NEHEMIA 9:6

Deel

NEHEMIA 9:6 Afrikaans 1983 (AFR83)

Dit is U! U alleen is Here! U het die hemel gemaak, die hoogste hemel en sy hele leërmag, die aarde en alles daarop, die oseane en alles daarin. U laat hulle almal lewe; die hemelse leërmag buig voor U.

NEHEMIA 9:6 Bybel vir almal (ABA)

Hulle het gesê: “U is die Here, U alleen, U het die hemel gemaak, ook die hoogste hemel, en al die sterre in die lug. U het die aarde gemaak en alles daarop, die see en alles daarin. U het lewe gegee vir almal, die sterre in die lug aanbid U.

NEHEMIA 9:6 Afrikaans 1933/1953 (AFR53)

U is alleen die HERE, Ú het die hemel, die hoogste hemel en al sy leërskare, gemaak, die aarde en alles wat daarop is, die seë en alles wat daarin is, en U hou dit alles in die lewe, en die leër van die hemel buig hulle voor U neer.

NEHEMIA 9:6 Die Bybel 2020-vertaling (AFR20)

U alleen is die HERE; dit is U wat die hemelruim, die hoogste hemele, gemaak het en al sy hemelliggame, die aarde en alles daarop, die see en alles daarin. U hou dit alles aan die lewe; en die hemelliggame – voor U buig hulle in aanbidding.

NEHEMIA 9:6 Contemporary Afrikaans Bible 2023 (CAB23)

U, ja, U is die HERE alleen; U het die hemel gemaak, die hemel van die hemele, met sy hele leër, die aarde en alles wat daarin is, die seë en alles wat daarin is, en U bewaar dit alles; en die leër van die hemel aanbid U.

NEHEMIA 9:6 Die Boodskap (DB)

U, Here, U is die enigste Here! U het die hemel met al sy sterre en planete gemaak. Ook die aarde met al sy bewoners en die see met alles daarin. U gee lewe. Daarom buig die hemelse skare in aanbidding voor U.

NEHEMIA 9:6 Nuwe Lewende Vertaling (NLV)

U alleen is die HERE. U het die hemele, die hoë hemel en al die sterre gemaak. U het ook die aarde en die see en alles daarin gemaak. U gee lewe aan alles, die hemelse engele aanbid U.