Шэсьць крокаў да лепшага лідэрстваУзор

Ствары сыстэму

Прыгадай якую-небудзь праблему на працы, у тваёй камандзе, у тваёй сям’і або ў тваім жыцьці, якая ўсё вяртаецца і вяртаецца. Магчыма, ты думаеш, што справа ў кантролі якасьці, у абслугоўваньні кліентаў, у няправільных людзях або ў непрыбранай хаце, але насамрэч праблема ў сыстэме.

Як лідэры, мы маем тэндэнцыі вінаваціць у сваіх праблемах людзей унізе, калі насамрэч праблему выклікаюць сыстэмы ўверсе.

Магчыма, ты думаеш: “Дык у нас няма ніякіх сыстэмаў” або “У нас усё пабудавана на адносінах, нам не патрэбныя аніякія сыстэмы.” Прабач, але сыстэмы ў цябе ёсьць. Можа, твая сыстэма - гэта пачынаць дзень з праверкі эмэйлаў, вырашэньня праблемаў па меры таго, як яны ўзьнікаюць, і вяртаньня дахаты зьнясіленым. Але гэта, урэшце, сыстэма.

У цябе могуць быць сыстэмы, створаныя наўмысна, або па змаўчаньні, але яны ў цябе ёсьць. Сыстэмы, якія ў цябе ёсьць зьяўляюцца або вынікам таго, што ты стварыў, або таго, што ты дазволіў. З гэтае прычыны, калі ты хочаш бачыць лепшыя вынікі, пачні са стварэньня новае сыстэмы.

У першым разьдзеле Бібліі мы чытаем, што зямля была бяз формы, і Бог сказаў: “Хай будзе сьвятло.” Потым Ён аддзяліў сьвятло ад цемры, зямлю ад неба, сушу ад вады, птушак ад рыбаў і гэтак далей. Заўваж, што Бог працаваў над канкрэтнымі сыстэмамі разам і не пераходзіў да наступнае, пакуль ня быў задаволеным вынікам. Нарэшце, Бог стварыў людзей і даў ім указаньні даглядаць за ўсім гэтым - улучаючы сыстэму адпачынку раз на тыдзень.

Стварэньне пачалося з сыстэмы. Апостал Павал называе Царкву адным целам са шматлікімі членамі, кожны зь якіх выконвае пэўныя важныя функцыі. Гэта сыстэма. Сыстэма пад Ісусавым кіраўніцтвам.

Гэтак жа як сьвет, царква і тваё ўласнае цела, тваё жыцьцё поўнае сыстэмаў. Здаровыя сыстэмы ніколі не ўзьнікаюць выпадкова. Іх наўмысна ствараюць.

Якія сыстэмы мусіш стварыць ты дзеля атрыманьня вынікаў, што ты хочаш атрымаць?

<1>Паразважай: Ці я зрабіў Ісуса лідэрам мае галоўнае сыстэмы - майго жыцьця? Якія цяжкасьці стаяць перада мною, і якія сыстэмы могуць вырашыць іх?