1 SAMUEL 31:4-5
1 SAMUEL 31:4-5 Nuwe Lewende Vertaling (NLV)
Toe beveel Saul sy wapendraer: “Vat jou swaard en steek my daarmee dood voordat hierdie onbesnede Filistyne my doodsteek en my verneder.” Maar sy wapendraer was bang en wou dit nie doen nie. Toe vat Saul self die swaard en val daarin. Toe sy wapendraer sien dat Saul dood is, val hy ook in sy swaard en sterf saam met Saul.
1 SAMUEL 31:4-5 Bybel vir almal (ABA)
Hy het vir sy wapendraer gesê: “Jy moet jou swaard neem en jy moet my doodsteek. Ek wil nie hê hierdie heidene moet my kom doodsteek en vir my lag nie.” Maar sy wapendraer wou dit nie doen nie, hy was bang. Toe neem Saul self sy swaard en hy val daarop. Die swaard het deur hom gesteek. Toe die wapendraer sien dat Saul dood is, het hy ook op sy swaard geval en hy het saam met Saul gesterf.
1 SAMUEL 31:4-5 Afrikaans 1933/1953 (AFR53)
En Saul het aan sy wapendraer gesê: Trek jou swaard uit en deurboor my daarmee, anders kom hierdie onbesnedenes en deurboor my en dryf die spot met my. Maar sy wapendraer wou nie, omdat hy baie bevrees was. Daarop neem Saul die swaard en val daarin. Toe sy wapendraer sien dat Saul dood was, het hy self ook in sy swaard geval en saam met hom gesterf.
1 SAMUEL 31:4-5 Afrikaans 1983 (AFR83)
en vir sy wapendraer gesê: “Trek jou swaard en steek my daarmee dood dat daardie heidene nie kom en my doodsteek en in oneer laat sterf nie.” Maar sy wapendraer wou nie, want hy was baie bang. Saul vat toe self die swaard en val daarin. Toe sy wapendraer sien Saul is dood, val hy ook in sy swaard en sterf saam met hom.
1 SAMUEL 31:4-5 Die Bybel 2020-vertaling (AFR20)
Saul sê toe vir sy wapendraer: “Trek jou swaard en deurboor my daarmee, anders kom hierdie onbesnedenes, en deurboor my en martel my.” Maar sy wapendraer wou nie, want hy was angsbevange. Toe vat Saul sy swaard en val daarin. Toe sy wapendraer sien dat Saul dood is, val ook hy in sy swaard en sterf saam met hom.
1 SAMUEL 31:4-5 Contemporary Afrikaans Bible 2023 (CAB23)
Toe sê Saul vir sy wapendraer: Trek jou swaard uit en steek my daarmee deur; dat hierdie onbesnedenes nie kom en my deurboor en my beledig nie. Maar sy wapendraer wou nie; want hy was baie bang. Daarom het Saul 'n swaard geneem en daarop geval. En toe sy wapendraer sien dat Saul dood was, het hy net so op sy swaard geval en saam met hom gesterf.
1 SAMUEL 31:4-5 Die Boodskap (DB)
Hy sê toe vir sy wapendraer: “Trek jou swaard uit en steek my dood. Anders kom hierdie klomp heidene en steek my met hulle swaarde en laat my ly.” Maar die wapendraer was te bang om dit te doen. Saul vat toe sy eie swaard en pleeg selfmoord. Toe die wapendraer sien Saul is dood, het hý ook sy swaard gevat en soos Saul selfmoord gepleeg.