Kom saam, Jesus roep jou

25 Dae tot Kersfees

Een Woord

Wie Braai Jou Wors?

Die Ou Kruis en Die Nuwe Kruis

<div class="version vid6 iso6393afr" data-vid="6" data-iso6393="afr">
 <div class="book bkEZK">
 <div class="chapter ch45" data-usfm="EZK.45">
 <div class="label">45</div><div class="s1">Die verdeling van die land</div><div class="p"> 1&#8220;Wanneer julle die land deur loting verdeel om aan elke stam sy besitting toe te ken, moet julle 'n stuk grond van twaalf en 'n half kilometer lank en tien kilometer breed as 'n offergawe aan die Here gee. Die hele stuk grond sal aan die Here gewy wees. 2Hiervan moet 'n stuk van twee honderd en vyftig meter in die vierkant aan die heiligdom behoort, met 'n oop strook van vyf en twintig meter rondom. 3Van die hele gebied wat afgemeet is, moet julle 'n stuk afmeet van twaalf en 'n half kilometer lank en vyf kilometer breed; daarop moet die heiligdom met die Allerheiligste staan. 4Hierdie gebied is die gewyde gebied in die land. Dit is tot beskikking van die priesters wat in die heiligdom diens doen en wat by die altaar mag kom om die diens aan die Here te verrig. Daar kan hulle huise kom, en die grond wat aan die heiligdom behoort, val in di&#233; gedeelte. 5Die oorblywende gedeelte van twaalf en 'n half kilometer lank en vyf kilometer breed is vir die Leviete wat in die tempel diens doen; dit is hulle eiendom, daar kan hulle woon.</div><div class="p"> 6&#8220;Vir die stadsgrond moet julle 'n stuk afstaan van twee en 'n half kilometer breed en twaalf en 'n half kilometer lank, net so groot as die gewyde gebied. Hierdie grond moet tot beskikking wees van die hele Israel.</div><div class="p"> 7&#8220;Die regeerder moet grond kry weerskante van die gewyde gebied en die stadsgrond, wes en oos daarvan; dit moet net so groot wees as een van die stamgebiede en moet strek van die wesgrens van Israel af tot aan die oosgrens. 8Dit moet sy deel van die land wees tussen die Israeliete. Die regeerders wat Ek aanwys, sal my volk nie weer te kort doen nie; hulle sal die land verdeel tussen die stamme van Israel.&#8221;</div><div class="s1">Vermaning aan die regeerders</div><div class="p"> 9So s&#234; die Here my God: &#8220;Julle het nou ver genoeg gegaan, regeerders van Israel. Laat staan die geweld en verdrukking, laat reg geskied en doen reg, hou op om my volk se eiendom vir julle te vat,&#8221; s&#234; die Here my God.</div><div class="p"> 10&#8220;Julle moet skale gebruik wat reg weeg en julle moet die regte inhoudsmate vir dro&#235; stowwe en vir vloeistowwe gebruik. 11Inhoudsmate moet deurgaans dieselfde bly, volgens 'n vaste maatstaf. 12Gewig moet volgens 'n vaste maatstaf bepaal word.&#8221;</div><div class="s1">Offergawes</div><div class="p"> 13&#8220;Die offergawes wat julle moet bring, is een sestigste van die koring en die gars, 14en een honderdste van die olie. 15Uit die waterryke dele van Israel moet julle een uit elke twee honderd van die kleinvee gee. Hierdie offers is graanoffers, brandoffers en maaltydoffers om vir julle versoening mee te doen,&#8221; s&#234; die Here my God. 16&#8220;Al die mense in die land moet hierdie offergawes aan die regeerder van Israel lewer. 17Op die regeerder rus dan die verpligting om die brandoffers, die graanoffers en die drankoffers aan te bied tydens die groot feestye en die nuwemaansfeeste en op die sabbatte, op al die feestye van Israel. Hy moet die sondeoffer, die graanoffer, die brandoffer en die maaltydoffers aanbied om vir Israel versoening mee te doen.