Wees DapperVoorbeeld

Lees: Efesiërs 4:25, Spreuke 12:17, Johannes 17:17

SOAP: Efesiërs 4:25

Wanneer is ‘n leuen geregverdig? Wat van klein wit leuentjies? Wat van leuens wat iemand beskerm teen seerkry? Die Bybel is baie duidelik hierin, in Paulus se brief waar dit sê: "Lê valsheid af." Geen leuens is goeie leuens nie. Die nederige waarheid is dat leuens algemeen is. Ons jok om dinge waarvoor ons skaam is, weg te steek. Ons jok om verskonings vir ons gedrag te maak. Ons jok omdat ons dink dit is beter as die waarheid. Ons jok vir vreemdelinge, vir geliefdes en selfs vir onsself. Soms is ons leuens groot en ingewikkeld. Ander kere is hulle so klein dat ons amper glo dat hulle waar is. Maar as volgelinge van Christus, is ons geroep om altyd die waarheid te praat. Ons word geroep tot 'n hoër lewenstandaard voor die Here. As "lede van dieselfde liggaam", wanneer ons 'n leuen vertel, maak ons net onsself seer. Valsheid in ons hart maak die liggaam siek. As daar ooit vir jou gejok is, weet jy dit is waar. Leuens maak seer. Deur die waarheid te praat bewys ons dat ons geloof het in 'n goeie God. Ons kan dapper wees om die waarheid te praat wanneer ons God toelaat om ons na die waarheidliewendheid te lei.

Vader, dankie vir die roeping wat U op my lewe het om die waarheid te praat. Dankie Here, dat U my help om my tong te bewaak teen enige soorte en enige grootte leuens. God, U is goed en waar, en ek wil in u weë wandel. Laat die woorde van my mond U welgevallig wees, Here, my rots en my verlosser. Amen.