መዝሙረ ዳዊት 101

101

1የዳዊት መዝሙር።

አቤቱ፥ ጽኑ ፍቅርንና ፍርድን እቀኝልሃለሁ።

2 # 1ነገ. 9፥4፤ መዝ. 26፥11፤ ኢሳ. 33፥15። ነቀፋ በሌለበት መንገድን እጓዛለሁ፥

ወደ እኔ መቼ ትመጣለህ?

በቤቴ መካከል በልቤ ቅንነት እሄዳለሁ።

3 # ምሳ. 11፥20። በዓይኔ ፊት ክፉን ነገር አላኖርሁም፥

ሕግ ተላላፊዎችን ጠላሁ።

4ጠማማ ልብም ከእኔ ይርቃል፥

ክፉን አላውቀውም።

5 # ምሳ. 17፥20፤ 21፥4፤ 30፥10። ባልንጀራውን በቀስታ የሚያማን እርሱን አሳደድሁ፥

በዓይኑ ትዕቢተኛ፥ በልቡ ኩራተኛ የሆነውን አልታገሥም።

6 # መዝ. 26፥11፤ ምሳ. 20፥7። ከእኔ ጋር ይኖሩ ዘንድ

ዐይኖቼ በምድር ምእመናን ላይ ናቸው፥

በቀና መንገድ የሚሄድ እርሱ ያገለግለኛል።

7 # መዝ. 5፥5፤ ምሳ. 25፥5። አታላይ በቤቴ መካከል አይኖርም፥

ሐሰትን የሚናገር በዓይኔ ፊት አይቆምም።

8ዓመፃ የሚያደርጉትን ሁሉ ከጌታ ከተማ አጠፋቸው ዘንድ፥

የምድርን ክፉዎች ሁሉ በማለዳ አጠፋቸዋለሁ።

Currently Selected:

መዝሙረ ዳዊት 101: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ከ
{{ምዕራፍ}}
ታዋቂ የመጽሐፍ ቅዱስ ጥቅሶች