JESAJA 58:4-5
JESAJA 58:4-5 Die Bybel 2020-vertaling (AFR20)
Kyk, net om te twis en rusie te maak, vas julle, en om genadeloos met die vuis te slaan. Julle vas nie vandag om julle stem in die hoogte te laat hoor nie. Is die vas wat Ek verkies dan so, 'n dag van verootmoediging vir 'n mens? Is dit om die hoof te buig soos 'n biesie, en in sak en as te lê? Is dit wat julle vas noem? is dit 'n dag wat die HERE se goedkeuring wegdra?
JESAJA 58:4-5 Bybel vir almal (ABA)
Julle vas, maar julle beskuldig julle werkers en julle baklei met hulle. Hulle doen niks verkeerd nie, maar julle slaan hulle met die vuis. Wanneer julle vas en julle doen hierdie dinge, dan sal niemand in die hemel luister wat julle bid nie. Julle dink Ek wil hê julle moet julle verneder wanneer julle vas. Julle dink Ek wil hê elkeen moet sy kop laat hang soos 'n biesie en elkeen moet rouklere dra en op die ashoop sit. Julle sê dit is hoe 'n mens moet vas, julle sê dit is waarvan die Here sal hou.
JESAJA 58:4-5 Afrikaans 1933/1953 (AFR53)
Kyk, om te twis en te kyf, vas julle, en om te slaan met misdadige vuis; julle vas nie nou om julle stem in die hoogte te laat hoor nie. Is dít die vas wat Ek verkies, die dag as die mens sy siel gaan kwel: dat hy sy hoof buig soos 'n biesie en sak en as uitsprei om sy bed te wees? Noem jy dit vas en 'n dag wat die HERE welgevallig is?
JESAJA 58:4-5 Afrikaans 1983 (AFR83)
Julle vasdae loop uit op twis en rusie, julle dam mekaar met die vuis by. Julle kan nie op hierdie manier vas en dan verwag dat julle gebed verhoor sal word in die hemel nie. Is dit ál wat Ek op 'n vasdag wil hê: net dat 'n mens homself verneder, dat hy sy nek buig soos 'n biesie en in sak en as sit? Noem jy dít 'n vasdag, 'n dag waarvan die Here hou?
JESAJA 58:4-5 Contemporary Afrikaans Bible 2023 (CAB23)
Kyk, julle vas vir twis en twis, en om met die vuis van boosheid te slaan; julle mag nie vas soos julle vandag doen om julle stem in die hoogte te laat hoor nie. Is dit so 'n vas wat ek gekies het? 'n dag vir 'n man om sy siel te verdruk? is dit om sy hoof soos 'n bies te buig en rouklere en as onder hom uit te sprei? wil jy dit 'n vas en 'n welbehae dag vir die HERE noem?
JESAJA 58:4-5 Die Boodskap (DB)
As julle vas, loop dit uit op rusies en bakleiery onder mekaar. Julle kan mos nie op so ’n manier vir My vas en dan verwag dat Ek na julle gebede moet luister nie! Op die dag dat julle vas, hou julle julleself kamtig nederig. Julle laat julle koppe vooroor hang soos ’n biesie wat geknak is. Julle trek begrafnisklere aan en julle gooi stof op julle koppe. En julle noem dit dan ’n vasdag. Dink julle nou dat dit die manier is om sonder kos klaar te kom? Is dit nou die dinge wat die Here gelukkig moet maak?
JESAJA 58:4-5 Nuwe Lewende Vertaling (NLV)
Julle vas eindig in twis, rusie en vuisgevegte. Op hierdie manier kan julle nie vas en dan verwag dat dit in die hemel gehoor sal word nie. Is dit die vas wat Ek verkies, net ’n dag waarop ’n mens homself verneder? Is dit om net jou kop te buig soos ’n biesie en te sit in sak en as? Is dit wat jy ’n vas noem, ’n dag wat vir die HERE aanvaarbaar sal wees?