LUKA 5
5
Mwitango wa varateri va kuvoka
(Mat. 4:18-22; Mrk. 1:16-20)
1Aho mavungano vekimsisima iti vasikije kiteto cha Mrungu, ye ekiimuke mbaimbai ya ipe la Genesareti; 2akavona ngilawa mbiri jeho nkandeni ya ipe, mira vazaloa vafuma, veoja nyavu javo. 3Akaingia he ngilawa mwe yakwe Simioni, akamti aisongeje na cha hae hadori, ivuke kula nkandeni. Akaikaa si, akacheja ala mavungano eho he ngilawa. 4Ekikenja kuteta, akamti Simoni, “Itonje mhaka hala hantu heseishe, mugere nyavu jenyu, muloe samaki.” 5Simioni akagharusha, akamti, “Mfumwa, twerongie ndima kio chose, tetuvonie kintu; mira kwa kiteto chako ninegera nyavu.” 6Vekinakete huvo, vakagura samaki nyingi mno, nyavu javo jikaenda kuchika. 7Vakakonya vaghenji vavo veho he ngilawa ya keri, vaze kuvaghenja; vakaza, vakaizuja ngilawa jose mbiri, jikaenda kudidimira. 8Simioni Petro ekivona ivyo, akamdunkutia Yesu, ekiti, “Vuka hemi Mfumwa, ambu mi ni mntu mwenye mabanu.” 9Ambu agurwa ni kimako, ye na vose vekina naye, he mburi ya samaki nyingi vevonie; 10nirehuvo hata Yakobo ne Yohane, vana Zebedayo, vala eki vaghenji vakwe Simioni. Yesu akamti Simioni, “Usifoleke, kuvokia iki uneoka mzaloa vantu.” 11Vekikenja kutwekeja ngilawa javo, vakashigha vyose, vakamratera.
Kubanjwa kwa mreumbuka
(Mat. 8:1-4; Mrk. 1:40-45)
12Aho eho he muzi mmwe wa ila mizi, hekina mntu eumbuka mwiri wose; naye ekiramvona Yesu, akakugusha, akasoma vusho si, akamsemba ekiti, “Mfumwa, wekikunda uidima kunizerija.” 13Naye akaronga mkono wakwe, akamkunta ekiti, “Nakunda, zera.” Hala indi kuumbuka kwakwe kukamshigha. 14Akamsuja asimvwire mntu, esire, “Tonga urekuvonyesha he mtasi; he vuntu vwa kuzera kwako, uinkije sa vuntu Mose eazere, kivaokie vuonwa.” 15Mira mburi jakwe jikazika kugisha, mavungano majinki vakavungana vamsikije na kubanjwa mawaji avo. 16Mira ye akakunegha na mondo, akatonga hantu hesina vantu, akaomba.
Muntu eholoje ebanjwa
(Mat. 9:1-8; Mrk. 2:1-12)
17Niho msi mmwe wa misi ila, ekiho echeja, Vafarisayo na vacheji va myomongwa, vefuma he kila kamuzi ka Galilaya na Yudea na Yerusalemu, vekiikae si aho. Na nzinya ja Mfumwa jekina naye, aidime kubanja. 18Hakaza vantu vetikie mntu na kitanda, eholoje; vakaenda kumwingija na kumvika hala hantu eho. 19Vekinasove kapengere ka kumwingijija, vuntu vwa vala vantu vajinki, vakakwea wanga he gu, vakamwingijija he matufari, vakamseja na kitanda chakwe hala hantu Yesu eho. 20Naye ekinavone mwitikijo wavo, akamti, “Mbwiaa, washighiwa mabanu ako.” 21Niho vala vaandiki na Vafarisayo vakavoka kuvwijana vekiti, “Ni ani uu eteta viteto vya falaja? Ni ani eidima kushighia mabanu esire Mrungu mwenye?” 22Yesu akamanya maririkano avo, akagharusha, akavati, “Muvwijana ni he ngoro jenyu? 23Kijangu ni kihi? ni kuti, ‘Washighiwa mabanu ako,’ kana ni kuti, ‘Vuka utonge?’ 24Mira nesa mumanye iti Mwana wa Mntu ena nzinya aha he si ii ya kushighia mabanu,” akamti ula eholoje, “Nikutio, Vuka utike kitanda chako, ughotoke na kaa hako!” 25Hala indi akaimuka mozya hevo, akakutwisha kila ekiyaie, akaghotoka na kaa hakwe, ekimkaza Mrungu. 26Vose vakagurwa ni kimako, vakaamkaza Mrungu, vakagurwa ni fole, vekiti, “Yoo twavona mburi ja kumaka.”
Mwitango wakwe Levi
(Mat. 9:9-13; Mrk. 2:13-17)
27Nyuma ya ivyo akafuma, akavona mreghuha kodi eitangwa Levi, ekiikae he nyumba ya kughuhia kodi, akamti, “Niratera!” 28Akavuka, akashigha vyose, akamratera. 29Levi akamharehia mbao mbaha he nyumba yakwe; hekina mzomano m’baha wa vareghuha kodi na vantu vangi veikae si he kijo hamwe navo. 30Vafarisayo hamwe na vaandiki vavo vakadughunyikia varateri vakwe, vekiti, “Hanini mwela na kunwa hamwe na vareghuha kodi na vabanu?” 31Yesu akagharusha, akavati, “Vala vesiwaa teveenda mghanga, esire vala vewaa. 32Sizie kuvaitanga venye kitea, esire vabanu, nesa vaidime kuchwa mti.”
Ivwijo la kukuima
(Mat. 9:14-17; Mrk. 2:18-22)
33Navo vakamti, “Varateri vakwe Yohane vechunga kantu kajinki na kuomba maombi; na varateri va Vafarisayo nirevwo; mira varateri vako vo vela na kunwa!” 34Mira Yesu akavati, “hamao, vala verarikwe he mlomdolo muidima kuvati vachunge, aho verena na mralondola? 35Mira heneza msi mralondola enevushwa hevo, misi iyo niho venekuima.” 36Akavavwira na kisoma, “Tehena ye echwa ndame ya suke shaa na kiugera he suke yesake; kakicha eketa huvo, enechwa ila shaa, na ila ndame ya suke shaa teiringane na ila suke yesakae. 37Neri tehena mntu egera luhwa he mbuta jesakae; na kakicha ekigera, lula luhwa lunebaja jila mbuta, mawa eneitika, na mbuta jinekondika. 38Mira luhwa kitara lugerwe he mbuta shaa. 39Neri tehena enwa mawa echikie akaenda wa luhwa, ambu eti ala echikie nio e edi.”
Currently Selected:
LUKA 5: CHSUNT67
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Chasu New Testament © Bible Society of Tanzania, 1967.