DEUTERONOMIUM 18:10-11
DEUTERONOMIUM 18:10-11 Afrikaans 1933/1953 (AFR53)
Daar mag niemand by jou gevind word wat sy seun of sy dogter deur die vuur laat deurgaan — wat met waarsêery, goëlery of met verklaring van voortekens of towery omgaan nie, of wat met besweringe omgaan, of wat 'n gees van 'n afgestorwene vra of 'n gees wat waarsê, of wat die dooies raadpleeg nie.
DEUTERONOMIUM 18:10-11 Bybel vir almal (ABA)
Niemand moet sy kind verbrand nie, niemand moet sê hy weet dinge wat ander mense nie kan weet nie. Hy moet ook nie sê hy sien tekens en hy weet wat sal gebeur nie, of hy kan toor, of hy kan met slange praat, of hy kan vir die gees van iemand wat dood is, vra wat sal gebeur, of hy is 'n waarsêer nie.
DEUTERONOMIUM 18:10-11 Afrikaans 1983 (AFR83)
Daar mag nie iemand by jou wees wat sy seun of dogter as offer laat verbrand nie. Daar mag nie 'n besweerder by jou wees nie en ook nie 'n towenaar of iemand wat voortekens lees of 'n goëlaar of 'n slangbesweerder of iemand wat geeste om inligting vra en dooies raadpleeg nie.
DEUTERONOMIUM 18:10-11 Die Bybel 2020-vertaling (AFR20)
Daar mag nooit by jou iemand wees wat sy seun of dogter in die vuur offer, of wat voorspellings maak, voortekens lees, waarsêery beoefen, of 'n towenaar is nie, wat towerspreuke gebruik, waarsêer- of voorvadergeeste oproep, of dooies raadpleeg nie.
DEUTERONOMIUM 18:10-11 Contemporary Afrikaans Bible 2023 (CAB23)
Daar sal niemand onder julle gevind word wat sy seun of sy dogter deur die vuur laat deurgaan nie, of wat met waarsêery gebruik maak, of 'n waarnemer van tye, of 'n towenaar of 'n heks nie, Of 'n besweerder, of 'n raadgewer met bekende geeste, of 'n towenaar, of 'n dodeman.
DEUTERONOMIUM 18:10-11 Die Boodskap (DB)
Jy mag byvoorbeeld nie jou seun of dogter as ’n offer verbrand om heidense afgode te aanbid nie. En jou mense mag ook nie ander se fortuin vertel of volgens die sterre dinge vir mense voorspel nie. Hulle mag ook nie by toordery betrokke raak nie. Jy mag nie toelaat dat iemand onder jou mense die toekoms probeer voorspel deur tekens te probeer verklaar nie. Niemand mag hekse besoek of aan hulle byeenkomste deelneem nie. Jou mense mag nie ander mense probeer toor nie en hulle mag nie met dooies kontak maak om so inligting by hulle te kry nie.
DEUTERONOMIUM 18:10-11 Nuwe Lewende Vertaling (NLV)
Daar mag nooit iemand tussen julle wees wat sy seun of dogter as ’n brandoffer verbrand nie. Moenie betrokke raak by waarsêery of goëlery of by die interpretasie van voortekens of towery, of beswerings of iemand wat geeste oproep of iemand wat dooies raadpleeg nie.