonjelwe mwileba lyo mulilo. 30Mi ati iganja lyako lyo mulyo na li ku tendisa i bitendantu i bimangoju, u li koshole no ku li showa. I cintu i cilotu kwako, nku jonekelwa i cilama conke co mubili gwako ku ita u mubili gonse gwako aa gu ka shonjelwa mwileba lyo mulilo.
Jesu aa ziga byo ku manisanga a maseswa
(Mat 19:9; Male 10:11-12; Luk 16:18)
31“Se ku tegwa mu mulao buti, ‘U muntu a la gola uku kana no ku manisa a maseswa no mukazi gwakwe ko ku mu ñolela iñolo lyo ku mu kana no ku li mu wa.’#Mulao 24:1. 32Kono ime nda sa mi ta buti, u muntu gense uju a kana mukazi gwakwe uku ta li ngwa cise, kale ga mu letela buti a be go cise. Mi u muntu gense uju a sesa u mwanakazi uju na ga kanigwa, nage kale ga tenda i cise.
Jesu aa ziga byo ku sa konka
33“Se mu shugwa kame buti basukuzetu se ba lugwilwa buti, ‘Mu leke uku colanga inkuluwizi na mwa kuluwiza u Mwini Bumi ko ku konka,’#Mapalo 30:2. 34Kono nda sa mi ta buti, mu leke ku kuluwizanga ko ku konka. Kampa nku konka kegulu, kakuli nce cikalo co bumfumu ca Nyambe, 35kampa nku konka kelonga, kakuli ngo malyatililo gakwe. Mu leke ku konka nanga nka Jelusalema kakuli Jelusalema ngo munzi u munene go Mfumu u Munene. 36Mu leke uku konkanga nanga nka mitwi jenu, kakuli ta mu goli uku zola u lushuki nanga ndonke buti lu tube kampa buti lu siye. 37Kono inwe mu tange bulyo buti, ‘Ee’ aa mu zumina no ‘Inga’ aa mu kana. I cintu conse ici mu nungako, nku muntu u mubi ci zwa.
Uku sa bogoza u bubi ko bubi
(Luk 6:29-30)
38“Na mwa shugwa buti se ku tegwa buti uju a ku shugwisa uku shisha, negwe u mu shugwise uku shisha, ‘I linsho ko linsho’ no ‘lino ko lino.’#Lujendo 21:24; Livitike 24:20; Mulao 19:21. 39Kono nda sa mi ta buti, mu leke uku kababuwanga ku bantu a bamangoju. U muntu aa ku kaba kwitama lyo mulyo, u mu zolele no limwinya kame. 40Aa u kugilwa ku nkuta mi se ba la ku tapa i cijabalo cako, u ba we no cizwato cako cimwinya. 41Ati u muntu na ku indikiza buti u mu sindikize kanunu u mu sindikize ku mu itiliza ao a la ku teli. 42Mu we kwa ba ba mi kumbila, mi mu leke uku kanina aba ba shaka uku mi kolotela.
Jesu aa ziga byo ku shaka aba ba tu zimbite
(Luk 6:27-28,32-36)
43“Na mwa shugwa u mulao gu ta buti, ‘Mu shake a bantu mu bambene nabo’#Livitike 19:18. mi mu zimbe aba ba mi zimbite. 44Kono ime mbuti ndi co buti, mu shake a bantu aba ba mi zimbite!#5:44 A mabuka gamwinya kame ga nungako buti, “Mu we imfwijaguzi ku bantu aba ba mi kuntwila. Mu tende nenja a bantu aba ba mi zimbite”. Mu kozanise no bu ku ñolelwe mwa Luka 6:27-28. Mu lapelele a bantu aba ba mi pengisa. 45Ko ku tenda bulyao, kuti na mu koze Isenu gwa kwigulu. Kakuli ige ga sa ñatulisiza ijuba lyakwe ku bantu bonse a babi no bantu-awa, mi ga sa tumina umvula gwakwe ku bantu aba ba lulikile no bantu aba ta ba lulikile. 46Aa mu shaka bulyo a bantu aba ba mi shaka, mupuzo gwa buti na mu gwane a ku tenda bulyao? Ntali no batentesi mbobo ba tendela. 47Ati na mu tenda nenja no ku li zuminizanga no bagenzenu bulyo, mbuti mu andanina no bantu bonse? Kakuli no bantu ta ba zumine mbobo ba tendela. 48Kono mu li botele uku ba a bantu ba lulikile sinagwe ndi Senu Nyambe gwa kwigulu aa lulikile.
Tans Gekies:
Mateu 5: TOI
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
2026 The Seed Company
Mateu 5
5
Inzigo ja Jesu ja elundu
(5:1–7:29)
1Ijuba limwinya Jesu aa bona a bantu a bangi ba keza kwakwe kale ga kala a nkambamo jelundu mi a bazigigwa bakwe kale ba senena kwakwe. 2Jesu kale ga tatika uku ba ziga nage,
3“Imfwijaguzi ja Nyambe nja bantu a bampale mu moya
kakuli u mubuso gwa kwigulu ngwabo.
