HOSEA 7:14

Deel

HOSEA 7:14 Bybel vir almal (ABA)

“Hulle het gebid en gevra dat Ek hulle moet help, maar hulle was vals. Hulle lê op die bed en huil en hulle sny hulleself met messe, want hulle dink Baäl sal vir hulle koring en wyn gee. Hulle dien My nie meer nie.

HOSEA 7:14 Afrikaans 1933/1953 (AFR53)

Ook roep hulle nie van harte na My nie, maar jammer op hulle bedde; ter wille van koring en mos kerwe hulle hulself stukkend; hulle is opstandig teen My.

HOSEA 7:14 Afrikaans 1983 (AFR83)

Toe hulle na My om hulp geroep het, het dit nie uit die hart gekom nie, want hulle lê op hulle beddens en kerm en sny hulleself stukkend ter wille van koring en wyn. Hulle verset hulle teen My

HOSEA 7:14 Die Bybel 2020-vertaling (AFR20)

Hulle roep nie uit die hart na My om hulp nie; want hulle kerm op hulle lêplekke; oor koring en •nuwe wyn sny hulle hulleself stukkend – so draai hulle teen My.

HOSEA 7:14 Contemporary Afrikaans Bible 2023 (CAB23)

En hulle het My nie met hul hart aangeroep as hulle op hul beddens gehuil het nie

HOSEA 7:14 Die Boodskap (DB)

Wanneer hulle tot My bid, bedoel hulle dit nie regtig nie. Eintlik beledig hulle My wanneer hulle so vir My bid. Hulle lê en kerm op die bed net soos wanneer die heidene vir hulle gode bid. Hulle kerf hulle stukkend met messe asof hulle vir ’n afgod bid om vir hulle koring en wyn te gee.

HOSEA 7:14 Nuwe Lewende Vertaling (NLV)

Hulle roep nie na My met ’n opregte hart nie. In plaas daarvan lê hulle op hulle beddens en kerm. Hulle sny hulleself stukkend voor hulle afgode as hulle bid vir gesaaides en wingerde. Hulle het teen My gerebelleer.