PSALMS 2:2-3

Deel

PSALMS 2:2-3 Contemporary Afrikaans Bible 2023 (CAB23)

Die konings van die aarde het hulle reggemaak, en die owerstes hou saam raad teen die HERE en teen sy gesalfde en sê: Laat ons hulle bande uitmekaar breek en hulle toue van ons weggooi.

PSALMS 2:2-3 Bybel vir almal (ABA)

Die konings van die aarde, die mense wat regeer, het bymekaargekom en planne gemaak teen die Here en teen sy gesalfde. Hulle sê: “Ons wil vry word, ons wil hulle nie meer dien nie. Ons wil die toue stukkend breek waarmee hulle ons vasgemaak het.”

PSALMS 2:2-3 Afrikaans 1933/1953 (AFR53)

Die konings van die aarde staan gereed, en die vorste hou saam raad teen die HERE en teen sy Gesalfde en sê: Laat ons hulle bande stukkend ruk en hulle toue van ons afwerp!

PSALMS 2:2-3 Afrikaans 1983 (AFR83)

Die konings van die aarde is in opstand, die leiers span saam teen die Here en teen sy gesalfde en sê: “Kom ons maak ons vry en gooi hulle juk af!”

PSALMS 2:2-3 Die Bybel 2020-vertaling (AFR20)

Die konings van die aarde neem stelling in en die heersers span saam teen die HERE en sy gesalfde: “Kom ons breek hulle boeie stukkend, kom ons gooi hulle bande van ons af!”

PSALMS 2:2-3 Die Boodskap (DB)

Wêreldleiers probeer belangrik lyk. Hulle probeer saamspan teen die Here en teen die koning wat Hy spesiaal gekies het. Hierdie mense beplan en sê: “Laat ons in opstand teen hulle kom en ons vrymaak van hulle.”

PSALMS 2:2-3 Nuwe Lewende Vertaling (NLV)

Die konings van die aarde het saamgesweer; die heersers span saam teen die HERE en sy gesalfde. Hulle sê: “Laat ons hulle kettings stukkend breek, onsself bevry van hulle slawebande.”