LUKE 16
16
A Dihtat lo Neisa Kempa Thugentena
1Tua ciengin Jesu in a nuazuite kungah, “Mihau pa khat in neisa kem khat nei a, tua neisa kempa in a neisa teng phengzah gawp hi, ci-in kiheh hi. 2Tuaci’n ama in tuapa hlanin ama kungah, ‘Na tungtang thu ka zahte bang cidan ahei? Nang pen ka neisa kempa hi nawn lo ding na hi ziehin na sum zehna sazien teng ei ap in,’ a ci hi. 3Tua ciengin neisa kempa in a lungsim sungah, “Tu-in ka pupa in ka nasep panin ei tawpsah ahi tah leh bang ka ci ta diei? Lei lai dingin lah ka tha a hat sih a, khutdaw nget ding lah ka maizum hi. 4Neisa kempa hina panin ei kitawpsah zaw ciengin mite in a inn vua zin ei tunsah thei nadingin ka sep ding teng ka khensat zo hi,’ a ci hi. 5Tuaci’n a pupa tunga leiba ba teng a banbanin hlan a, amasa pen pa kungah, “Nang in ka pu lei bangza na ba ei? ci-in a dong hi. 6Ama in, ‘Sathau bung zakhat ka ba hi,’ a ci hi. Tua neisa kempa in ama kungah, ‘Leiba ciemtena laibu va lazuai ta’nlen tosuhin sawm nga-in giel in,’ a ci hi. 7Tua ciengin adang khat kungah, ‘Tuale nang in ka pu leiba bangza na nei ei?’ ci-in dong hi. Ama in, ‘Mangbu seu zakhat,’ a ci hi. Ama in tuapa kungah, ‘Na leiba ciemtena lai la inlen, to-in seu sawm gietin giel in,’ a ci hi. 8Tuale a dihtat lo neisa kempa pen pilvang tahin a gamtat ziehin a pupa in ama a pahta hi; azieh pen khuovah tate sangin leisiet mite a nasepna vuah a pilvangzaw uhi. 9Keima in note tungah kang ci-in, tuate a tawp ciengin kumtawn inn#16:9 Gk “buhte”” sungah ang lamdot ding lawm suina-in tua a dih lo haunate#16:9 Gk “mammon” na zang un. 10Themno khat tunga a citah poma a tampi tungah citah a, themno khat tunga a citah lo poma a tampi tungah zong citah lo hi. 11Tua ciengin a dih lo hauna#16:11 Gk “mammon” tunga na citah sih uleh koi in note adingin hauna tahtah ang ap ngam ding uh ahei? 12Midang khat’ neisa tunga na citah sih uleh koi in noma adingin ang ap ngam mawh ding uh ahei? 13Koima’ sila in pu ni’ na semton zo lo hi; bang ding ahei cile ama in khat muda-in adang khat it ding a, ahi sihle khat belin adang khat a simmaw ding hi. Pasien’ na le hauna’#16:13 Gk “mammon” na na semton thei sih ding uhi,” a ci hi.#Mat 6:24
Thukham le Pasien’ Manggam
14Sum du Pharisee-te in tam thu zosie a zah ciengun ama a nuisan uhi. 15Tuaci’n amate kungah, “Mite mai-ah no le no na kidihsah vangun Pasien in na lungtang uh a thei hi; azieh pen mihingte in manpha a sah mama uh nate pen Pasien’ muna-ah a kidahhuoi ahi hi.
16“John hun cieng dong thukham le kamsangte’ thu na kizang hi; tua zaw lang kalsie Pasien’ manggam lungdamna thu kihil a, tua gam sungah mi zosie in pau lut ding a hanciem uhi.#16:16 Ahi sihle “tua sunga lut dingin mi zosie nahpi tahin kihanthawn hi.#Mat 11:12-13 17Hinanle thukham laibu sunga om laimal cindawncie khat a manthai ding sangin van le lei a manthai ding baizaw lai hi.#Mat 5:18
Zi Khulna Thu Jesu’ Genna
(Mat 19:1-12; Mrk 10:1-12)
18“Mi khatpo in a zi a khul a, midang khat tawh a kinun leh ama angkawm suoh a, a kikhulsa numei tawh a kinung mi zong angkawm ma ahi hi.#Mat 5:32; 1Cor 7:10-11
Mihaupa le Lazarus
19“Khumin mihaupa khat in puon ausan le saihadiel puon sil a, nisimin pawi bawlin nuomsa tahin a om hi. 20Tuale a tunkotah a pumtanga hima vei Lazarus a kici mizawng khat kikoi a, 21ama in a gilkiel phat nadingin mihaupa’ sabuoi panin a kie annengte a dugaw hi; uite nangawn pei-in a hima a liepieh zel uhi. 22Tua mizawng pa si a, vantung mite in Abraham#16:22 Gk “Abraham kang sungah” tawh omton dingin ama a puo uhi. Mihaupa zong si-in a kivui hi. 23Misikhuo ah gawtna thuohin a op laitahin a khuodah leh a gamlapi mun khatah Abraham le a gei-a#16:23 Gk “a kang sunga” om Lazarus a galmu hi. 24Ama kiko-in, “Pa Abraham aw, kei ei khuotuo inlen, tami meili lai-ah gimna nahpi tahin thuoh ka hi ziehin Lazarus in a khutme dawn tui die-in ka leii a votsah dingin hing sawl in,” a ci hi. 25Ahi vangin Abraham in, “Ka ta aw, na hin sungin sil hoi teng na nga a, tua ma bangin Lazarus in sil hoi lo teng a nga lam phawh in; hizongle tu-in tam sungah ama nuomsa-in a om a, nang in gimna na thuoh hi. 26Tamte zosie banah i kikal vuah guom thuhpi khat om a, tam lam panin no lamah a galkai nuomte a galkai thei sih vua, tua lam panin ko lamah zong koima a galkai thei sih hi,” a ci hi. 27Ama in, ‘Tua ahileh Pa aw, ka pa inn ah ama ei sawlpieh in, kang thum hi. 28Azieh pen keima in sanggam pasal nga ka nei a, tami bawlsietna munah amate ang tun lo nadingun ama in ei va hilpieh taheh,’ a ci hi. 29Abraham in, ‘Amate in Moses le kamsangte a nei uhi; amate’ thu na ngai ta uheh,’ a ci hi. 30Ama in, ‘Hi lo hi, Abraham aw, misite lah panin khat ka sanggamte kungah va pei leh amate kisiakia ding uhi,’ a ci hi. 31Ama in tuapa kungah, ‘Amate in Moses le kamsangte’ thu a man nop sih uleh misite lah nangawn panin mi khat thokia nanle zong a tahsang tuom sih ding uhi,” a ci hi.
المحددات الحالية:
LUKE 16: ZBOTF01
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Zo Bible © Bible Society of Myanmar, 2018.