&#8221;</div><div class="s1">Feeste en offers</div><div class="p"> 18So s&#234; die Here my God: &#8220;Op die eerste dag van die eerste maand moet jy 'n bul sonder liggaamsgebrek vat en die heiligdom laat reinig: 19die priester moet van die sondeofferdier se bloed vat en dit aan die kosyne in die tempel smeer en aan die vier hoeke van die boonste vlak van die altaar en aan die kosyne van die poorte na die binneste voorhof toe; 20dit moet hy ook doen op die sewende van die maand ter wille van mense wat onwetend of uit onkunde gesondig het; so moet julle die tempel reinig.</div><div class="p"> 21&#8220;Op die veertiende van die eerste maand moet julle die paasfees vier, wanneer julle moet begin om sewe dae lank net ongesuurde brood te eet. 22Op die paasfees moet die regeerder 'n bul as sondeoffer aanbied vir homself en vir die hele volk. 23Tydens die sewe dae wat die fees duur, moet hy elke dag as brandoffer vir die Here sewe bulle en sewe skaapramme aanbied, almal sonder liggaamsgebrek, en ook nog elke dag 'n bokram as sondeoffer. 24Verder moet hy as graanoffer by elke bul en elke ram sestien kilogram meel aanbied, en vier liter olie by elke sestien kilogram meel.</div><div class="p"> 25&#8220;Tydens die fees wat op die vyftiende van die sewende maand begin, moet die regeerder sewe dae lank net soos met die paasfees ook die sondeoffer, die brandoffer, die graanoffer en die olie aanbied.&#8221;</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkEZK">
 <div class="chapter ch46" data-usfm="EZK.46">
 <div class="label">46</div><div class="p"> 1So s&#234; die Here my God: &#8220;Die oospoort na die voorhof toe moet op die ses werksdae gesluit bly, maar dit moet oopgemaak word op sabbatdae en op nuwemaansfeeste. 2Dan moet die regeerder van buite af by die toegangsportaal van die poortgebou ingaan en by die poortdeur gaan staan. Die priesters moet dan die regeerder se brandoffer en maaltydoffer offer, en daarna moet hy in aanbidding by die poortdrumpel buig en uitgaan. Die poort moet tot die aand toe oop bly. 3Ook die gewone burgers moet op sabbatte en op nuwemaansfeeste by hierdie poort in aanbidding voor die Here kom buig.</div><div class="p"> 4&#8220;Die brandoffer wat die regeerder op die sabbat vir die Here moet aanbied, moet bestaan uit ses lammers en 'n skaapram, almal sonder liggaamsgebrek. 5Die graanoffer saam met die ram moet sestien kilogram meel wees en di&#233; saam met die lammers soveel as wat hy wil gee. Daar moet vier liter olie by elke sestien kilogram meel wees. 6Op die nuwemaansfees moet die offer bestaan uit 'n bul, ses lammers en 'n skaapram, almal sonder liggaamsgebrek, 7met graanoffers van sestien kilogram saam met die bul en die ram, en di&#233; saam met die lammers soveel as wat die regeerder kan bekostig. Vir elke sestien kilogram meel moet hy ook vier liter olie offer.</div><div class="p"> 8&#8220;Wanneer die regeerder ingaan, moet hy dit doen deur die toegangsportaal van die poort, en hy moet weer daar uitgaan. 9Maar wanneer die gewone burgers op feesdae in die teenwoordigheid van die Here wil kom, moet di&#233; wat deur die noordpoort inkom om in aanbidding te buig, by die suidpoort uitgaan, en di&#233; wat deur die suidpoort inkom, moet by die noordpoort uitgaan. Niemand mag teruggaan deur die poort waar hy ingekom het nie; almal moet by die ander kant uitgaan. 10Die regeerder moet by hulle wees; wanneer hulle inkom, moet hy inkom en wanneer hulle uitgaan, moet hy uitgaan.</div><div class="p"> 11&#8220;Op die feesdae en tydens die feestye moet die graanoffer sestien kilogram saam met 'n bul en 'n ram wees en di&#233; saam met die lammers soveel as wat die persoon wil gee. Vir elke sestien kilogram moet daar ook vier liter olie gebring word.</div><div class="p"> 12&#8220;Wanneer die regeerder 'n vrywillige offer wil aanbied, 'n brandoffer of maaltydoffers as vrywillige offer aan die Here, moet die oospoort vir hom oopgemaak word, en dan moet hy die brandoffer of die maaltydoffers aanbied soos hy dit op die sabbatdag moet doen. Daarna moet hy uitgaan en moet die poort weer gesluit word.