Laai die Bybeltoep afJakobusVoorbeeld
Lees: Jakobus 4:7-12
SOAP: Jakobus 4:7-8
Jakobus spoor gelowiges aan om nederig aan God onderworpe te wees om sodoende versoeking te oorkom en Satan te weerstaan. God bring ons nader aan Hom deur Jesus Christus. Die oneindige reik af na die sterflike. Die heilige bedek die onheilige. Perfeksie soek die onperfekte. 'n Gelowige se verlossing begin met die nederige belydenis van ons sonde en die desperate behoefte vir Jesus om ons te reinig. Ons transformasie gaan voort met die nederige erkenning dat ons Jesus daagliks nodig het om heilige lewens te lei.
Waar weerhou jy jou daarvan om jouself ten volle aan die Here te gee? God red onverdienstelike en onwaardige gelowiges van die dood en die slawerny van sonde deur die opoffering van Sy Seun. Hy plaas oneindige en onmeetbare waarde op ons en Hy kan absoluut vertrou word met ons vollle toewyding. Waar voel jy die druk om God te weerstaan en van Sy planne vir jou af te wyk?
Vader God, ek dank U vir 'n ongelooflike liefde wat my oortuig om U met my lewe te vertrou. Here, help my om my selfsug te vervang met U nederigheid, my weerstand met onderdanigheid, en my halfhartigheid met U volkomenheid. In Jesus se naam. Amen.
Skrif
Aangaande hierdie leesplan
Die boek van Jakobus word dikwels vergelyk met die wysheidsliteratuur wat in Spreuke gevind word. Dit is 'n kort boek, maar is gevul met kragtige lesse oor 'n godsvrugtige lewe. In hierdie 4 weke Love God Greatly studie kyk ons dieper na God se wysheid oor lyding, die krag van gebed, die belangrikheid om die tong te beheer, en die gevare van rykdom. Jakobus daag ons uit om nie net te praat nie, maar om tot die daad oor te gaan; om ons geloof uit te leef in 'n moedige strewe na heiligheid. Maar omdat niemand van ons perfek is nie, is dit belangrik om Jakobus te lees deur die lens van die evangelie. Soos jy hierdie boek bestudeer, soek na die dinge waar jy tekortskiet en bely dit, word bemoedig deur Christus se oorvloedige genade en word gemotiveer om 'n godsvrugtige lewe te leef deur Sy krag en vir Sy glorie.
More
Ons wil graag Love God Greatly bedank vir die verskaffing van hierdie leesplan. Vir meer inligting, besoek gerus: http://www.lovegodgreatly.com
