Mak 16
16
1Ɣɔn ye thabath ye thok, ke Mari Magdalene, ku Mari man e Jakob, ku Thalome, e ke ɣɔc miok nyir bik kek ye ben tɔc guɔp. 2Ɣɔn miakdur ne kol tueŋ de wik, e ke bɔ te de raŋ ne neth de akɔl. 3Ku thiecki roth, Yi yeŋa bi kuur lɛɛr wei ne raŋ thok? 4Na yi jɔtki kenyin, e ke ŋem kuur ne ci lɛɛr wei ne raŋ thok: ee ye kuur dit areet. 5Goki lɔ rɛɛŋ, goki ranthi yok ne rɛɛr ne biak cuec, ke ceŋ alɛth ɣer; goki gai. 6Go ke yɔɔk, Ye duɔka gai: we kɔr Yecu, muɔny Nadhareth, man ci piat: ee rɔt jɔt; aliu eene: ŋɛmka te cene ye kan thin! 7Yen laka, yɔɔkka kɔcpiocke ku Petero, Wuɔ kaŋɛɛr we Galili: abak lɔ ŋem eeti, ci man e cen e lɛk we. 8Goki lɔ biyic, ku kɛtki te de raŋ; ne lɛth lɛthe keek ku gai cik kek gai: go ciɛn ran lekki yen cik riɔc.
9Ɣɔn ye jɔt rɔt ne kol tueŋ de wik, ke kɔn tuɔl tenɔŋ Mari Magdalene, man ee cen jak rac keedherou nyaai e eguɔp. 10Go lɔ le lɛk kɔc eke ye reer kene yen, e ke duɔɔt dhiauki. 11Wen yii piŋki piir piir en, ku ŋem ci tiik ye ŋem, ke cik kɔn gam.
12Na re te ci keekake thok, ke tul ne tuɔl dɛ enɔŋ ren dɛ de keek, e ke cath dholic leki bei. 13Goki lɔ ku le lɛk kɔc kɔk ke keek: goki ke cuɔk gam.
14Ɣɔn ke jɔl tuɔl enɔŋ thiɛrkutok e ke ciɛm; go ke waai ne cuɔk gamden ku riɛr de piɔthken, ne gam ken kek kɔc eke ci ye ŋem ɣɔn jɔt en rɔt gam. 15Ku yook ke, Ye laka ne piny nom ebɛn, ku yaka raan ebɛn piɔc ne welpiath. 16Ran gɛm ku baptith e kabi luɔk; ku ran cie gam abi naŋ lukwei. 17Keecitka aabi kɔc ye gam ya biɔth: aabi jak rac ya ciɛc wei ne rincie, ku kaabi ya jam ne thook kɔk; 18aabi karuɔr ya jɔt ne kecin, ku nee ke cak yuiri ya dek, e kace ke nɛk; aabi kecin ya kan ne kɔc bec gup, ku kaabi gup ya pial.
19Ɣɔn ye jam de Bɛnydit Yecu ye ci thok kene keek, ke lom pan nhial, ku ye nyuc ne ciin cuec de Nhialic. 20Goki lɔ, ku yeki kɔc piɔc ne piny ebɛn, ku ye Bɛnydit lui kene keek, ku ye wɛt cɔk rir ne cit ye bioth. Amen.
Currently Selected:
Mak 16: LEKJOT
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© British and Foreign Bible Society 1940, 2017
ስለ Lek Jot de Jecu Kritho 1940 ተጨማሪ ይወቁ