Mateu 6
6
Jesu aa ziga a bantu bo ku wela ku bampale
1“Mu mamele buti i bitendantu byenu i bilotu bi leke ku tendelwa a kati ko bantu buti a bantu ba mi bone, kakuli aa mu tenda bulyao Isenu Nyambe gwa kwigulu ta na mi we u mupuzo.
2“Aa mu wa ku bampale, mu leke ku tenda sinagwe mbantu bo mantu ubu ba tendelanga mu majugo go malapelelo go Majuda. Mba ku lituntanga no ku ja bu kugiliza mu mazila no mu bibaka byo malapelelo buti a bantu ba ba lumbe. Mbyaconse ndi mi lugwila buti se ba li gwanite u mupuzo gwabo. 3Kono inwe aa mu wa ku bampale, iganja lyenu lyo monsho li leke ku ziba ibi li tenda iganja lyenu lyo mulyo. 4Mu we mu buzinda, mi isenu uju awene i bintu byonse kuti na mi we u mupuzo.
Jesu aa ziga bo ku lapelela
(Luk 11:2-4)
5“Aa mu lapela, mu leke uku lapela sinagwe mbantu bo mantu aba ba shaka lwini uku lapelela mu mazila no mu majugo go malapelelo go Majuda buti a bantu ba ba bone. Mbyaconse ndi mi lugwila buti se ba li gwanite u mupuzo gwabo ugu gu ba botele. 6Kono inwe aa mu lapela, mu ngine mu kampetu, mu gale i cigalo mi mu lapele kwe Senu uju ta bonwa. Mi Isenu uju a bona ibi bi tendegwa mu buzinda, kuti na mi we u mupuzo. 7Aa mu lapela, mu zwe kwigaba-gaba sinagwe mbantu ta ba zumine, aba ba gaja buti i bintu ba kumbila bya sa tabigwa aa ba gamba a majwi a mangi. 8Mu leke uku lapelenga bulyao, kakuli isenu a li zekelele ibi mu shaka nanga na mu sini uku bi mu kumbila.
9“Inwe mu lapele buti,
‘Tata gwetu gwa kwigulu, izina lyako li be lyo kucena,
10u mubuso gwako gu keze,
u tende ansi ubu u shakila sinagwe ubu ku kalile kwigulu.
11U tu we shunu i bilyo byetu bya mwijuba-mwijuba.
12U tu kwatile i bitendantu i bimangoju byetu,
sinagwe ubu na twa kwatila aba na ba tu fosekeza.
13U leke uku tu twala mu mujeleko,
kono u tu lamwine ku mubi.’#6:13 A mabuka gamwinya go kale go Cigelike ga sa nungako buti, “Kakuli u mubuso ngwako, no nguzu no mpazimo ku twala koko. Ameni.”
14“Ati na mu kwatila a bantu aba ba mi fosekeza, Isenu Nyambe gwa kwigulu kuti na mi kwatile. 15Kono ati na mu kana uku kwatila bamwinya, Isenu Nyambe ta na mi kwatile nenwe i bitendantu i bimangoju byenu.
Jesu aa ziga byo ku li nyima i bilyo
16“Mi aa mu li nyima i bilyo, mu leke uku tenda sinagwe mbantu bo mantu aba ba li bonisa uku tompa buti a bantu ba zibe buti mbilyo ba li nyimite. Mbyaconse ndi mi lugwila buti, na ba gwana u mupuzo gwabo ugu ka ba botele uku gwana. 17Kono inwe aa mu li nyima i bilyo, mu li singe a mafuta ku mutwi no ku shamba ku mensho, 18mi ko ku tenda bulyao, takuli uju sa ka nangule buti mbilyo mu li nyimite, mbwita Isenu Nyambe bulyo genke uju a zekelele ibi mu tenda mu buzinda. Mi ige uju a wene i bintu byonse kuti na mi we u mupuzo.
Jesu aa ziga byo masheleñi
(Luk 12:33-34)
19“Mu leke uku li bundikila u lubono aano ansi aa lu gola uku ligwa ku bampelenzi no ku jonigwa ku mafume, mane no basa aba ba gola uku tulula u mu lu li no ku lu iba. 20Kono mu li bundikile u lubono kwigulu uku ta lu goli uku jonaguligwa ku ba bampelenzi no mafume mane no ku ibigwa ku basa kakuli ta ba goli uku tululako. 21Kakuli uku ku li u lubono lwako no mojo gwako nkoko sa ka gu be nago.
Ituba lyo mubili
22“A mensho nde tuba lyo mubili. Ati a mensho gako ga la bona nenja, u mubili gwako gonse kuti gu be mwituba. 23Kono ati a mensho gako ta ga boni nenja, u mubili gwako gonse kuti gu be mu kansindwe. Ati ituba u gaja buti ndelyo li li kwako kanti nkansindwe, kako a kansindwe ka li botele uku siya lwini!
