SPREUKE 1:32-33

Deel

SPREUKE 1:32-33 Nuwe Lewende Vertaling (NLV)

“Dwase draai van my af weg na die dood toe. Die gekke se dwaling kos hulle die dood. Deur hulle selfvoldaanheid word die dwase vernietig. Elkeen wat na my luister, sal veilig wees. Vir rampe hoef hy nie bang te wees nie.”

SPREUKE 1:32-33 Bybel vir almal (ABA)

Ja, mense wat min weet, sterf omdat hulle nie wil luister nie, dwase gaan dood omdat hulle tevrede is met hulleself. Maar die mense wat na my luister, woon veilig, hulle is nie bekommerd nie, hulle is nie bang dat dit sleg sal gaan nie.”

SPREUKE 1:32-33 Afrikaans 1933/1953 (AFR53)

Want hulle eie afkerigheid maak die eenvoudiges dood, en hulle eie sorgeloosheid rig die dwase te gronde; maar die wat na my luister, sal veilig woon en gerus wees teen die skrik vir die onheil.

SPREUKE 1:32-33 Afrikaans 1983 (AFR83)

“Die onkundiges se dwaling kos hulle die dood, die dwase word vernietig deur hulle selfversekerdheid, maar wie na my luister, sal veilig wees en hoef geen ramp te vrees nie.”

SPREUKE 1:32-33 Die Bybel 2020-vertaling (AFR20)

Ja, die ongeërgdheid van onverstandiges kos hulle dood; die selfversekerdheid van dwase vernietig hulle. Maar wie na my luister, sal veilig woon; hulle sal rustig wees, sonder die verskrikking van onheil.”

SPREUKE 1:32-33 Contemporary Afrikaans Bible 2023 (CAB23)

Want die afkeer van die eenvoudiges sal hulle doodmaak, en die voorspoed van die dwase sal hulle vernietig. Maar wie na My luister, sal veilig woon en stil wees van vrees vir die onheil.

SPREUKE 1:32-33 Die Boodskap (DB)

Dom mense loop hulle in die dood vas. Hulle is so selfversekerd, maar hulle word vernietig. “Wie die wysheid ernstig opneem, is ’n gelukkige mens. Hy sal veilig voel en geen angs vir die lewe hê nie.”