Popular Bible Verses from Juan 15

Share

Che ningo pe parral máta, ha peẽ ningo che rakãnguéra. Pe cherehe ojoajúva, ha Che hese, upévamante hi’a porã. Peẽ ndaikatúi pejapo mba’evete cherehe’ỹ.

Pepyta chepype, upérõ che apytáta avei pendepype. Pe parral rakã ndaikatúi hi’a ijehegui rei, oĩ’ỹ ramo pe parral máta rehe, upéicha avei peẽ ndaikatúi pejapo mba’eve iporãva napeiméirõ chepype.

Peime ramo chepype, ha Che ñe’ẽ oĩ ramo pendepype, opaite mba’e pejeruréva guive oñeme’ẽta peẽme.

Peẽ ndacheporavói chéve, Che voi ningo poiporavova’ekue peẽme, ha Che pomondo peẽ pende’a hag̃ua, ha pende a opyta hag̃ua oñehundi’ỹre. Ha opaite mba’e peẽ pejeruréva Ñanderuetépe che rérape, Ha’e katuete ome’ẽta peẽme.

Upe imborayhu tuichavéva ome’ẽ hekovetee voi ohayhúva rehehápe.

Ha’e ningo ohakã’o opaite parral rakã hi’a’ỹva, ha opaite che rakã hi’áva Ha’e oikytĩ ha omopotĩ hi’ave hag̃ua.

Kóva ningo che rembipota: Tapejohayhu, Che pohayhu háicha.

Che Ruete oñembotuicha pende’a heta rupi ha upéicharõmante peẽ che remimbo’ekuéra añeteguáva oikóta pendehegui.

Che ningo pe parral máta añeteguáva, ha che Ruete ningo pe parral máta rehe oñangarekóva.

Pe opyta’ỹva chepype oñemombova’erã okápe yvyra rakã vaícha ipiru hag̃ua ha oñembyatypa rire katuete ojehapýta.

Ko’ã mba’e ko’ãva Che ha’éma peẽme che vy’a oĩ hag̃ua pendepype, ha penerenyhẽ hag̃ua vy’águi.

Pejapo ramo che rembipota peiméta che mborayhúpe, Che voi ajapo che Ruete rembipota ha aĩ imborayhúpe.

Kóva ningo che rembipota: Tapejohayhu.

Peẽ peiko rire gueteri yvyariguakuéra oiko háicha, ha’ekuéra penderayhuva’erãmo’ã. Peẽ katu ndapeikovéima yvyariguakuéra oiko háicha, Che poiporavógui uvei yvyariguakuéra apytégui, upévare ha’ekuéra ndaija’éi penderehe, peẽ ndaha’evéimagui iñirũnguéra.