PSALMS 9:8-9

Deel

PSALMS 9:8-9 Afrikaans 1983 (AFR83)

Die Here is altyd op sy troon; op sy regterstoel is Hy steeds gereed vir die regspraak. Hy lewer 'n regverdige uitspraak oor alle mense, Hy vel 'n billike vonnis oor die nasies.

PSALMS 9:8-9 Bybel vir almal (ABA)

Die Here regeer vir altyd, Hy is gereed om te oordeel wanneer Hy op sy troon gaan sit. Hy sal regverdig wees wanneer Hy die wêreld oordeel, Hy sal reg doen aan almal wanneer Hy die volke oordeel.

PSALMS 9:8-9 Afrikaans 1933/1953 (AFR53)

Maar die HERE sit vir ewig; Hy het sy troon reggesit vir die oordeel. En Hy self sal die wêreld oordeel in geregtigheid en die volke vonnis met reg.

PSALMS 9:8-9 Die Bybel 2020-vertaling (AFR20)

Die HERE regeer vir ewig; Hy vestig sy troon vir die regspraak. Hý oordeel die wêreld in •geregtigheid; oor die nasies spreek Hy reg met billikheid.

PSALMS 9:8-9 Contemporary Afrikaans Bible 2023 (CAB23)

En Hy sal die wêreld oordeel in geregtigheid, Hy sal die volk oordeel in opregtheid. Die HERE sal ook 'n toevlug wees vir die verdruktes, 'n toevlug in tye van benoudheid.

PSALMS 9:8-9 Die Boodskap (DB)

Die Here regeer vir altyd oor almal. Hy regeer as die regverdige Een. Hy neem altyd die regte besluite. Omdat Hy al die feite het, sal Hy die regte vonnis oor al die volke vel.

PSALMS 9:8-9 Nuwe Lewende Vertaling (NLV)

Maar die HERE regeer vir altyd, sy troon het Hy vir regspraak ingerig. Hy sal die wêreld met regverdigheid oordeel, en in billikheid oor die volke regspreek.