Ператварэньне блуднага сына з Кайлам АйдлманамУзор

“Ласка абодвум сынам”

Старэйшы сын абурыўся, калі ён пабачыў тое, што зрабіў ягоны бацька. Старэйшы брат старанна працаваў і аддана абрабляў зямлю, але тым ня менш ён згубіўся ў доме ўласнага бацькі.

Не было ні абуджэньня, ні адкрытасьці, ні дзеяньня.

Насамрэч, ён таксама быў блудным сынам. Як і сэрца малодшага брата, ягонае сэрца таксама знаходзілася далёка ад бацькі. Ён таксама заблукаў, але ён таго не заўважыў. Цім Кэлер апісвае гэта такім чынам: “Дрэнны сын заблукаў у сваёй дрэннасьці, а добры сын — у сваёй дабрыні.”

Мажліва, вы ніколі не былі ў “далёкім краі”. Мажліва, вы маеце ўражваючае рэлігійнае рэзюмэ. Мажліва, вы прытрымліваецеся ўсіх правілаў. Мажліва, прачытаўшы гэтую кнігу цалкам, вам прыгадаліся ўсе тыя людзі, якія знаходзяцца ў “далёкім краі” і якім сапраўды варта яе прачытаць. Але, мажліва, Ісус зьвяртаецца празь яе менавіта да вас?

На шчасьце, калі старэйшы брат быў у полі, бацька пакінуў сьвяткаваньне і пайшоў да яго. Ён зьвярнуўся да свайго сына асабіста.

Што гэта кажа нам пра Бога? Бог прагне мець узаемаадносіны са Сваімі дзецьмі. Ня мае значэньня, што вашае жыцьцё падобнае да жыцьця старэйшага сына ці да жыцьця малодшага.

Нягледзячы на абразьлівыя паводзіны малодшага сына, бацька сустрэў яго з распасьцёртымі абдымкамі. Пачуўшы жорсткія словы старэйшага сына, бацька зь любоўю вытлумачыўся. У старадаўнасьці, патрыярхі ніколі не тлумачылі прычынаў сваіх дзеяньняў. У сем’ях не панавала дэмакратыі; панавала дыктатура. Аднак у адказ на гнеў старэйшага брата бацька праявіў цярплівасьць і ласку.

Нам, чамусьці, здаецца, што Бог — гэта раззлаваны бацька, які патрабуе судовай адказнасьці, але празь Ісуса Ён даруе нам любоў і міласьць нават тады, калі мы таго не заслугоўваем. Урэшце, гісторыя ў Лукаша 15 — яна не пра двух непаслухмяных сыноў. Яна пра Тату, Які безумоўна любіць Сваіх дзяцей.

Калі вы грашыцё, як вы ўяўляеце сабе Бога і Ягоныя думкі пра вас? Як Ягоная бясконцая ласка і любоў стымулююць увесь працэс “AHA”?

Ці спадабаўся вам гэты плян? Калі так, то вы можаце атрымаць магчымасьць здабыць поўную кнігу тут