MAIPEI PHOUYU 17
17
Aaron vei Süpo
1 Mapao nou Moses hi paoe, 2“Israel mai khü chekhei hinou süpo alili hai pove peio tea paopeio. Süpo hisü puletao vei zhih hai rülo, 3ae Levi maivei süpo nasü Aaron vei zhih rüthoulo. Khükhü hi süthai-apeio maitao hai süpo chekhei bulai. 4Süpo sütao hai poloua Enou buyu Sahpao hi ae Vo Sübvü buyu nghoujü hi Enou neletaoye ve daoyu buh hi pokhailo. 5Süthaisü Enou dolouyu maina vei süpo hai bo lapalai. Haibüa soupeia Enou Israel maiye panou ne pei hi tobai soumoa raoyu nasü souha peilai.”
6Südonou Moses nou Israel mai hisü paopeie ae puletao nou süpo kiahai, khü chekhei hinou süpo chekhei hai pove peie ae Aaron vei süpo-a sühi koa nou thoukhai peie. 7Moses nou süthaisü süpotao hai Sahpao hi Vo Sübvü nghoujü hisü polou khaipeie.
8Thainesho hai Moses nou Sahpao hi louyu phaki, Levi mai khü thaosoua Aaron vei süüpo nasü süübo lapa-a nou ngaoloue. Süüpo süna hai bo lapa-a poupah-a papyare ae almond rashithou shikou mei-a nou ngaoloue! 9Moses nou süpo sünasü poloua Israel maitao hi ngaoe. Puletao nou kabüa vepare touyu khesü ngaoloure ae süthai-apei maitao nou linaonao vei süpo sü podakhai tare. 10Mapao nou Moses hi paoe, “Aaron vei süpo nasü Vo Sübvü nghoujü hi podakhailou khai-o. Süpo hai nanou Israel mai talinoua khaitya raolealeayu sü bailou more toulouzü puletao hai thai-a bailai touyu vei paopi peiyu shee soua bulai.” 11Mapao nou kharochi peiyu thaifüa Moses nou soupeie.
12Israel maitao nou Moses hi paoe, “Süthaisü Etao hai sühinou che-a baie! 13Hakinou mai talinoua Sahpao nghiki takou louzü thai-a bailai touyu thaio, Etao hai thaiyu mai ali bütoua baire!”
Currently Selected:
MAIPEI PHOUYU 17: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.