JOB 4:4-6
JOB 4:4-6 Die Bybel 2020-vertaling (AFR20)
Jou woorde het die een wat struikel, regop gehelp; wankelrige knieë het jy stewig gemaak. Maar noudat dit jou oorkom, is jy ontstemd; noudat dit jou tref, is jy ontsteld. Is jou ontsag vir God dan nie dit waarop jy staatmaak nie? Is jou hoop nie gevestig op jou onberispelike optrede nie?
JOB 4:4-6 Bybel vir almal (ABA)
Party mense wou val, maar jy het hulle gehelp om regop te bly, jy het hulle sterk gemaak om aan te hou lewe. Maar nou gaan dit sleg met jóú, en nou is jy moedeloos, nou gebeur dit met jou, en nou is jy bang. Jy het altyd vir God gedien, jy was 'n goeie man, jy het heeltemal reg gelewe. Daarom moet jy nou hoop en weet dat dit weer beter sal gaan.
JOB 4:4-6 Afrikaans 1933/1953 (AFR53)
Jou woorde het opgerig die wat struikel, en jy het knikkende knieë versterk. Maar nou dat dit jóú oorkom, is jy moedverlore; nou dat dit jóú tref, is jy verslae! IS jou Godsvrees nie jou hoop, jou vrome wandel nie jou verwagting nie?
JOB 4:4-6 Afrikaans 1983 (AFR83)
Jou woorde het dié wat struikel, opgebeur, dié wat wou val, het jy weer opgehelp. Nou het die ramp jou getref, en jy is platgeslaan; dit het jou oorgekom, en jy is verslae. Beteken dit dan vir jou niks dat jy God gedien het nie, gee jou vrome lewe jou geen hoop nie?
JOB 4:4-6 Contemporary Afrikaans Bible 2023 (CAB23)
U woorde het hom ondersteun wat besig was om te val, en U het die swak knieë versterk. Maar nou het dit oor jou gekom, en jy word beswyk; dit raak jou, en jy word verskrik. Is dit nie jou vrees, jou vertroue, jou hoop en die opregtheid van jou weë nie?
JOB 4:4-6 Die Boodskap (DB)
Jy het ook mense wat wou gaan lê, aangemoedig om vas te byt. Dié wat gevoel het dat hulle knieë onder hulle knak, het jy gehelp om nuwe energie te kry en aan te gaan. Maar noudat die probleme na jou kant toe gekom het, kan jy dit nie verdra nie. Noudat dit jou raak, is jy platgeslaan. Gee jou geloof in die Here nie vir jou die vertroue wat jy nodig het nie? Jy het altyd reg gelewe omdat jy die Here eer. Dit behoort mos vir jou hoop te gee.”
JOB 4:4-6 Nuwe Lewende Vertaling (NLV)
Jou woorde het almal wat geval het, versterk. Jy het mense wat twyfel, regop gehou. En noudat die moeilikheid oor jou gekom het, is jy verslae, noudat dit jou getref het, is jy gebroke. Gee dit dan nie vir jou hoop dat jy God aanbid het nie? Moet jy nie juis nou glo dat God sorg vir mense wat Hom dien nie?