4Imfwijaguzi nja bantu aba ba lila,
kakuli kuti na ba senga-senge.
5Imfwijaguzi nja bantu a bagomba
kakuli kuti na ba jobole ilonga.
6Imfwijaguzi ja Nyambe nja bantu aba ba fwa injala no nyotwa jo ku lulikila,
kakuli kuti na ba ezululwe.
7Imfwijaguzi ja Nyambe nja bantu ba kwesi inse,
kakuli nabo kuti na ba fwilwe inse.
8Imfwijaguzi nja bantu ba cenete mu myojo,
kakuli kuti na ba bone Nyambe.
9Imfwijaguzi nja bantu aba ba leta buti a bantu ba joje nenja,
kakuli kuti na ba kugigwe buti mbana Nyambe.
10Imfwijaguzi nja bantu ba pengisigwa kebaka lyo ku lulikila,
kakuli u mubuso gwa kwigulu ngwabo.
11“Mu li kwesi imfwijaguzi a bantu aa ba mi tukagula, no ku mi pengisa mane no ku mi kwaga ko bubi bonse ko manya kebaka lyangu. 12Mu jangale no ku tangalala kakuli u mupuzo gwenu munene mwigulu, kakuli mbobo ka ba pengisezanga no baboni ba Nyambe aba ka ba liko inwe na mu sini uku bako.
Izwai ne Tuba
(Male 9:50; Luk 14:34-35)
13“Ndinwe zwai lyelonga, kono ati izwai na li sampuka, mbuti mu gola uku li tendela buti li shugwaale nenja kame? Ta li si kwesi u bulotu bumwinya kame kono mbwita uku li showa no ku lyataguligwa.
14“Ndinwe tuba lyelonga. U munzi gu jakilwe elundu ta gu goli uku bikama. 15Takuli u muntu a gola uku jakiza lambi no ku mu fulumika i ciemele. Kono mpantu ku bonaala a botele uku tuligwa buti a bonise ituba ku bantu bonse ba li mu njugo. 16Nenwe bulyao, mu leke ituba lyo bitendantu i bilotu byenu li munike buti a bantu bonse ba li bone mi ba lumbe Isenu gwa kwigulu.
Byo mulao
17“Mu leke uku gaja buti mulao kampa ibi na ba ñola a baboni ba Nyambe, na nda keza ku manisa. Inga! Kame na nda keza ku vumbiliza ibi na ba ñola. 18Mbyaconse ndi mi lugwila buti, ku twala ku nako igulu nelonga aa na bi zweko, takuli nanga muñolelo u mununu go mulao ugu na gu zweko uku i bintu byonse ibi ka bi botele uku tendaala na bi sini uku tendaala. 19U muntu gense uju a shwauza u mulao, gu niniye gu mane, no ku ziga bamwinya uku tenda bulyao, kuti na kugigwe buti munini mu mubuso gwa kwigulu. Kono uju a kutika jeji i milao no ku ziga bamwinya bulyao, kuti na kugigwe buti munene mu mubuso gwa kwigulu. 20Kakuli nda sa mi lugwila buti aa ta mu bi no ku lulikila uku ku ita ko bazigi bo mulao no Bafalisi, ta na mu ngine mu mubuso gwegulu.
Jesu aa ziga byo bushanshu
(Luk 12:57-59)
21“Na mwa shugwa buti basukuzetu ba ku nkulu-katanzi se ba lugwilwa buti, ‘Mu zwe ku buyagi, mi u muntu gense uju a yaga u muntu, a li botele uku atuligwa.’#Lujendo 20:13; Mulao 5:17. 22Kono mbuti ndi mi tela buti, u muntu gense uju a nyegelela u muntu jumwinya, a li botele uku atuligwa. Kame u muntu gense uju a ta jumwinya buti, ‘U li cigelo,’ a li botele uku twaligwa ku nkuta. Mi uju a konkwela jumwinya, kuti na be mu bujoge bweleba lyo mulilo.
23“Cwale aa u leta i citagilo a lutala lwa mu njugo ja Nyambe mi so la vuluka buti nkwali uju u li nyegelele nage, 24u leke i citagilo cako ao a lutala mi u bogole mu ka zumininane tanzila no mugenzo, nko kuti u ka bogole nenja no keza ku wa i citagilo cako kwa Nyambe.
25“Ati u muntu a ku zimbite na ku twala ku nkuta, u li kumbilile kwakwe na mu si jenda mu nzila, kakuli aa se mu la ka siki kuti a ka ku we ku muatuli mi ige kuti a ku tule mu nguzu jo mupokola mi kuti na ku shonjele mu ntolongo. 26Nda sa ku lugwila initi to no zwemo mbwita aa no lifile isheleñi lyo mamaninino.
