መዝሙረ ዳዊት 99

1 # መዝ. 18፥8-11፤ 80፥2፤ 93፥1፤ ዘፀ. 25፥22፤ 1ሳሙ. 4፥4፤ 2ሳሙ. 6፥2። ጌታ ነገሠ፥ አሕዛብ ይደንግጡ፥

በኪሩቤል ላይ ተቀመጠ፥ ምድር ትናወጥ።

2ጌታ በጽዮን ታላቅ ነው፥

እርሱም በአሕዛብ ሁሉ ላይ ከፍ ከፍ አለ።

3 # ኢሳ. 6፥3። ቅዱስ ነውና

ሁሉም ታላቅና ግሩም ስምህን ያመስግኑ።

4 # መዝ. 72፥1፤ ኤር. 23፥5። ፍርድን የምትወድ ኃያል ንጉሥ፥

አንተ ቅንነትን አጸናህ፥

በያዕቆብ ፍርድንና ጽድቅን አንተ ፈጽምህ።

5 # መዝ. 132፥7። ጌታ አምላካችንን ከፍ ከፍ አድርጉት፥

ቅዱስ ነውና ወደ እግሩ መርገጫ ስገዱ።

6 # ኤር. 15፥1። ሙሴና አሮን በካህናቱ ዘንድ፥

ሳሙኤልም ስሙን በሚጠሩት ዘንድ ናቸው፥

ጌታን ጠሩት፥ እርሱም መለሰላቸው።

7 # ዘፀ. 33፥9፤ ዘኍ. 12፥5። በደመና ዓምድም ተናገራቸው፥

ምስክሩንና የሰጣቸውን ትእዛዝ ጠበቁ።

8 # ዘፀ. 32፥11፤ ዘኍ. 20፥12። አቤቱ አምላክችን ሆይ፥ አንተ ሰማሃቸው፥

አቤቱ፥ አንተ ማርሃቸው፥

ጥፋታቸውን ሁሉ ግን ተበቀልሃቸው።

9ጌታ አምላካችንን ከፍ ከፍ አድርጉት፥

በቅዱስ ተራራውም ስገዱ፥

ጌታ እግዚአብሔር ቅዱስ ነውና።

Currently Selected:

መዝሙረ ዳዊት 99: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ስለ መጽሐፍ ቅዱስ - (ካቶሊካዊ እትም - ኤማሁስ) ተጨማሪ ይወቁ