መዝሙረ ዳዊት 10

መዝሙር 10 በዕብራይስጥ

1አቤቱ፥ ለምን ርቀህ ቆምህ?

በመከራም ጊዜ ለምን ትሰወራለህ?

2 # ኢሳ. 32፥7። በክፉዎች ትዕቢት ምስኪኖች ይሰደዳሉ፥

ባሰቡት ተንኰላቸው ተጠመዱ።

3 # መዝ. 36፥2። ክፉ በነፍሱ ፈቃድ ይኮራልና፥

ስግብግብም ይረግማል፥ ጌታንም ይንቃል።

4 # መዝ. 14፥1፤ ኢዮብ 22፥13፤ ኢሳ. 29፥15፤ ኤር. 5፥12፤ ሶፎ. 1፥12። ክፉ በትዕቢቱ ጌታን አይፈልገውም፥

በሐሳቡ በሙሉ እግዚአብሔር የለም።

5መንገዱ ሁልጊዜ የጸና#10፥5 የግሪኩ ትርጒም “የረከሰ ነው” ይላል። ነው፥

ፍርድህ ከእርሱ በላይ እጅግ ከፍ ያለ ነው፥

በጠላቶቹ ላይ ግን ይቀልዳል።

6በልቡ፦ “ለልጅ ልጅ አልታወክም ክፉም አያገኘኝም” ይላል።

7 # ኢሳ. 32፥7፤ ሮሜ 3፥14። አፉ በመርገም፥ በሽንገላና በዐመፃ የተመላ ነው፥

ከምላሱ በታች ተንኰልና ክፋት አሉ።

8 # መዝ. 11፥2፤ ኢዮብ 24፥14። በመንደሮች#10፥8 በሸምበቆዎች መካከል ሸምቆ ይቀመጣል የሚል ትርጉምም አለ። ሸምቆ ይቀመጣል

ንጹሓንን በስውር ይገድል ዘንድ፥

ዐይኖቹም ወደ ምስኪኑ ይመለከታሉ።

9 # መዝ. 17፥12፤ ምሳ. 1፥11፤ ኤር. 5፥26። እንደ አንበሳ በዱር በስውር ይሸምቃል፥

ድሀውን ለመንጠቅ ያደባል፥

ድሀውን ይነጥቀዋል በአሽክላውም ይስበዋል።

10ምስኪኑ ይዋረዳል፥ ይጐብጣል፥

በኃያላኑም እጅ ይወድቃል።

11 # መዝ. 44፥25፤ 64፥6፤ 73፥11፤ 94፥7፤ ሕዝ. 9፥9። በልቡም እንዲህ ይላል፦ “እግዚአብሔር ረስቶኛል፥

ፈጽሞም እንዳያይ ፊቱን ሰወረ”።

12አቤቱ አምላክ ሆይ፥ ተነሥ እጅህንም ከፍ ከፍ አድርግ፥

ድሆችን አትርሳ።

13ክፉ ስለምን እግዚአብሔርን ናቀ?

በልቡም፦ “ፈልጎ አያገኘኝም” ይላልና።

14 # ዘፀ. 22፥21-22፤ መዝ. 31፥8፤ 56፥9፤ 2ነገ. 20፥5፤ ኢሳ. 25፥8፤ ራእ. 7፥17። አየኸው፥ አንተ ክፋትንና ቁጣን ትመለከታለህና

በእጅህ ፍዳውን ለመስጠት፥

ምስኪን እራሱን ለአንተ አሳልፎ ይሰጣል፥

ለድሀ አደግም ረዳቱ አንተ ነህ።

15የክፉዉንና የግፈኛውን ክንድ ሰባብር፥

ምንም እስከማይገኝ ድረስ ክፋቱን ፈልገህ አግኝ።

16 # መዝ. 145፥13፤ ኤር. 10፥10። ጌታ ለዘለዓለም ንጉሥ ነው፥

አሕዛብ ከምድሩ ይጠፋሉ።

17ጌታ ሆይ የምስኪኖችን ምኞት ሰማህ፥

ልባቸውንም ታጸናለህ፥ ጆሮህንም ታዘነብላለህ፤

18 # ዘዳ. 10፥18። ፍርዱ ለወላጅ አልባና ለተጨቆነ ይደረግ ዘንድ፥

ሰዎች በምድር ላይ ማሸበራቸውን እንዳይቀጥሉ።

Currently Selected:

መዝሙረ ዳዊት 10: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ስለ መጽሐፍ ቅዱስ - (ካቶሊካዊ እትም - ኤማሁስ) ተጨማሪ ይወቁ