Byo ku sebeleza a bamfumu bo bile
(Luk 16:13; 12:22-31)
24“Takuli u muntu uju a gola uku sebeleza a bamfumu bo bile, kakuli kuti a shake genke no ku zimba jumwinya. Kampa kuti a kutike genke no ku shwauza jumwinya. Ta mu goli uku sebeleza Nyambe no masheleñi.
Jesu aa ziga byo nkengejezi
25“Cwale nda sa mi lugwila, mu leke ku tongaukanga kebaka lyo bumi bwenu ibi na mu lye kampa byo mibili jenu, ibi na mu zwate. Kakuli u bumi bu la ita i bilyo, no mubili gu la ita i bizwato. 26Mu gaje no bijuni buti ta bi byali kampa uku zimbula mane ta bi tuli u lukau mu mayongo, kakuli Isenu gwa kwigulu ndege a bi lela. Ta mwi zi buti inwe mu li ba butokwa ku ita i bijuni? 27Ndini kwenu uju a gola uku nunga inako jonke ku bumi bwakwe ko ku tongauka?
28“Ncinzi aa mu tongaukanga kebaka lyo bizwato? Nga mu lole a mapalisa ga mu lugole ubu ga kulila, ta ga sebezi no ku suma. 29Kono nanga ndi Solomoni mu bumfumu bwakwe, ta ga la zwata nenja sinagwe ndimwinya lya gaga a mapalisa. 30Cwale ati Nyambe na babalela nenja u bwiju bwa mu lugole ubu bu bonaala bulyo shunu, kono ijona se bu la shonjelwa mu mulilo, buti ta na mi babalele lwini no ku ita inwe bo nzumino inunu?
31“Mu leke ku tongaukanga na mu ta buti, ‘Mbinzi na tu lye?’ kampa ‘Mbinzi na tu nywe? Mbinzi na tu zwate?’ 32Kakuli byebyo mbantu ta ba zumine ba bi zunda, mi Isenu gwa kwigulu a li zekelele ibi mu zunda. 33Kono mu shake u mubuso gwa Nyambe tanzila no ku lulikila kwakwe mi kuti na mi we i bintu byonse ibi mu zunda. 34Mu leke uku tongaukanga kebaka lya byejona, kakuli ijona kuti na li li tongaukile byalyo. Ijuba ne juba li li kwesi a makababu galyo.
Tans Gekies:
Mateu 6: TOI
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
2026 The Seed Company
Mateu 6
6
Jesu aa ziga a bantu bo ku wela ku bampale
1“Mu mamele buti i bitendantu byenu i bilotu bi leke ku tendelwa a kati ko bantu buti a bantu ba mi bone, kakuli aa mu tenda bulyao Isenu Nyambe gwa kwigulu ta na mi we u mupuzo.
2“Aa mu wa ku bampale, mu leke ku tenda sinagwe mbantu bo mantu ubu ba tendelanga mu majugo go malapelelo go Majuda. Mba ku lituntanga no ku ja bu kugiliza mu mazila no mu bibaka byo malapelelo buti a bantu ba ba lumbe. Mbyaconse ndi mi lugwila buti se ba li gwanite u mupuzo gwabo. 3Kono inwe aa mu wa ku bampale, iganja lyenu lyo monsho li leke ku ziba ibi li tenda iganja lyenu lyo mulyo. 4Mu we mu buzinda, mi isenu uju awene i bintu byonse kuti na mi we u mupuzo.
Jesu aa ziga bo ku lapelela
(Luk 11:2-4)
5“Aa mu lapela, mu leke uku lapela sinagwe mbantu bo mantu aba ba shaka lwini uku lapelela mu mazila no mu majugo go malapelelo go Majuda buti a bantu ba ba bone. Mbyaconse ndi mi lugwila buti se ba li gwanite u mupuzo gwabo ugu gu ba botele. 6Kono inwe aa mu lapela, mu ngine mu kampetu, mu gale i cigalo mi mu lapele kwe Senu uju ta bonwa. Mi Isenu uju a bona ibi bi tendegwa mu buzinda, kuti na mi we u mupuzo. 7Aa mu lapela, mu zwe kwigaba-gaba sinagwe mbantu ta ba zumine, aba ba gaja buti i bintu ba kumbila bya sa tabigwa aa ba gamba a majwi a mangi. 8Mu leke uku lapelenga bulyao, kakuli isenu a li zekelele ibi mu shaka nanga na mu sini uku bi mu kumbila.
9“Inwe mu lapele buti,
‘Tata gwetu gwa kwigulu, izina lyako li be lyo kucena,
10u mubuso gwako gu keze,
u tende ansi ubu u shakila sinagwe ubu ku kalile kwigulu.
11U tu we shunu i bilyo byetu bya mwijuba-mwijuba.