</div><div class="p"> 13&#8220;Daar moet elke dag 'n jaaroud ramlam sonder liggaamsgebrek vir die Here as brandoffer gebring word. Dit moet elke m&#244;re gedoen word. 14Elke m&#244;re moet daar ook 'n graanoffer van drie kilogram meel gebring word met een en 'n derde liter olie om die meel mee klam te maak. Dit moet 'n vaste instelling wees. 15Die lam en die graanoffer en die olie moet elke m&#244;re gebring word as 'n daaglikse brandoffer.&#8221;</div><div class="s1">Grondbesit</div><div class="p"> 16So s&#234; die Here my God: &#8220;Wanneer die regeerder 'n stuk van sy grond aan een van sy seuns gee, moet dit die seun s'n bly en word dit die familiebesit van die seun se nageslag. 17Maar wanneer die regeerder 'n stuk van sy grond vir enigiemand in sy diens gee, kan di&#233; persoon dit besit tot in die hersteljaar; dan moet dit terugval na die regeerder toe en weer uitsluitend die familiebesit van sy nageslag word.</div><div class="p"> 18&#8220;Die regeerder mag nie grond van die volk afvat en hulle so uit hulle familiebesit verdring nie. 'n Man se grond moet sy seuns toeval, sodat my volk nie hulle familiebesit ontneem word en verstrooi raak nie.&#8221;</div><div class="s1">Kookplekke</div><div class="p"> 19Die man met die meetstok bring my toe by die ingang langs die noordpoort, die ingang na die gewyde vertrekke van die priesters toe. Daar was 'n plek agter die gebou, aan die westekant, 20en die man het vir my ges&#234;: &#8220;Dit is die plek waar die priesters die vleis moet gaarmaak van die skuldoffer en die sondeoffer en waar hulle die graanoffergeregte moet bak, sodat hulle nie die volk in gevaar stel deur di&#233; gewyde dinge deur die buitenste voorhof te bring nie.&#8221;</div><div class="p"> 21Daarna bring die man my na die buitenste voorhof toe en vat my by die vier hoeke van die voorhof verby. In elke hoek van die voorhof was daar 'n kleiner voorhof. 22Di&#233; kleiner voorhowe was elkeen twintig meter lank en vyftien meter breed, en daar het rook by hulle uitgekom. 23Daar was 'n muur om elkeen en binne teen die muur rondom was daar kookplekke aangebring. 24Die man het vir my ges&#234;: &#8220;Dit is die kookplekke waar die tempelbediendes die offervleis van die volk gaarmaak.&#8221;</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkEZK">
 <div class="chapter ch47" data-usfm="EZK.47">
 <div class="label">47</div><div class="s1">Die stroom uit die heiligdom</div><div class="p"> 1Die man met die meetstok het my teruggebring na die ingang van die tempel toe. Toe sien ek daar kom water onder die tempel se drumpel uit aan die oostekant. Die tempel het oos gekyk. Die water het regs van die tempel weggeloop, suid van die altaar verby. 2Die man vat my toe by die noordpoort uit en om na die buitenste oospoort toe. Daar syfer die water toe regs langs die poort uit. 3Die man het oos gestap en met die maatlyn wat hy by hom gehad het vyf honderd meter afgemeet van die oospoort af. Toe laat hy my deur die water loop. Dit was enkeldiep. 4Hy het nog vyf honderd meter afgemeet en my deur die water laat loop. Dit was kniediep. Hy het nog vyf honderd meter afgemeet en my deur die water laat loop. Dit het tot by my heupe gekom. 5Toe meet hy nog vyf honderd meter, maar toe was die water 'n stroom waar ek nie kon deur nie. Die water was diep, sodat 'n mens sou moes swem; dit was 'n stroom waar 'n mens nie deur kon loop nie.</div><div class="p"> 6Die man s&#234; toe vir my: &#8220;Sien jy dit, mens?&#8221;</div><div class="p">Hy laat my toe al langs die stroom terugstap. 