2 Пятра: 3-Дзённы План ЧытанняУзор

Пётр заканчвае сваё другое пасланне і нагадвае сваім вучням, што Ісус хутка прыйдзе, заахвочваючы іх весці праведнае жыццё. Аднак гэты напамін не знаходзіць падтрымкі ў пэўнай групе ілжэвучыцеляў. Яны скептычна ставяцца да вяртання Ісуса і не бачаць патрэбы абмяжоўваць свае жаданні.

Ілжэвучыцелі прыводзяць два аргументы. Першыаргумент-Богадпачаткустварэннясветунеўмешваўсяў гісторыючалавецтваінесудзіўзло. Прадказаны дзень суда за нашыя грахі так і ненаступіў, а значыць, нашы дзеянні для Бога не маюць значэння. Аднак Пётр кажа, што яны ігнаруюць факты.

Бог умешваўся у гісторыю чалавецтва. Бог адным словам стварыў зямлю з глыбiнь першабытнага акіяна. А потым адным словам затапіў зямлю патопам, пакараўшы чалавецтва за грэх. Гэтыя ілжэвучыцелі дрэнна ведаюць Пісанне, і пазней Пётр яшчэ раз гэта падкрэсліць. Бог заўсёды ўдзельнічаў у справах людзей, i сваiм словам будзе судзіць зямлю.

Другі аргумент ілжэвучыцеляў — Бог спазняецца са сваім прыходам.Ісус абяцаў хутка вярнуцца, але гэтага не адбылося. Пётр падкрэслівае, што бессмяротны Бог не кіруецца нашымі паняццямі часу. Для Бога "хутка" можа азначаць зусім іншае, чым для нас. Больш за тое, Бог не спазняецца — Ён праяўляе цярпенне. Бог не жадае, каб хто-небудзь з нас загінуў ці трапіў пад Ягоны суд. Затрымка Бога не сведчыць аб тым, што Ён забыўся пра нас, а, хутчэй, паказвае Яго цярпенне і міласэрнасць да людзей, якія марудзяць з пакаяннем. Спазненне Бога — гэта насамрэч праява Яго цярпення.Для тых, хто сумняваецца ў Божых тэрмінах, цярпенне Бога — гэта адзіная надзея на наша збаўленне.

Мы ведаем, што Ісус хутка прыйдзе. У той дзень зло і грэх растануць і знікнуць. Набліжаецца час, калі застанецца толькі добрае і справядлівае. Мы павінны жыць так, як быццам вечная дабрыня ўжо блізка. Мы павінны жыць, кіруючыся справядлівасцю і маральнымі прынцыпамі, якія не знікнуць ніколі. Трэба быць асцярожнымі з тымі настаўнікамі, якія ставяць пад пытанне вяртанне Ісуса або яснасць Яго маральных запаведзяў. Богу важна, як мы жывем. І для нас, тых, хто чакае хуткага прыходу Ісуса, гэты дзень стане днём надзеі, а не суда.

Бог прыйдзе не толькі для таго, каб судзіць, але каб усталяваць новы свет праведнасці, маральнай дасканаласці і міру. Бог цярпліва чакае не з-за сваёй абыякавасці, а таму, што жадае, каб усе пакаяліся. Бог прагне, каб кожны чалавек увайшоў у Яго новы свет, дзе не будзе месца злу і болю, прычыненых пажадлівасцю іншых. Бог «хутка» прыйдзе, каб усе, хто церпіць ад ярма граху і звяртаецца да Яго, змаглі пакаяцца і знайсці свабоду ў новым свеце.

Бог аднойчы ўжо стварыў і асудзіў свет, і ён зноў будзе судзіць і ствараць новае. Не ўспрымай павольнасць дзеянняў Бога ў гісторыі як абыякавасць. Разглядай Божую цярплівасць як шанец на збаўленне. Лічы цяперашнюю затрымку Бога запрашэннем для ўсіх людзей. Набліжаецца вечнае Царства ласкі, сілы, дабрыні і прыгажосці. Набліжаецца дзень, калі мы будзем вызвалены ад несправядлівасці і зла, што прычыняем іншым. І гэты дзень хутка надыдзе для ўсіх, хто яго чакае.

Няхай Святы Дух пакажа табе Бога, які стварыў і судзіў свет.
І няхай ты спазнаеш Ісуса як таго, хто прыйдзе судзіць зло і стварыць новы свет для ўсіх праведных.