PSALMS 119:104-105
PSALMS 119:104-105 Bybel vir almal (ABA)
Ek verstaan wat U beveel het, daarom haat ek alles wat vals is. Die dinge wat U vir ons gesê het, is vir my soos 'n lamp wanneer ek in die donker loop, dit wys vir my hoe ek moet lewe.
PSALMS 119:104-105 Afrikaans 1933/1953 (AFR53)
Uit u bevele kry ek verstand; daarom haat ek elke leuenpad. U woord is 'n lamp vir my voet en 'n lig vir my pad.
PSALMS 119:104-105 Afrikaans 1983 (AFR83)
U bevele gee my insig, daarom haat ek elke verkeerde pad. U woord is die lamp wat my die weg wys, die lig op my pad.
PSALMS 119:104-105 Die Bybel 2020-vertaling (AFR20)
Uit u opdragte kry ek insig; daarom haat ek elke bedrieglike pad. U woord is 'n lamp vir my voet en 'n lig vir my lewenspad.
PSALMS 119:104-105 Contemporary Afrikaans Bible 2023 (CAB23)
Deur u bevele kry ek verstand; daarom haat ek elke bedrieglike weg. NUN. U woord is 'n lamp vir my voet en 'n lig vir my pad.
PSALMS 119:104-105 Die Boodskap (DB)
U voorskrifte het my geleer hoe om die lewe te bemeester; daarom haat ek leuens. U Woord wys my presies hoe ek moet leef, soos ’n helder lig skyn dit op die donker pad waarop ek stap.
