Шэсьць крокаў да лепшага лідэрстваУзор

Упаўнаважвай людзей

Адной зь першых рэчаў, што Ісус зрабіў у Сваім трохгадовым зямным служэньні, было знайсьці людзей, якім Ён мог даць пэўныя паўнамоцтвы. Ён знайшоў дванаццаць, але ты не Ісус - таму, можа, варта пачаць з аднаго?

Калі ты не ўпаўнаважваеш іншых, вось што адбываецца: ты становісься перашкодай у тваіх пачынаньнях. Твае пачынаньні ня спраўджваюцца праз тое, што ты робіш; яны спраўджваюцца празь людзей, якіх ты ўпаўнаважваеш.

Калі Ісус, Божы Сын, разьлічваў на людзей, каб прасоўваць справу, дык пэўна ж і мы ня здолеем зрабіць нешта сапраўды вялікае самастойна. Узмацняй людзей, і разам вы дасягняцё вялікага.

Учора мы размаўлялі пра тое, як важна мець адвагу спыніцца. Магчыма, табе нават трэба адмовіцца ад заданьняў, якія табе падабаецца выконваць. Калі табе трэба зрабіць нейкую справаздачу, праект або заданьне, дык падумай пра тое, ці варта даручыць тое нейкай асобе, замест таго, каб выканаць іх самастойна. Калі нехта можа зрабіць тое прынамсі на палову гэтак жа добра, як ты, і чалавек мае патэнцыял да разьвіцьця, дык даручы і назірай за ягоным ростам.

Першым вялікім крокам Ісуса было знайсьці людзей, якіх Ён мог упаўнаважыць, і Ягоным апошнім крокам на зямлі было даручыць адну з найважнейшых частак Ягонае справы Сваім пасьлядоўнікам. Звычайна, тое называецца “Вялікім даручэньнем”, і з таго, што мне вядома, яно працуе.

Што ты можаш даручыць? Каму? Як ты будзеш разьвіваць ды рыхтаваць тых людзей?

Калі ты ўпаўнаважваеш правільных людзей, то яны адчуваюць сябе высока цэненымі, яны растуць як лідэры, а ты сам можаш засяродзіць тваю ўвагу на нечым іншым, і тое, чым ты кіруеш, стане больш пасьпяховым.

У цябе можа быць або кантроль над працаю або рост - ня зможаш мець абедзьве рэчы. Дык каго ты ўпаўнаважыш?

Пагутары з Богам: Госпадзе, дзякую, што Ты дазволіў мне кіраваць некаторымі з Тваіх людзей. Каго я мушу ўпаўнаважыць? Што я мушу даручыць ім?

Больш інфармацыі ў эпізодах 16 ды 17 майго падкасту.