DANIËL 9:27
DANIËL 9:27 Afrikaans 1933/1953 (AFR53)
En hy sal een week lank met baie 'n sterk verbond sluit, en gedurende die helfte van die week sal hy slagoffer en spysoffer laat ophou; en op die vleuel van gruwels sal daar 'n verwoester wees, en wel tot aan die einde; en wat vas besluit is, sal oor wat woes is, uitgestort word.
DANIËL 9:27 Bybel vir almal (ABA)
Die nuwe koning sal 'n ooreenkoms maak met baie mense. Die ooreenkoms sal wees vir een jaar, maar in die middel van die jaar sal hy sê die priesters mag nie meer offers en presente na die tempel bring nie. Hy sal iets in die tempel sit wat vir God baie kwaad sal maak en wat alles sal verwoes. Maar God het besluit Hy sal die koning wat dit gedoen het, baie swaar straf wanneer dit die regte tyd is.”
DANIËL 9:27 Afrikaans 1983 (AFR83)
Dié regeerder sal vir een tydperk 'n vaste ooreenkoms aangaan met die vooraanstaandes en teen die helfte van dié tydperk sal hy die diereoffers en die graanoffers afskaf. Hy sal op die een hoek van die tempel 'n ding sit wat 'n gruwel is vir God en wat verwoesting aanrig, en dit sal daar staan tot alles verby is. Dan sal oor dié regeerder wat soveel verwoesting aangerig het, losbars wat oor hom besluit is.”
DANIËL 9:27 Die Bybel 2020-vertaling (AFR20)
En hy sal vir een week 'n bindende ooreenkoms aangaan met die menigtes. In die middel van die week sal hy die slagoffer en •graanoffer laat ophou, en by die vlerk van verfoeilike afgodsbeelde sal daar een wees wat verwoes, totdat finale vernietiging en wat vooruitbepaal is, oor die verwoester losbars.”
DANIËL 9:27 Contemporary Afrikaans Bible 2023 (CAB23)
En hy sal die verbond met baie vir een week lank bevestig; en in die middel van die week sal hy die slagoffer en die spysoffer laat ophou, en vir die oorverspreiding van gruwels sal hy dit 'n wildernis maak tot die voleinding en die sal uitgestort word op die eensames.
DANIËL 9:27 Die Boodskap (DB)
Daardie leier sal ’n ooreenkoms van een maal sewe jaar met baie mense aangaan. Wanneer die helfte van hierdie tyd verby is, sal hy die diereoffers en die graanoffers in die tempel verbied. Hy sal ’n afstootlike afgodsbeeld op die altaar in die tempel neersit, ’n ding wat tot opstand sal lei. Die ding sal daar bly staan tot op die dag dat hierdie leier sy verdiende loon kry wat God vir hom beplan het.”
DANIËL 9:27 Nuwe Lewende Vertaling (NLV)
Hy sal met baie ’n ooreenkoms sluit vir ’n tydperk van een eenheid van sewe. Vir ’n halwe eenheid sal hy die praktyk van die offer ophef. Hy sal ’n veragtelike ding oprig wat die tempel verontreinig totdat die tyd aanbreek dat dit wat oor hom bepaal is, oor hom sal losbars.”