Wapens van OorlogvoeringVoorbeeld

Jou vyand is geestelik en jou wapens ook. Jou vyand is dodelik, maar jou wapens ook. Jou wapen is gebed. Petrus, 'n dissipel van Jesus, het versuim om hierdie wapen tydens sy oorlogvoering te gebruik. “'Simon, Simon!' het Jesus gesê. 'Luister! Die Satan het daarop aangedring om julle soos koring te sif. Maar Ek het vir jou gebid dat jou geloof jou nie begewe nie. As jy weer tot inkeer gekom het, moet jy jou broers versterk'" (Lukas 22:31-32). 

Ek vind dit interessant dat Jesus hierdie keer na Petrus op sy ou naam "Simon" verwys, die naam wat Jesus drie jaar tevore verander het (Johannes 1:42-43). Tydens die paasmaaltyd het Jesus vir Petrus gewaarsku dat die Satan na hom gevra het, maar Jesus het vir Petrus gebid. Nie lank daarna, in die tuin van Getsemane, vra Jesus vir Petrus om te waak en saam met Hom te bid dat Petrus nie in versoeking kom nie. Petrus bid egter nie — hy versuim om sy geestelike wapen te gebruik — sodat die vyand daardie nag die oorhand oor hom gekry het. 

Biddende Christene is kragtige Christene. Daarteenoor is Christene wat nie bid nie, magtelose Christene. Gebed is noodsaaklik as gevolg van die geestelike oorlogvoering wat voortdurend in die onsigbare geestelike sfeer plaasvind. As ons versuim om te bid, sal ons van ons ou weë afdwaal. Die Satan het die voordeel bo geestelik-slapende heiliges; hy kan hulle sif. Heiliges, dit is tyd om wakker te word uit julle geestelike sluimering en in julle geestelike gesag op te staan. 

Moenie gebed as jou laaste uitweg beskou nie, maar as die eerste reaksie op elke uitdaging wat oor jou pad kom. 

Neem jou stryd deur gebed na die geestelike sfeer.