Jesu aa ziga byo ku zwa ku cise
27“Na mwa shugwa aa se ku tegwa buti, ‘Mu zwe ku cise,’#Lujendo 20:14; Mulao 5:18. 28Kono ime mbuti ndi mi tela buti, u muntu gense uju a lola u mwanakazi ko lwinsho, kale ga tenda i cise nage mu mojo. 29Cwale ati i linsho lyako lyo mulyo aa li ku sitagalisa, u li nonkole no ku li showa. Kakuli i cintu i cilotu kwako nku jonekelwa i cilama conke co mubili gwako ku ita buti u mubili gwako gonse gu ka shonjelwe mwileba lyo mulilo. 30Mi ati iganja lyako lyo mulyo na li ku tendisa i bitendantu i bimangoju, u li koshole no ku li showa. I cintu i cilotu kwako, nku jonekelwa i cilama conke co mubili gwako ku ita u mubili gonse gwako aa gu ka shonjelwa mwileba lyo mulilo.
Jesu aa ziga byo ku manisanga a maseswa
(Mat 19:9; Male 10:11-12; Luk 16:18)
31“Se ku tegwa mu mulao buti, ‘U muntu a la gola uku kana no ku manisa a maseswa no mukazi gwakwe ko ku mu ñolela iñolo lyo ku mu kana no ku li mu wa.’#Mulao 24:1. 32Kono ime nda sa mi ta buti, u muntu gense uju a kana mukazi gwakwe uku ta li ngwa cise, kale ga mu letela buti a be go cise. Mi u muntu gense uju a sesa u mwanakazi uju na ga kanigwa, nage kale ga tenda i cise.
Jesu aa ziga byo ku sa konka
33“Se mu shugwa kame buti basukuzetu se ba lugwilwa buti, ‘Mu leke uku colanga inkuluwizi na mwa kuluwiza u Mwini Bumi ko ku konka,’#Mapalo 30:2. 34Kono nda sa mi ta buti, mu leke ku kuluwizanga ko ku konka. Kampa nku konka kegulu, kakuli nce cikalo co bumfumu ca Nyambe, 35kampa nku konka kelonga, kakuli ngo malyatililo gakwe. Mu leke ku konka nanga nka Jelusalema kakuli Jelusalema ngo munzi u munene go Mfumu u Munene. 36Mu leke uku konkanga nanga nka mitwi jenu, kakuli ta mu goli uku zola u lushuki nanga ndonke buti lu tube kampa buti lu siye. 37Kono inwe mu tange bulyo buti, ‘Ee’ aa mu zumina no ‘Inga’ aa mu kana. I cintu conse ici mu nungako, nku muntu u mubi ci zwa.
Uku sa bogoza u bubi ko bubi
(Luk 6:29-30)
38“Na mwa shugwa buti se ku tegwa buti uju a ku shugwisa uku shisha, negwe u mu shugwise uku shisha, ‘I linsho ko linsho’ no ‘lino ko lino.’#Lujendo 21:24; Livitike 24:20; Mulao 19:21. 39Kono nda sa mi ta buti, mu leke uku kababuwanga ku bantu a bamangoju. U muntu aa ku kaba kwitama lyo mulyo, u mu zolele no limwinya kame. 40Aa u kugilwa ku nkuta mi se ba la ku tapa i cijabalo cako, u ba we no cizwato cako cimwinya. 41Ati u muntu na ku indikiza buti u mu sindikize kanunu u mu sindikize ku mu itiliza ao a la ku teli. 42Mu we kwa ba ba mi kumbila, mi mu leke uku kanina aba ba shaka uku mi kolotela.
Jesu aa ziga byo ku shaka aba ba tu zimbite
(Luk 6:27-28,32-36)
43“Na mwa shugwa u mulao gu ta buti, ‘Mu shake a bantu mu bambene nabo’#Livitike 19:18. mi mu zimbe aba ba mi zimbite. 44Kono ime mbuti ndi co buti, mu shake a bantu aba ba mi zimbite!#5:44 A mabuka gamwinya kame ga nungako buti, “Mu we imfwijaguzi ku bantu aba ba mi kuntwila. Mu tende nenja a bantu aba ba mi zimbite”. Mu kozanise no bu ku ñolelwe mwa Luka 6:27-28. Mu lapelele a bantu aba ba mi pengisa. 45Ko ku tenda bulyao, kuti na mu koze Isenu gwa kwigulu. Kakuli ige ga sa ñatulisiza ijuba lyakwe ku bantu bonse a babi no bantu-awa, mi ga sa tumina umvula gwakwe ku bantu aba ba lulikile no bantu aba ta ba lulikile. 46Aa mu shaka bulyo a bantu aba ba mi shaka, mupuzo gwa buti na mu gwane a ku tenda bulyao? Ntali no batentesi mbobo ba tendela. 47Ati na mu tenda nenja no ku li zuminizanga no bagenzenu bulyo, mbuti mu andanina no bantu bonse? Kakuli no bantu ta ba zumine mbobo ba tendela. 48Kono mu li botele uku ba a bantu ba lulikile sinagwe ndi Senu Nyambe gwa kwigulu aa lulikile.
2026 The Seed Company