ESEGIËL 7:27
ESEGIËL 7:27 Afrikaans 1983 (AFR83)
Die koning sal treur, die vername mense sal angsbevange wees, die mense in die land sal die hande wring van vrees. Ek gaan aan hulle doen wat hulle verdien, Ek gaan hulle straf soos hulle self mense gestraf het. Dan sal hulle besef dat Ek die Here is.”
ESEGIËL 7:27 Nuwe Lewende Vertaling (NLV)
Die koning en die leier sal hulpeloos staan. Hulle sal wanhopig huil, en die mense se hande sal bewe van vrees. Ek sal die bose dag oor hulle bring wat hulle oor ander gebring het. Hulle sal die straf ontvang wat hulle so ryklik verdien. Dan sal hulle weet dat Ek die HERE is!”
ESEGIËL 7:27 Bybel vir almal (ABA)
Die koning sal ook nie weet wat om te doen nie, die man wat regeer, sal te bang wees om iets te doen. Die mense in die land sal so bang wees dat hulle hande sal bewe. Ek sal hulle straf oor die dinge wat hulle gedoen het, Ek sal dieselfde met hulle doen wat hulle met ander mense gedoen het. Dan sal hulle weet dat Ek die Here is.”
ESEGIËL 7:27 Afrikaans 1933/1953 (AFR53)
Die koning sal rou, en die vors sal hom beklee met verbasing, en die hande van die mense van die land sal deur skrik verlam wees. Ek sal met hulle handel volgens hulle weg, en volgens hulle verordeninge sal Ek hulle vonnis; en hulle sal weet dat Ek die HERE is.
ESEGIËL 7:27 Die Bybel 2020-vertaling (AFR20)
Die koning sal rou, die leier sal verslae wees; die volk van die land se hande is deur angs verlam. Volgens hulle optrede sal Ek met hulle handel. Volgens hulle regspraak sal Ek oor hulle regspreek. Hulle sal besef dat Ek die HERE is.’ ”
ESEGIËL 7:27 Contemporary Afrikaans Bible 2023 (CAB23)
Die koning sal treur, en die vors sal beklee word met verwoesting, en die hande van die mense van die land sal verskrik word; en hulle sal weet dat Ek die HERE is.
ESEGIËL 7:27 Die Boodskap (DB)
Die regeerders van die land sal hulle ook nie kan help nie. Die regeerders sal self staan en huil, so hartseer sal hulle wees. En die mense sal bewe, so bang sal hulle wees. Dan sal Ek al die slegte dade wat mense aan mekaar gedoen het, aan hulle terugdoen. Hulle sal gestraf word met die straf wat hulle verdien. Dan eers sal hulle besef en erken dat Ek die Here is.”