JOB 5:17-18
JOB 5:17-18 Afrikaans 1933/1953 (AFR53)
KYK, gelukkig is die man wat God kasty; verwerp daarom die tugtiging van die Almagtige nie. Want Hý doen smart aan, maar verbind ook; Hy verbrysel, maar sy hande maak gesond.
JOB 5:17-18 Bybel vir almal (ABA)
“'n Mens is gelukkig wanneer God vir hom leer. Wanneer die Almagtige vir jou wil leer hoe om te lewe, dan moet jy luister. Want God maak seer, maar Hy bind die seerplek weer toe, Hy slaan stukkend, maar Hy maak die stukkende plek weer gesond.
JOB 5:17-18 Afrikaans 1983 (AFR83)
“Dit gaan goed met die mens wat deur God tereggewys word. Jy moet nie die bestraffing van die Almagtige verontagsaam nie. Dit is Hy wat wonde toedien, maar Hy verbind hulle weer, wat seer slaan, maar Hy maak weer met sy eie hand gesond.
JOB 5:17-18 Die Bybel 2020-vertaling (AFR20)
“ Kyk, gelukkig is die mens vir wie God teregwys; die tugtiging van die Almagtige – moet dit nie verwerp nie! Want Hy is die een wat pyn veroorsaak, maar ook verbind, Hy verbrysel, maar sy hande genees ook.
JOB 5:17-18 Contemporary Afrikaans Bible 2023 (CAB23)
Kyk, gelukkig is die man wat God teregwys; daarom verag jy nie die tugtiging van die Almagtige nie. Want hy maak seer en verbind, hy verwond en sy hande genees.
JOB 5:17-18 Die Boodskap (DB)
“’n Mens moet bly wees as God jou reghelp. Daarom moet jy dit nie ligtelik opvat as Hy jou straf nie. Dit is Hy wat die wonde veroorsaak, maar dit is ook Hy wat die wonde weer versorg en verbind. Hy deel die houe uit, maar sy hande maak ook weer die wonde gesond.