Mak 15
15
1Ɣɔn miak nelantoŋ e run en ke banydit ke ka ke Nhialic ku roordit, ku dugɛɛr, ku ran ci gueer ebɛn, jiɛm roth, ku derki Yecu, ku thelki, yinki Pilato. 2Go Pilato thiec, Ye ye Meleŋ de Judai? Go dhuɔk e jiɛm, Ye kaca thol ne luɛl. 3Go banydit ke ka ke Nhialic guɛɛl ne kajuec. 4Go Pilato bɛɛr thiec, jiɛm, Ye cin ke ye dhuk? ŋem kajuec cik kek ke yi guɛɛl da. 5Go Yecu ciɛn ke dhuk; go Pilato gai areet.
6Ee ye ran toŋ de kɔc ci mac luɔny keek ne kol e miɛth dit, ran cik ya thiec. 7Ku kee nɔŋ ran toŋ cɔl Barabath, ne ci mac kene kɔc ye teer ku cik tiɛr nɔk ne teeric. 8Go duut lɔ enɔŋ en, ku thiecki bi ke luɔi ke ye luɔi keek. 9Go Pilato dhuk, jiɛm, Ye naŋka piɔth ba we luɔny Meleŋ de Judai? 10Ne nyiny nyic en en ke ne biiye banydit ke ka ke Nhialic ne tiɛl til ke yen. 11Go banydit ke ka ke Nhialic duut cuɔth piɔu, bi ke luɔny Barabath. 12Go Pilato bɛɛr dhuk, jiɛm, Ye ba ŋo loi ne yen yeran yaka cɔɔl Meleŋ de Judai? 13Goki bɛɛr coot, Yi piate. 14Go Pilato thiec, Ye yeŋo, ye kerɛɛc ŋo ci loi? Goki coot areet, Yi piate. 15Ku nɔŋ Pilato piɔu bi duut cɔk mit piɔu, a go ke luɔny Barabath, ku gɛm Yecu, wen cen e dui, bi lɔ piat.
16Go lathkeer goki thɛl luaŋ diit de gueer; ku kuut rem yenom. 17Ku piɔthki ne alanh bɛɛr thith, ku naiki gol de kuɔth, ku tɛɛuki ne yenom; 18ku jɔlki muɔth, yeki jam, Yi aram, Meleŋ de Judai! 19Ku yupki nom ne aruɔr, ku ŋuutki, ku yeki kenhiɔl tuk bik lɔŋ. 20Na wen cik ye jal bui, e ke luny alanh bɛɛr thith bei, ku piothki ne alɛthke. Ku thelki biyic lek piat.
21Goki ran dɛ yok dholic, cɔl Thimon ran de pan de Kurene, ne bɔ baai, wun ne yi Alekandaro ku Rupo, goki dɔm, bi cath ke ke ke ɣɛɛc tiɛm ageer. 22Goki bɛi te cɔl Golgotha, luelde ee, Te de apet. 23Ku yinki piukeabiɛi nɔŋ yic wal nyir: go rɛɛc. 24Goki piat, ku tekki roth alɛthke, cɔɔrki ne keek, ne ke bii ŋek loom. 25Ku ke ye thaa diak, goki piat. 26Ku tɛɛuki gueelde nhial garki, yi kee meled de judai. 27Ku rueny keerou aake ci piat kene yen; tok ne ciin cuecde, ku tok ciɛm. 28Go kecigɔɔr jal ya yic, ke e ci luel, Ya kee mat kene kɔc ke awac. 29Ku bui ne ciɛth cath, yiki kenhiim bɛŋ, ku jamki, Yi Yin, yin ye yekalu riɔk, ku bɛre buth ne nin keediak, 30luak rɔt, ku bar bei ne tiɛm ageer kɔu. 31Ku bui eya yala ne banydit ke ka ke Nhialic ku dugɛɛr jamki, Yi kee kɔc kɔk luɔk; ku cii rɔt ber leu ne luak. 32Ne Kritho, Meleŋ de Yithrael, ne bɔ piny ne tiɛm ageer kɔu emane buk ŋem, ku kabuk gam. Go kɔc wen ci piat kene ye goki laat.
33Ɣɔn ne thaa de dhetem, ke piny col ecut ebɛn agut thaa dheŋuan. 34Ana ye ye thaa dheŋuan ke Yecu yɔɔt eyic areet, jiɛm, Ye Eloi, Eloi, lama thabakthani? luelde ee, Nhialinydie, Nhialinydie, yeŋo yin ɣa nyaŋ wei? 35Go kɔk ke keek kaac etɛɛn, te cik kek ye piŋ, e ke jam, Yi ŋɛmka, acɔl Elija. 36Go ran tok riŋ, ku thiɛŋ ponj ne binegar, ku tɛɛu ne aruɔr thok, ku yin en bi dek, jiɛm, Ye nɛke tɔ; ŋemku lan bii Elija bɛn bi dak bei ne tim kɔu. 37Go Yecu coot areet, ku gɛm tiɛp. 38Ku rɛɛt alanh diit de yekaluic ne yenom gut piny. 39Na wen ci bɛny de rem ne kaac elɔɔm ye ŋem gɛm gɛm en tiɛpde, ke jam, Ye neyic yerane ee ye Wen de Nhialic. 40Ku diar eke kaac temec eya dɛiki: yi Mari Magdalene ku Mari man e Jakob thi ku Jothe ku Thalome; 41diar eke ye biɔth, ɣɔn tɔ yen ne Galili; ku yiki luɔi; ku diar juec kɔk ci bɛn Jeruthalem kene yen.
42Ɣɔn thei, ne ke yen kol de Juɛr, ye kol tueŋ ne thabath, 43ke Jothep ran de Arimathaya, randiit rieue, ran e ye ceŋ de Nhialic ŋɔɔth, ke bɔ ler enɔŋ Pilato ne ŋeeny, ku thiec ne guɔp de Yecu. 44Go Pilato gai ne thon cen guɔ thou: go bɛny de rem cɔɔl, ku thiec lan cen guɔ thou. 45Na wen ci e nyic enɔŋ bɛny de rem, ke yin Jothep guɔp. 46Go alanh linon loom, ku dɛk guɔp nhial, ku duut ne yen, ku le kan ne raŋden e ci wec ne kuuric; ku leer kuur ne raŋ thok. 47Go Mari Magdalene ku Mari man e Jothe lɔ ŋem te cene ye thiɔk thin.
© British and Foreign Bible Society 1940, 2017
ስለ Lek Jot de Jecu Kritho 1940 ተጨማሪ ይወቁ