Шэсьць крокаў да лепшага лідэрстваУзор

Адважся спыніцца

Калі нехта сапраўды нарадзіўся з Богам дадзеным надзвычайным лідэрскім патэнцыялам, дык гэта Самсон. Але ягонае жыцьцё было цалкам зруйнаванае, бо ён ня меў адвагі спыніцца.

Усё пачалося пагаршацца ў Судзьдзяў 16:1: “Прыйшоў аднаго разу Самсон у Газу і ўбачыў там блудадзейку.”

Газа знаходзілася за сорак кілямэтраў ад Самсонавага роднага мястэчка Цора. Газа належала філістымлянам, для якіх Самсон быў ворагам №1. Дарэчы, за Самсонам не было “Ўбэру”. Самсон прайшоў пехатою 40 кілямэтраў у тэрыторыю ворагаў, каб пабачыцца з прастытуткай.

Гэта 56 250 крокаў. Самсон не зруйнаваў сваё жыцьцё за адну хвіліну. Ён зрабіў 56 250 крокаў у няправільным накірунку.

У выпадку з нашымі камандамі, арганізацыямі, кар’ерамі, здароўем ды сям’ёй адбываецца тое ж самае. Мы ніколі не руйнуем іх за адну хвіліну. Звычайна, тое адбываецца паступова: адно няправільнае рашэньне, адзін няправільны крок, адна дрэнная звычка, па адным дні.

Дык чаго нам бракуе? Адвагі спыніцца. Сказаць “не”. Рабіць меней. Не паддацца жаданьню зрабіць яшчэ адзін крок у няправільным накірунку. Чаго табе бракуе, каб спыніцца?

Гаворка ідзе ня толькі пра спыненьне таго, што відавочна няправільнае. Ты мэнэджэр? Магчыма, ты можаш спыніць непрадукцыйны сход. Выдаткоўваючы добрыя рэсурсы на сярэднія праекты, ты ня ўбачыш добрых вынікаў. Які праект ты мусіш спыніць? Якія важныя заданьні табе трэба спыніць дзеля таго, каб расьці як лідэр? Дзеля таго, каб зрабіць болей, будучы лідэрам, магчыма, ты мусіш рабіць менш.

А можа, справа ня ў працы. Можа, ты падобны да Самсона, і ты зрабіў адзін, два або 2 000 крокаў у няправільным напрамку ў адносінах, у звычцы або ў тваім здароўі. Падыход той жа самы: яшчэ ня позна набрацца сьмеласьці ды спыніцца.

Паразважай: Улічваючы тое, кім я хачу стаць, дзеля спыненьня чаго мне патрэбная адвага? Што дае няправільныя рэзультаты? Які настрой або якія месцы адмоўна ўплываюць на мяне? Хто можа дапамагчы мне спыніцца?

Дадай у закладкі наш даведнік па звычках.