PSALMS 3:4-5

Deel

PSALMS 3:4-5 Bybel vir almal (ABA)

Maar, Here, U is vir my soos 'n skild, U beskerm my van al die kante. U maak my belangrik, mense respekteer my. Wanneer ek die Here roep, dan antwoord Hy my van bo-op sy gewyde berg. Sela

PSALMS 3:4-5 Contemporary Afrikaans Bible 2023 (CAB23)

Ek het die HERE aangeroep met my stem, en Hy het my gehoor van sy heilige berg af. Sela. Ek het my gaan lê en slaap; ek het wakker geword; want die HERE het my onderhou.

PSALMS 3:4-5 Nuwe Lewende Vertaling (NLV)

Maar U, HERE, is ’n skild rondom my. U herstel my eer, U lig my kop weer op. Ek het tot die HERE geroep. Vanaf sy heilige berg het Hy my geantwoord. Sela

PSALMS 3:4-5 Afrikaans 1933/1953 (AFR53)

Maar U, HERE, is 'n skild wat my beskut, my eer en die Een wat my hoof ophef. Luid roep ek die HERE aan, en Hy verhoor my van sy heilige berg. Sela.

PSALMS 3:4-5 Afrikaans 1983 (AFR83)

Maar U, Here, beskerm my aan alle kante, U herstel my eer en aansien. As ek na die Here roep, antwoord Hy my van sy heilige berg af. Sela

PSALMS 3:4-5 Die Bybel 2020-vertaling (AFR20)

Maar U, HERE, is vir my 'n skild aan alle kante; U is my eer, en die Een wat my kop hoog hou. Wanneer ek hard roep na die HERE, antwoord Hy my van sy •heilige berg af. •Sela

PSALMS 3:4-5 Die Boodskap (DB)

Maar, Here, U beskerm my van alle kante teen hulle. Hulle sal my nie in die grond in trap nie. U help my om nie die handdoek in te gooi nie. Ek roep so hard as wat ek kan tot die Here. Hy hoor my as ek bid. En Hy antwoord my.