Mak 14
14
1Na ci nin keerou thok, ke ret ee tɔ ku mono cinic awuro: go bany ke ka ke Nhialic ku dugɛɛr goki kɔɔr bik dɔm ku bik liɛu nɛkki: 2aake jam, Yi kacie kol de miɛth, kɛlke bi naŋ ajaak de kɔc.
3Ɣɔn ye tɔ ne Bethani ɣon de Thimon ran de abiɛl, ciɛm en thin, ke tiŋ nɔŋ tony de alabatha de miok de narad rir ne ɣooc ke bɔ; ku kuem tony ku wɛl enom. 4Go kɔc kɔk ɣok ne kepiɔth, jamki, Yi yekanŋo nyiɛk en yemiokne? 5Ee te ci ɣaac ne denariɔn thiernyɛny diak, ku yine ke aŋaaŋ. Ku lumki tiik. 6Go Yecu jam, Ye pɛlka; yeŋo liɛp we yenom? Ee luɔi piath luɔi ɣen. 7Aŋaaŋ aaye tɔ kene week ne nyindhia, na yaka ke kɔɔr, ke we ye piath leu ne lui keek: ku an cie tɔ wɔne week ne nyindhia. 8Ee ke leu loi: ee ɣa tɔc guɔp ke thiaŋdie ŋoot. 9Ku we ya yɔɔk neyic, Ya ɣan kedhia bene ke welpiath ya nyuɔth thin ne piny nom ebɛn, ke yeke ci yetiŋe loine eya abi ya ciir bi kɔc kenhiim a ciɛt ne yen.
10Go ran toŋ de kɔc keethiɛr ku rou, cɔl Judath Yithkariɔt, lɔ enɔŋ banydit ke ka ke Nhialic, bi Yecu yiɛn keek. 11Na wen cik ye piŋ, e ke mit piɔth, ku yookki yi bik yiɛn weu. Ku tɛk yin ben e yiɛn keek.
12Ɣɔn ne kol tueŋ de cuin cinic awuro, acik roth kɔc ne ret, ke kɔcpiocke thiec, Yi ye tɛnŋo kɔr bii wɔ ret lɔ juir thin bii wɔ ye lɔ cam? 13Go kɔckeek piocke tooc keerou, ku yook ke, Ye laka bei, ku we bi rɔm wene ran ɣɛɛc tony de piu: ke biathka; 14ku ɣon leer en thin, ke we thiec wun de ɣot, Wuɔ Dupioc ajam, Ye tɔ ɣondien de kaman teno ban cam ne ret thin wɔne kɔcciek piɔcke? 15Ke kabi we nyuɔth ɣon diit nhial nɔŋic kaŋ ku ci juir: juir we kakuɔ thin. 16Go kɔcpiocke lɔ, ɣetki bei, goki lɔ yok ci luɛlde; goki ret juir thin.
17Na ɣɔn thei ke bɔ kene thiɛrkurou. 18Ana yii nyucki yii ciɛmki, ke Yecu jam, Ye we ya yɔɔk neyic, Ya ran toŋ de week yic abi a nyiɛn, aciɛm ke ɣa emane. 19Goki piɔth dhiau areet, ku ye ŋɛk thiec, Ye ye ɣɛn? 20Go ke yɔɔk, Ye kee toŋ de thiɛrkurouic, aŋuany aduɔkic kene ɣɛn. 21Wen de raan alɔ, ci man de kecigɔɔr: ku dhieu abi tɔ kene yen yen man nyiin Wen de raan! Ee ŋuan te te kene erane dhieth.
22Ana yi ciɛmki, ke lom mono, ana ci ye thiei, ke wɛkic, ku yin ke, ku jiɛm, Ye lɔmka: guɔpdie eka. 23Ku loom abiny, ana ci ye thiei, ke yin ke: goki dek kedhia. 24Ku yook ke, Ye kee riɛmdien de mat, ci kuer ne juaac. 25We ya yɔɔk neyic, Ya ɣan ci beer dek ne piukeabiɛi, agut kol ban piukeabiɛi jot dek ne ceŋ de Nhialicic.
26Ɣɔn yii cik din tok ket, e ke lɔ kuur de Olip.
27Go Yecu ke yɔɔk, Ye week wedhia we bi kɔth ne yemankaune: ee gɔɔr, Ya ɣan bi adubiok nɔk, ku bi amɛl thiɛi wei. 28Na ca rɔt jɔt, ke we ba ŋaar Galili. 29Go Petero jam, Ye ne kɔc cak kɔth kedhia, ke ɣɛn ce kɔth. 30Go Yecu yɔɔk, Ye yin ya yɔɔk neyic, Ya yekole, agut kau, yin bi ɣa jai naadiak, aŋoot ajith ke ken ciu naarou. 31Go riɛɛr areet, Ye ne ɣan cak rɔt dhiɛl ne thouic wɔ yin, ke yin ca jiɛi. Ku yene ye luɛlden eya kedhia.