7Terwyl ek so terugstap, sien ek daar staan groot, ho&#235; bome weerskante op die stroom se wal.</div><div class="p"> 8Die man het vir my ges&#234;: &#8220;Hierdie water loop weg na die streek oos toe en af na die Jordaanvallei toe waar dit in die Dooie See sal inloop. Wanneer dit in die Dooie See inloop, sal die water van die Dooie See vars word. 9Waar die stroom ook kom, sal dit wemel van al die soorte diere en sal daar baie vis wees. Die water loop af na die Dooie See toe en sal die see vars maak. Waar die stroom kom, sal alles lewe. 10Daar sal vissers langs die Dooie See staan van En-Gedi af tot by En-Eglajim. Dit sal 'n plek wees waar hulle nette droogmaak. Daar sal net soveel soorte vis wees as in die Groot See, en net so baie. 11Net die water in die moerasse en kuile langs die Dooie See sal nie vars word nie. Hulle moet sout bly. 12Weerskante op die wal van die stroom sal allerlei vrugtebome groei. Hulle blare sal nie verlep nie en hulle vrugte sal nie opraak nie. Hulle sal elke maand dra, want die stroom se water kom uit die heiligdom. Die vrugte sal daar wees om te eet en die blare om genesing te bring.&#8221;</div><div class="s1">Grense van die land</div><div class="p"> 13So s&#234; die Here my God: &#8220;Die volgende is die grense van die gebied wat julle as besitting moet toeken aan die twaalf stamme. Aan Josef moet twee dele gegee word, 14maar aan die ander moet julle een deel elk toeken. Ek het met 'n eed beloof dat Ek die land aan julle voorvaders sal gee, daarom kom dit julle toe as besitting.</div><div class="p"> 15&#8220;Die grense van die land is soos volg: Aan die noordekant van die Groot See af oor Getlon tot by Sedad, 16verder Hamat, Berota, Sibrajim tussen die gebiede van Damaskus en Hamat, en Middel-Gaser op die grens van Gauran. 17Die grens loop dus van die see af tot by Gasar-Enan, met die gebiede van Damaskus en Hamat noord daarvan. Dit is die noordgrens.</div><div class="p"> 18&#8220;Aan die oostekant is die grens van tussen Gauran en Damaskus af, tussen Gilead en Israel met die Jordaan langs, en dan moet julle die grens aan die oostekant van die Dooie See trek. Dit is die oosgrens.</div><div class="p"> 19&#8220;Aan die suidekant loop die grens eers suid van Tamar af tot by die waters van Meriba-Kades, dan met die spruit langs tot teen die Groot See. Dit is die suidgrens.</div><div class="p"> 20&#8220;Aan die westekant is die grens die Groot See, van die suidgrens af tot regoor Lebo-Hamat. Dit is die wesgrens.</div><div class="p"> 21&#8220;Dit is die land wat julle tussen julle moet verdeel volgens al die stamme van Israel. 22Julle moet die land verdeel deur loting vir julleself en vir die vreemdelinge wat al 'n geslag lank tussen julle woon. Julle moet sulke vreemdelinge as medeburgers tussen julle beskou. Hulle moet saam met julle besittings ontvang onder die stamme van Israel. 23Julle moet die vreemdelinge hulle besittings gee by die stamme waar hulle woon,&#8221; s&#234; die Here my God.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkEZK">
 <div class="chapter ch48" data-usfm="EZK.48">
 <div class="label">48</div><div class="s1">Verdeling van die land</div><div class="p"> 1&#8220;Van die noordekant af, langs die lyn Getlon, Lebo-Hamat, Gasar-Enan tot waar die noordgrens van Damaskus teen Hamat raak, kry die volgende stamme hulle dele; elkeen kry 'n strook van die oosgrens af tot teen die Groot See: Dan, 2Aser, 3Naftali, 4Manasse, 5Efraim, 6Ruben en 7Juda.