ESRA 2:68-69
ESRA 2:68-69 Nuwe Lewende Vertaling (NLV)
Toe hulle by die tempel van die HERE in Jerusalem aankom, het sommige van die familiehoofde vrywillige bydraes gemaak sodat God se tempel op die oorspronklike plek herbou kon word. Elkeen van hulle het soveel gegee as wat hulle kon. Die somtotaal van wat hulle geskenk het, was ongeveer 500 kilogram goud, 3 000 kilogram silwer en 100 kledingstukke vir die priesters.
ESRA 2:68-69 Bybel vir almal (ABA)
Toe die familiehoofde by die tempel-gronde in Jerusalem kom, het hulle self besluit om geld te gee om die tempel weer te bou op die plek waar dit was. Elke familiehoof het gegee wat hy kon gee om die tempel te bou. Dit was 61 000 goue darieke, 5 000 mines silwer, en rokke vir 100 priesters.
ESRA 2:68-69 Afrikaans 1933/1953 (AFR53)
En van die familiehoofde het, toe hulle by die huis van die HERE kom wat in Jerusalem is, vrywillig gegee vir die huis van God om dit weer op te rig op sy plek. Na hul vermoë het hulle bygedra tot die fonds van die werk: in goud een-en-sestigduisend dragmes, en in silwer vyfduisend mines en honderd priesterrokke.
ESRA 2:68-69 Afrikaans 1983 (AFR83)
Met hulle aankoms by die tempelterrein in Jerusalem het 'n aantal familiehoofde vrywillige bydraes gegee vir die oprigting van die huis van die Here op sy oorspronklike plek. Hulle het volgens hulle vermoë vir die boufonds gegee, iets meer as 'n halwe ton goud, byna drie ton silwer en honderd stelle priesterklere.
ESRA 2:68-69 Die Bybel 2020-vertaling (AFR20)
Toe hulle by die huis van die HERE wat in Jerusalem is, aankom, het party van die familiehoofde vrywillige bydraes gegee om die huis van God op sy plek te herbou. Hulle het na vermoë tot die boufonds bygedra: 61 000 goue dragme, 5 000 silwermina en 100 priesterrokke.
ESRA 2:68-69 Contemporary Afrikaans Bible 2023 (CAB23)
En sommige van die familiehoofde het, toe hulle by die huis van die HERE wat in Jerusalem is, verniet geoffer vir die huis van God om dit in sy plek op te rig. Hulle het aan die skat van die werk sestigduisend drame goud en vyfduisend pond silwer en honderd priesterklere gegee volgens hulle vermoë.
ESRA 2:68-69 Die Boodskap (DB)
Toe hulle by die bouvalle van die tempel van die Here in Jerusalem aankom, het die leiers van die families uit hulle eie beursie geld gegee om die tempel te herbou. Hulle het alles wat hulle gehad het vir die “herstelfonds” gegee. Dit was in totaal net meer as 500 kilogram goud, byna 3 000 kilogram silwer en 100 pakke klere vir die priesters.