HOSEA 9:7
HOSEA 9:7 Die Boodskap (DB)
“Die tyd het gekom om die boete te betaal. Die tyd is hier om die skuld wat hulle gemaak het, bymekaar te tel. Israel gaan baie goed besef dat dit nou sulke tyd is. Julle sê die man wat God se boodskap bring, is mal. Julle sê die man in wie God se Gees is, is stapelgek. Julle sê so omdat julle sonde so groot is. Julle voel skuldig. Dit is hoekom julle met hom wil baklei as hy met julle praat.
HOSEA 9:7 Bybel vir almal (ABA)
Die Here sal hulle straf, en dit sal gou gebeur. Die mense van Israel sal dit weet. Julle dink die profeet is dom. Julle dink hy is mal wanneer die Here vir hom wys wat sal gebeur. Maar hy is so omdat julle so baie sonde doen en omdat julle almal sy vyande is.
HOSEA 9:7 Afrikaans 1933/1953 (AFR53)
Die dae van besoeking het gekom, die dae van vergelding het gekom; Israel sal dit ervaar! Die profeet word 'n dwaas, die man van die gees 'n waansinnige, weens die grootheid van jou ongeregtigheid, en omdat die vyandskap groot is.
HOSEA 9:7 Afrikaans 1983 (AFR83)
Die tyd van straf het aangebreek! Die tyd van afrekening het gekom! Israel sal dit besef. Is die profeet dwaas? Is die man wat deur die Gees in besit geneem is, waansinnig? Hy is so omdat jou sonde so groot is en omdat jy so vyandig is teen hom.
HOSEA 9:7 Die Bybel 2020-vertaling (AFR20)
Die dae van afrekening het aangebreek; die dae van vergelding het gekom – Israel sal dit ervaar. Jy sê: “Die profeet is 'n gek, die man met die gees is waansinnig!” Ja, dit is oor die omvang van jou sondeskuld en omdat die vyandigheid so groot is.
HOSEA 9:7 Contemporary Afrikaans Bible 2023 (CAB23)
Die dae van besoeking het gekom, die dae van vergelding het gekom; Israel sal dit weet: die profeet is 'n dwaas, die geestelike mens is kranksinnig, oor die menigte van jou ongeregtigheid en die groot haat.
HOSEA 9:7 Nuwe Lewende Vertaling (NLV)
Die oomblik van Israel se straf het aangebreek. Die dag van vergelding is hier. Israel sal dit deeglik besef. “Die profeet is ’n dwaas!” skree die mense. “Die man van die Gees is van sy kop af!” spot hulle. Dis omdat jou sonde so baie en jou vyandigheid so groot is teenoor hulle wat God dien.