</div><div class="p"> 8&#8220;Teen die gebied van Juda, van oos na wes, moet die gebied l&#234; wat julle as offergawe afstaan, twaalf en 'n half kilometer breed en net so lank as een van die ander stroke, van die oostelike tot by die westelike grens. Die heiligdom moet in hierdie gebied wees. 9Die een gebied wat julle as offergawe aan die Here afstaan, moet twaalf en 'n half kilometer lank en vyf kilometer breed wees. 10Di&#233; gebied moet 'n gewyde offergawe wees wat tot die beskikking van die priesters is, en moet 'n strook wees van twaalf en 'n half kilometer lank van oos na wes en vyf kilometer breed van noord na suid. Die heiligdom van die Here moet in di&#233; gebied wees. 11Die gebied is tot die beskikking van die gewyde priesters, die nageslag van Sadok. Hulle het my dienswerk getrou gedoen en nie afgedwaal soos die Israeliete nie, soos die Leviete gedoen het. 12Die gebied moet 'n offergawe wees, wat tot beskikking van die priesters is, 'n deel van die gebied wat as offergawe afgestaan word, 'n gewyde gebied langs di&#233; van die Leviete.</div><div class="p"> 13&#8220;Die Leviete moet 'n gebied kry langs di&#233; van die priesters, twaalf en 'n half kilometer lank en vyf kilometer breed. 14Hulle mag nie daarvan verkoop nie. Hierdie deel van die land, die beste deel, mag nie verkoop of verruil word en in ander hande oorgaan nie, want dit is aan die Here gewy.</div><div class="p"> 15&#8220;Die strook van twaalf en 'n half by twee en 'n half kilometer wat oorbly, is bedoel as gewone stadsgebied, as woon- en weigebied. Die stad moet in di&#233; gebied wees. 16Die stad moet twee en 'n kwart kilometer in die vierkant wees. 17Aan al vier kante moet daar 'n onbeboude strook van honderd vyf en twintig meter wees. 18Die vyf kilometer wat oos en die vyf wat wes van die stad oor is langs die gebied wat as 'n gewyde offergawe afgestaan is, moet bewerk word vir die onderhoud van die mense wat in die stad werk. 19Enigiemand wat in die stad werk, mag die grond bewerk, ongeag die stam van Israel waaruit hy kom.</div><div class="p"> 20&#8220;Die hele gebied wat afgesonder moet word, sal dus twaalf en 'n half kilometer in die vierkant wees. Julle moet dit as 'n gewyde offergawe afstaan. Die stadsgebied is daarby ingesluit.</div><div class="p"> 21-22&#8220;Die grond wat oorbly aan die oostekant en aan die westekant van die gewyde gebied waar die tempel en die stadsgebied en die gebied van die Leviete moet wees, is tot beskikking van die regeerder. Dit loop tot by die oosgrens van die land en weswaarts tot by die see en l&#234; tussen die gebied van Juda en di&#233; van Benjamin.</div><div class="p"> 23&#8220;Die stamme wat oorbly en wat elkeen ook 'n strook van die oosgrens af tot teen die wesgrens moet kry, is Benjamin, 24Simeon, 25Issaskar, 26Sebulon en 27Gad. 28Suid van Gad se gebied loop die grens van Tamar af oor die waters van Meriba-Kades met die spruit langs tot aan die Groot See.</div><div class="p"> 29&#8220;Dit is die land wat julle deur loting as besitting moet verdeel tussen die Israelitiese stamme en dit is die dele wat elkeen moet kry,&#8221; s&#234; die Here my God.</div><div class="s1">Die poorte van die stad</div><div class="p"> 30&#8220;Die uitgange uit die stad uit moet soos volg wees: die noordelike stadsgrens moet twee en 'n kwart kilometer lank wees 31met drie poorte, genoem na stamme van Israel: Ruben, Juda en Levi. 32Die ander stadsgrense moet elkeen ook twee en 'n kwart kilometer lank wees, elk met drie poorte, aan die oostekant Josef, Benjamin en Dan, 33aan die suidekant Simeon, Issaskar en Sebulon, 34en aan die westekant Gad, Aser en Naftali.</div><div class="p"> 35&#8220;Die omtrek van die stad moet nege kilometer wees, en sy naam moet van vandag af wees: Die Here is daar.&#8221;</div>
 </div>
 </div>
</div>

EsegiëlVoorbeeld

Skrif

Aangaande hierdie leesplan

Verwante Leesplanne

Kom saam, Jesus roep jou

25 Dae tot Kersfees

Een Woord

Wie Braai Jou Wors?

Die Ou Kruis en Die Nuwe Kruis