መዝሙረ ዳዊት 58

1ለመዘምራን አለቃ፥ አታጥፋ። የዳዊት ቅኔ።

2 # መዝ. 82፥2፤ ዘዳ. 16፥19። በእውነት ጽድቅን ትናገራላችሁን፥

ገዢዎች ሆይ፥ በቅን ትፈርዳላችሁን?

3በልባችሁ በምድር ላይ ግፍን ትሠራላችሁና፥

እጆቻችሁም ዐመጽን ይፈጽማሉና።

4ክፉዎች ከማኅፀን ጀምረው ተለዩ፥

ከሆድም ጀምረው ሳቱ፥ ሐሰትንም ተናገሩ።

5 # መዝ. 64፥4፤ 140፥3፤ ሮሜ 3፥13። የእባብ መርዝ ዓይነት መርዝ አላቸው፥

ጆሮውን እንደደፈነ እባብ ናቸው፥

6አስማተኛ ሲደግምባት የአስማተኛውን ቃል እንደማትሰማ።

7 # መዝ. 3፥7። አምላክ ሆይ ጥርሳቸውን በአፋቸው ውስጥ ስበር፥

የአንበሶቹን መንጋጋቸውን አድቅቅ።

8 # መዝ. 37፥2፤ ጥበ. 16፥29። እንደሚፈስስ ውኃ ይጥፉ፥

ቀስትን ሲገትሩ ፍላጻው ይጣመም።#58፥8 አንዳንድ እትሞች “እንደ ሣር ተረግጠው ይጠውልጉ” የሚል ትርጒም ያቀርባሉ

9 # ኢዮብ 3፥16። እንደሚሟሟ ቀንድ አውጣ፥

ፀሐይን እንዳላየ ጭንጋፍ ይሁኑ።

10 # ኢዮብ 21፥18፤ ሆሴዕ 13፥3፤ ናሆም 1፥10። ድስታችሁ የእሾኽን መቀጣጠል ከመስማቱ በፊት፥

ሕያዋን ሳላችሁ በመዓቱ ጠራርጎ ያጠፋል።

11 # መዝ. 68፥24፤ ኢሳ. 63፥1-6። ጻድቅ በቀልን ባየ ጊዜ ደስ ይለዋል፥

በክፉዉም ደም እግሮቹን ይታጠባል።

12ሰውም፦ “በእውነት ለጻድቅ ፍሬ አለው፥

በእውነት በምድር ላይ የሚፈርድ አምላክ አለ” ይላል።

Currently Selected:

መዝሙረ ዳዊት 58: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ስለ መጽሐፍ ቅዱስ - (ካቶሊካዊ እትም - ኤማሁስ) ተጨማሪ ይወቁ