32Goki lɔ te cɔl Gethemane: go kɔcpiocke yɔɔk, Ye nyuɔcka ene, ne ekam laŋ ane. 33Ku leer Petero ku Jakob, ku Jɔn, ku gɔl gai areet, ku dhien de piɔu. 34Go ke yɔɔk, Ye ɣan dhiau piɔu areet agut ci thou: yen rɛɛrka eene, ku tiɛtka. 35Ku cot rɔt tueŋ emath, ku cuɛt rɔt piny, ku lɛŋ ye te nyiɛiye yethane enɔŋ en, te leue yen. 36Ku jiɛm, Ye Abba, Awa, kaŋ kedhia aayeke leu; nyaiye abiny enɔŋ an; apiath abac; acie piɔndie, ee piɔndu. 37Ku le bɛn, go ke yok ne nin, go Petero thiec, Ye Thimon, nin? a cii tiɛt leu ne thaa tok? 38Yaka tiit, ku yaka lɔŋ, kɛlke we bi them: piɔu arir, ku guɔp aniɔp. 39Ku beer lɔ, ku lɔŋ, jiɛm ne jam wen. 40Ku beer lɔ bɛn, go ke yok ne nin, yiki nok; ku kucki ke bik dhuɔk en. 41Go bɛɛr lɔ bɛn ne ke de diak, ku yook keek, Ye jalka nin, ku laŋka: ee loi; thaa ee ɣeet; ŋɛmka, Wen de raan ee nyiɛn kɔc rac. 42Jatka roth, ku lok: ŋɛmka, ran nyiin ɣɛn ee ɣeet.
43Ana ye ŋoot ke jam, ke Judath, ran toŋ de thiɛrkurou, ke bɔ kene dun muk thep ku lɔc, aake bɔ enɔŋ banydit ke ka ke Nhialic ku dugɛɛr ku nenɔŋ roordit. 44Ku ci ran nyiin en ci kɔc nyuɔth, jiɛm, Ye ran ba lɔ ku ciɛm, ke yenekee ye; ke damka, ku larka. 45Wen ye bii, ke ciith enɔŋ Yecu, ku jiɛm, Ye Rabi; ku ciim. 46Goki kuak piny, dɔmki. 47Go ran toŋ de keek kaac theep loom, ku kep en aluaŋ de bɛnydiit de ka ke Nhialic, kep yic wei. 48Go Yecu duut yɔɔk, Ye yaka bɛn wene thep ku lɔc, bak ɣa dɔm, ci rueny? 49An ye cool ne reer wɔne week ne yekaluic, piɔc kɔc, ku cak ɣa dɔm: yekene ee loi bi kacigɔɔr ya yith. 50Go kɔcpiocke kedhia waan, kɛtki.
51Go ranthin tok go biɔth cok, ran ci alanh linon kaar ne yekɔu ku tɛi kɔu: goki dɔm; 52go alanh linon waan, ku kɛt ne yeciin.
53Goki Yecu lar tenɔŋ bɛnydiit de ka ke Nhialic; ku gueer banydit ke ka ke Nhialic ku roordit ku dugɛɛr kedhia. 54Go Petero biath temec, agut lɔ thin, lɔ ne tiai de bɛnydiit de ka ke Nhialic: ku nyuuc kene awuut, ku ɣɔc ne riar de mac nom. 55Go banydit ke ka ke Nhialic ku raan ebɛn ci gueer Yecu kɔr ke rieth kek yen, bik kek ye cɔk thou; goki cuɔk yok. 56Kɔc juec alueth tɔɔr, ku cik kɔn rɔm. 57Go raan rɔt jɔt, ku toor lueth ne yen, jiɛm, 58Ye kacuk piŋ ne jam, Ye an bi yekalu ne loi ne kɔc cine thuɔr piny, ku bɛɛr buth ne nin keediak te cin raan ciin thin. 59Ku ce jamden kɔn rɔm. 60Go bɛnydiit de ka ke Nhialic kɔɔc ne kɔc ciɛl yic, ku thiec Yecu, jiɛm, Ye cin ke ye dhuk? yeŋo eke luel keeduleekane ne yin? 61Go dhiac ke mim. Go bɛnydiit de ka ke Nhialic bɛɛr thiec, jiɛm, Ye ye Kritho, Wen de Athiɛi? 62Go Yecu luel, Ye kee ɣa: ku we bi Wen de raan ŋem ne rɛɛr ne ciin cuec de riɛl, ku bii kene piɔl ke pan nhial. 63Go bɛnydiit de ka ke Nhialic alɛthke reet, ku jiɛm, Ye yeŋo dɛ beerku kɔr duleek? 64Wɔ ci lɛt piŋ: tɛŋduɔn eko? Goki luɔk thou kedhia. 65Go kɔk laar ke ŋuutki guɔp, ku kumki nyin, ku mɛɛŋki, ku yookki, Yi nyuɔthe wɔ ka bi tuɔl: ku loom awuut ku lerki ke maŋki.
66Ana ye Petero ye reer biyic ne tiaiic, go nyan toŋ de nyirawuut ke bɛnydiit de ka ke Nhialic go bɛn enɔŋ en; 67go Petero ŋem ne ɣɔc, go liaal, ku jiɛm, Ye yin ee tɔ wene Nadharani, Yecu. 68Go jai, ku jiɛm, Ye kakuɔc yeke luele, ku kakɛn piŋ: ku leer geer; ku ciu ajith. 69Go nya ŋem, go bɛɛr lɛk kɔc kaac elɔɔm, Ye yerane ee ran toŋ de keek. 70Go Petero bɛɛr jai. Na re ke kɔc kaac elɔɔm yook Petero, Yi kee yic yin ye toŋ de keek; ne ke yin muɔny Galili. 71Go rɔt cien, ku kueeŋ rɔt, Ye kee ran kuɔc yeke yaka luelne. 72Go ajith guɔ ciu elantoŋtɛi ne ke de rou. Go Petero wɛt de Yecu tak, ne yook e cen e yɔɔk, Ye yin bi ya jai ne diak, ke ajith ken guɔ ciu ne rou. Na wen ci ye tak, ke dhiau.
© British and Foreign Bible Society 1940, 2017
ስለ Lek Jot de Jecu Kritho 1940 ተጨማሪ ይወቁ