Nader tot GodVoorbeeld

Lees: Psalm 19:8-10, Jesaja 55:8-13

SOAP: Jesaja 55:8-11

Ek bid baie keer dat God my drome en die dinge wat ek beplan het, sal laat waar word. Dit is nie verkeerd om hoop en drome te hê en selfs daarvoor te bid nie. Maar waar ons met ‘n beperkte aardse perspektief kyk, is God se uitkyk allesomvattend, duidelik en ewig. Hy is ‘n goeie God, en Hy werk vir ons beswil en vir sy doeleindes. Ons kan op Hom vertrou, want sy woord is betroubaar. 

Israel was ‘n landbougemeenskap, en geheel en al van die reën afhanklik vir hulle voedselvoorsiening. Jesaja se gebruik van beide reën en sneeu dui op die algeheelheid van God se seën. God sê dat dit Hy is wat vir hulle reën en oeste gee om hulle lewens te onderhou. As God getrou is om aan hulle fisiese lewe te gee en dit te onderhou, hoeveel te meer kan Hy aan hulle geestelike lewens groei voorsien. God het barmhartigheid en vergifnis beloof vir dié wat Hom soek, en daarom kan ons daarop staatmaak dat as ons Hom soek, Hy ons sál antwoord!

Genadige Vader, dankie dat u woord betroubaar is. U gee en onderhou nie net fisiese en geestelike lewe nie, maar U is volkome betroubaar en getrou. Dankie vir u woorde van lewe. Amen.