Juan 2
2
Jesús iwelanhat inät, yen vinoya
1Tä tajyäme tres ifwalas, iche hin'o lhäy'e atsinha tä tawhayey tä ihi Caná, häp hupuy tä ihi Galilea. Wet Jesús lako iyej lhamel, 2häte lhamel t'äne häp Jesús lhäy'e lechufwenkay.
3Tä paj wet noj p'ante vino tä wichi iyäyej, wet lako ifwenho Jesús tä yok:
–Y'imche vino.
4Jesús nichulho wet yok:
–Atsinha, ¿chipte tä lefwel n'oho täjtso? Kamaj nichäthiyet'a owhäy.
5Mat lako nech'e ifwenho lhamel tä n'okawos wet yok:
–Woyayela m'ak at che häpe che lham ne'tek lewoyaye.
6Wet iche p'ante seis inät lehis tä tunte yämthilek Judío lhayis ilejpej lhamchehen, mälhyej m'ak tä lhamel lakey ne'tek iwoye yämthilek lhayen t'amajchetesa. Wet elhpej w'awulhej cincuenta yäk setenta litros. 7Wet Jesús tahuyej n'okawos wet yok:
–Hanche häp lehisni.
Wet lhamel yäm tapokwe inät, 8wet nech'e Jesús yok:
–Athana chumho lhip wet häne n'okäjyaj lewuk.
Wet lhamel iwoye, 9wet n'okäjyaj lewuk yelhte, mat nemhit inät, tsi nech'e welan vinoya. Mat lham ihanhiyejt'a tälhi, tajlhamat n'okawos tä ihanej tsi lhamel itälhtho lhip tä ihi lehi. Tä mälhyejtso, n'okäjyaj lewuk t'äne hin'o tä nech'e iwo lech'efwaya, 10wet yok:
–Nilhokej wichi lakey t'at tä ichunkat vino tä wuj tä is tä tisi iyhäj. Wet che lhamel tutseyejchehen, nech'e õhw'enhomche vino tä w'et vino t'at. Matkat am let'amajej t'at vino tä wuj tä is wet nech'e tä lew'en n'ohomche athana.
11Häp tä mälhyej p'antetso tä Jesús iwoye tä ihi hupuy tä Caná tä ihi Galilea. Häpe t'at letetnek tä ichun, wet hin'älit lewujyaj, wet lechufwenkay t'ekhaye häp lham.
12Tä tajyäme täjtso, ihoye hupuy elh tä Capernaum, lhäy'e lako, lhäy'e lech'inhis, lhäy'e lechufwenkay, wet lhamel ihi t'at yäk ifwalas iyhäj.
Jesús yokwesphä m'ak tä nit'uhawetayej tä ihi Dios Lew'et
(Mat 21.12-13; Mar 11.15-18; Luc 19.45-46)
13Tä häpe ifwalas tä tott'aye lewhäy p'ante häp Judío lhayis lakäjyaj tä Pascua,#Éx 12.1-27 wet Jesús yik tä ihoye Jerusalén. 14Tä nichäte, tiyäjo Dios Lew'et wet hiw'en häp hin'ol tä iwom w'asetas, tson'atas lhäy'e hokwinhas, lhäy'e iyhäj tä tatachephä tä ihiche lew'etes tä iwo iyhäjahi chinaj t'äj. 15Wet lham tachuma niyhäy tä ikatsi wet yen letasnhata, wet yokweschephä nilhokej lhamel tä ihi, lhäy'e tson'atas lhäy'e w'asetas. Wet itsäy honhate häp chinaj t'äj tä hin'ol iwo iyhäjahi, wet itilhkatchehchä laka mesas. 16Wet tahuyej lhamel tä iwom hokwinhas wet yok:
–¡Chuma tähesni, hän alhoye! ¡Yej lhenaye mercado Ojcha Lew'et!
17Wet lechufwenkay lehusekch'oye Dios lhämet p'ante ihi Lehi tä yok, “Otäyijlhayaj tapo n'oyejpe Awukwe.”#Sal 69.9
18Tä Judío lhayis hiw'en m'ak tä Jesús iwoye, tay'ätshane wet yok:
–¿Atsi atetnek tä lewohiyela häpkhilek letäfwnhat n'oyejen chi tälhe n'owahnhayaj tä lewoye m'ak tä lhenlhitso?
19Lham nichulho wet yok:
–Che lewasthi Dios Lewukwena, che tres ifwalas oneyhthiphäla.#Mat 26.61; 27.40
20Judío lhayis yok:
–¿Chi lewoye? Lhek yahinya, cuarenta y seis nekchämes tä lewos yenlhi Dios Lewukwena, ¿wet lefwetaj che tres ifwalas am leneyhthiphäla?
21Matkat häp Dios Lewukwe tä Jesús yäme häpe t'at häp lham t'isan. 22Wet tä äp Dios inuhatphä tä tälho n'op'itseyhay, lechufwenkay nitichunch'oye lhämtesna, wet t'ekhaye Dios lhämtes tä ihi Lehi lhäy'e m'ak tä Jesús yäme.
Jesús nitäfwelej elhpej hin'o lehusek
23Tä Jesús ihi t'at Jerusalén häp n'okäjyaj tä Pascua, wujpe wichi tä t'ekhaye häp lham tä lhamel hiw'en letetnhay tä iwoye. 24Mat lham t'ekhahiyet'a lhamel, tsi nitäfwelej t'at nilhokej. 25Wet tek iwatläk wo elh che yäme elh, tsi lham nitäfwelej t'at elhpej hin'o lehusek.
Tans Gekies:
Juan 2: WCHB
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Biblia Wichí, Dios Lhämtes tä Matchehen © Sociedad Bíblica Argentina, 2002.