12U tu kwatile i bitendantu i bimangoju byetu,
sinagwe ubu na twa kwatila aba na ba tu fosekeza.
13U leke uku tu twala mu mujeleko,
kono u tu lamwine ku mubi.’#6:13 A mabuka gamwinya go kale go Cigelike ga sa nungako buti, “Kakuli u mubuso ngwako, no nguzu no mpazimo ku twala koko. Ameni.”
14“Ati na mu kwatila a bantu aba ba mi fosekeza, Isenu Nyambe gwa kwigulu kuti na mi kwatile. 15Kono ati na mu kana uku kwatila bamwinya, Isenu Nyambe ta na mi kwatile nenwe i bitendantu i bimangoju byenu.
Jesu aa ziga byo ku li nyima i bilyo
16“Mi aa mu li nyima i bilyo, mu leke uku tenda sinagwe mbantu bo mantu aba ba li bonisa uku tompa buti a bantu ba zibe buti mbilyo ba li nyimite. Mbyaconse ndi mi lugwila buti, na ba gwana u mupuzo gwabo ugu ka ba botele uku gwana. 17Kono inwe aa mu li nyima i bilyo, mu li singe a mafuta ku mutwi no ku shamba ku mensho, 18mi ko ku tenda bulyao, takuli uju sa ka nangule buti mbilyo mu li nyimite, mbwita Isenu Nyambe bulyo genke uju a zekelele ibi mu tenda mu buzinda. Mi ige uju a wene i bintu byonse kuti na mi we u mupuzo.
Jesu aa ziga byo masheleñi
(Luk 12:33-34)
19“Mu leke uku li bundikila u lubono aano ansi aa lu gola uku ligwa ku bampelenzi no ku jonigwa ku mafume, mane no basa aba ba gola uku tulula u mu lu li no ku lu iba. 20Kono mu li bundikile u lubono kwigulu uku ta lu goli uku jonaguligwa ku ba bampelenzi no mafume mane no ku ibigwa ku basa kakuli ta ba goli uku tululako. 21Kakuli uku ku li u lubono lwako no mojo gwako nkoko sa ka gu be nago.
Ituba lyo mubili
22“A mensho nde tuba lyo mubili. Ati a mensho gako ga la bona nenja, u mubili gwako gonse kuti gu be mwituba. 23Kono ati a mensho gako ta ga boni nenja, u mubili gwako gonse kuti gu be mu kansindwe. Ati ituba u gaja buti ndelyo li li kwako kanti nkansindwe, kako a kansindwe ka li botele uku siya lwini!
Byo ku sebeleza a bamfumu bo bile
(Luk 16:13; 12:22-31)
24“Takuli u muntu uju a gola uku sebeleza a bamfumu bo bile, kakuli kuti a shake genke no ku zimba jumwinya. Kampa kuti a kutike genke no ku shwauza jumwinya. Ta mu goli uku sebeleza Nyambe no masheleñi.
Jesu aa ziga byo nkengejezi
25“Cwale nda sa mi lugwila, mu leke ku tongaukanga kebaka lyo bumi bwenu ibi na mu lye kampa byo mibili jenu, ibi na mu zwate. Kakuli u bumi bu la ita i bilyo, no mubili gu la ita i bizwato. 26Mu gaje no bijuni buti ta bi byali kampa uku zimbula mane ta bi tuli u lukau mu mayongo, kakuli Isenu gwa kwigulu ndege a bi lela. Ta mwi zi buti inwe mu li ba butokwa ku ita i bijuni? 27Ndini kwenu uju a gola uku nunga inako jonke ku bumi bwakwe ko ku tongauka?
28“Ncinzi aa mu tongaukanga kebaka lyo bizwato? Nga mu lole a mapalisa ga mu lugole ubu ga kulila, ta ga sebezi no ku suma. 29Kono nanga ndi Solomoni mu bumfumu bwakwe, ta ga la zwata nenja sinagwe ndimwinya lya gaga a mapalisa. 30Cwale ati Nyambe na babalela nenja u bwiju bwa mu lugole ubu bu bonaala bulyo shunu, kono ijona se bu la shonjelwa mu mulilo, buti ta na mi babalele lwini no ku ita inwe bo nzumino inunu?
31“Mu leke ku tongaukanga na mu ta buti, ‘Mbinzi na tu lye?’ kampa ‘Mbinzi na tu nywe? Mbinzi na tu zwate?’ 32Kakuli byebyo mbantu ta ba zumine ba bi zunda, mi Isenu gwa kwigulu a li zekelele ibi mu zunda. 33Kono mu shake u mubuso gwa Nyambe tanzila no ku lulikila kwakwe mi kuti na mi we i bintu byonse ibi mu zunda. 34Mu leke uku tongaukanga kebaka lya byejona, kakuli ijona kuti na li li tongaukile byalyo. Ijuba ne juba li li kwesi a makababu galyo.
2026 The Seed Company