ESEGIËL 33:5

Deel

ESEGIËL 33:5 Bybel vir almal (ABA)

Want hy het die ramshoring gehoor, maar hy het niks gedoen nie. Dit sal sy eie skuld wees dat hy sterf. As hy geluister het toe die wag hulle gewaarsku het, dan sou hy sy lewe gered het.

ESEGIËL 33:5 Afrikaans 1933/1953 (AFR53)

Hy het die geluid van die basuin gehoor, maar het hom nie laat waarsku nie: sy bloed is op hom. Maar as hy hom laat waarsku, dan red hy sy siel.

ESEGIËL 33:5 Afrikaans 1983 (AFR83)

Hulle het die ramshoring gehoor maar nie op die waarskuwing ag geslaan nie, hulle is self verantwoordelik vir hulle dood. Dit is net dié wat op die waarskuwing ag slaan, wat hulle lewens red.

ESEGIËL 33:5 Die Bybel 2020-vertaling (AFR20)

Die geluid van die ramshoring het hy gehoor, maar hy het hom nie laat waarsku nie; sy bloed is op hom. As hy hom laat waarsku het, sou hy sy lewe gered het.

ESEGIËL 33:5 Contemporary Afrikaans Bible 2023 (CAB23)

Hy het die geluid van die basuin gehoor en nie gewaarsku nie; sy bloed sal op hom wees. Maar hy wat hom waarsku, sal sy siel red.

ESEGIËL 33:5 Die Boodskap (DB)

Hulle het gehoor dat die wag hulle waarsku, maar hulle het hulle nie aan die waarskuwing gesteur nie. Dis hulle eie skuld as die vyand hulle betrap terwyl hulle nie reg is om te veg nie. As hulle na die waarskuwing geluister het, sou hulle gereed gewees het om teen die vyand te veg. En dan sou hulle tien teen een nie dood gewees het nie.

ESEGIËL 33:5 Nuwe Lewende Vertaling (NLV)

Hulle het die waarskuwing gekry, maar wou nie luister nie. Hulle is verantwoordelik vir hulle eie dood. As hulle hulle aan die waarskuwing gesteur het, sou hulle hulself gered het.