Laai die Bybeltoep afOomblikke van hoopVoorbeeld
Sy skouers is breed
Is gevoelens van geen hoop en van bekommernis tans jou beste vriende? Dan is jy in die verkeerde geselskap! Hulle gaan jou vreugde én jou geloof steel. Jy moet vandag nog iets daaraan doen. Maar wat? Bedank uit die sonder-hoop-brigade. Verklaar dat jy van nou af nie negatiewe gevoelens en bekommernisse in jou hart gaan toelaat nie. As jy vir nog een dag gratis toegang aan hierdie gevoelens bied, gaan hulle uiteindelik jou geloof steel.
In die gelykenis van die saaier in Matteus 13, waarsku Jesus dat bekommernis ’n dief is wat geloof steel. Wees gewaarsku: Hoe meer jy jou bekommer, hoe swakker sal jou geloof word. Aan die ander kant weer: Hoe groter jou geloof in God is, hoe meer sal jy Hom vertrou. Sy skouers is breed genoeg om die hele wêreld se bekommernisse te dra. Hoekom sal Hy dan nie jóú sorge ook dra nie? Hy was bereid om sy Seun op te offer om vir jou te sterf. Waarom sal Hy dan nie oor elke detail van jou lewe omgee nie? Glo dit!
Skrif
Aangaande hierdie leesplan
Is gevoelens van geen hoop en van bekommernis tans jou beste vriende? Dan is jy in die verkeerde geselskap! Hulle gaan jou vreugde én jou geloof steel. Doen vandag nog iets daaraan. Maar wat? Bedank uit die sonder-hoop-brigade! Moenie die negatiewe gevoelens en bekommernisse in jou hart toelaat nie en onthou: God se skouers is breed genoeg om die hele wêreld se kommer te dra – ook joune!
More
Ons wil graag Christian Art Publishers bedank vir die verskaffing van hierdie leesplan. Vir meer inligting, besoek asseblief: https://cumbooks.co.za/
