EKSODUS 24:16
EKSODUS 24:16 Bybel vir almal (ABA)
Die lig wat om die Here, die Koning, is wanneer Hy verskyn, was op Sinai-berg, en die wolk was ses dae lank oor die berg. Op die sewende dag het die Here uit die wolk vir Moses geroep.
EKSODUS 24:16 Afrikaans 1933/1953 (AFR53)
En die heerlikheid van die HERE het op die berg Sinai gebly, en die wolk het dit ses dae lank oordek. En op die sewende dag het Hy na Moses geroep uit die wolk.
EKSODUS 24:16 Afrikaans 1983 (AFR83)
Die magtige teenwoordigheid van die Here het op Sinaiberg gebly, en ses dae het die wolk die berg omhul. Op die sewende dag het die Here uit die wolk uit na Moses geroep.
EKSODUS 24:16 Die Bybel 2020-vertaling (AFR20)
Die heerlikheid van die HERE het op die berg Sinai vertoef en die wolk het die berg ses dae lank bedek. Die HERE het op die sewende dag uit die wolk na Moses geroep.
EKSODUS 24:16 Contemporary Afrikaans Bible 2023 (CAB23)
En die heerlikheid van die HERE het op die berg Sinai gebly, en die wolk het dit ses dae lank oordek; en op die sewende dag het Hy Moses uit die wolk geroep.
EKSODUS 24:16-17 Die Boodskap (DB)
Die Here was in al sy grootheid op die Sinaiberg. Vir die Israeliete onder die berg het dit gelyk na ’n vuur wat op die top van die berg brand terwyl die Here daar was. Die donker wolk het ses dae lank oor die berg bly hang. Op die sewende dag het die Here uit die wolk gepraat. Hy het Moses nader geroep.