MAIPEI PHOUYU 26
26
Maipei Phouyu Ahai Chena
1Rahta veyu thaisü Mapao nou Moses ae Aaron nahpoutu Eleazar hi paoe, 2“Israel mai hrülai, soureih souyu hi talou süyu po kai pei payu mai hrülai sü puletao vei kihikha noupu zhih rülo.” 3-4Moses ae Eleazar nou paoyu thaifüa po sütao hi buyu mai hrülai sü kuve jüloure. Puletao nou Jeriko nghoujülo Jordan reipe hi buyu Moab maivei deikho hinou ve jüloure.
Mai haitao hai Ejipt teidei hinou tapa louyu maitao-e:
5Jakob nahpoutu naraio Reuben vei maityatao hinou mai haitao-e: Hanok vei khü, Pallu, 6Hezron, ae Karmi. 7Khü haitao hinou mai 43,730 bue. 8Pallu vei tyaosholea hinou Eliab, 9ae puhvei nahpoutu Nemuel, Dathan, ae Abiram. (Maisou nou dolouyu hai Dathan ae Abiram-e. Puhai nou Moses ae Aaron ye ngaophou moa Mapao pei hi rao-a khaityayu Korah vei thaifümai hi louzhore. 10Dei nou mü kopaloua puhaiye zhaoloure, ae puhaiye sü Korah vei thaifümai 250 mei nou deithayu hi koa loua nou deithare, puletao hai maikhe maiye donou paopi peiyu mai soure. 11Ana Korah vei nahpoutu maitao hai thai moe.)
12Simeon vei maityatao: Nemuel, Jamin, Jachin, 13Zerah, ae Shaul hai maitao-e. 14Khü haina hi mai 22,200 bue.
15Gad vei maityatao: Zephon, Haggi, Shuni, 16Ozni, Eri, 17Arod, ae Areli puona maitao-e. 18Haitao hi mai 40,500 bue.
19-21Judah vei maityatao: Shelah, Perez, Zerah, Hezron, ae Hamul puona maitao-e. (Judah vei nahpoutu ahai, Er ae Onan, hai Kanaan maivei teidei hinou thaire.) 22Maitya haitao hinou mai 76,500 bue.
23Issakar vei khü hinou Tola, Puah, 24Jashub, ae Shimron puona maitao-e. 25Maitya haitao hinou mai 64,300 bue.
26Zebulun maitao: Sered, Elon, ae Jahleel puona maitao-e. 27Khü haina hinou mai 60,500 bue.
28Josef hai nahpoutu ahai bue, Manasseh ae Ephraim.
29Manasseh maitao. Manasseh nahpoutu Machir, ae puh nahpoutu Gilead, ae puletao vei poupaoh maitao hai haibüa puletao vei tyarai sü phoutawe: 30Iezer, Helek, 31Asriel, Shechem, 32Shemida, ae Hepher. 33Hepher nahpoutu Zelophehad hai nahpoutu mai ha-e, ana nah naotumai bue; puletao vei zhih sü Mahlah, Noha, Hoglah, Milkah, ae Tirzah toue. 34Maitya haitao hi mai 52,700 bue.
35Ephraim maitao: Shuthelah, Beker, ae Tahan. 36Eran maitao vei tyaosholea hai Shuthelah hinou phoutawe. 37Mai haitao hi 32,500 bue.
Mai haitao hai Josef vei tyaosholea hinou hrüve-e.
38Benjamin vei maitao: Bela, Ashbel, Ahiram, 39Shephupham, ae Hupham. 40Ard ae Naaman vei khü hai Bela hinou ve-e. 41Maitya haitao hi mai 45,600 bue.
42Dan maityatao: Shuham puona maitao hai 43mai 64,400 bue.
44Asher maitao: Imnah, Ishvi, ae Beriah hai maitao-e. 45Heber ae Malkhiel puona maitao hai Beriah vanou hrüve-e. 46Asher nahnaotu ali bue, puh zhih nou Serah toue. 47Maitya haitao hi mai 53,400 bue.
48Naphtali vei maityatao: Jahzeel, Guni, 49Jezer, ae Shillem. 50Maitya haitao hi mai 45,400 bue.
51Israel mai hrülai hai mai 601,730 bue.
52 Mapao nou Moses hi paoe, 53“Khü khü thaifüa ae mai pouyu ae chiyu thaifüa füdei hai zha dade zhilo. 54-56Füdei hai rako nou zhuloua zhilo, ae mai pouyu khü hi füdei hai pou-a nou peio, ae mai chiyu khü hi füdei hai chi-a nou peio.”
57Levi maivei khü hai Gershon, Kohath, ae Merari puona maitao loua nou souwe. 58Puletao vei pfümounah hai Libni, Hebron, Mahli, Mushi, ae Korah haitao-e. Kohath hai Amram vei puo-e, 59puhnou Levi nah naotupai, Ejipt hinou nayu Jochebed ye naloue. Honapai nou Amram ye nahpoutu ahai napeie: Aaron ae Moses, alia nahnaotu ali Miriam tea napeie. 60Aaron hai nahpoutu adai bue, Nadab, Abihu, Eleazar, ae Ithamar. 61Nadab ae Abihu hai Mapao ye sheemoyu mei nou poa sheelayu donou thaire. 62Levi maiva hinou poutumai khouh ali payu ae khouh ali jünou layu hai mai 23,000 bue. Puletaoye Israel mai kukhe jünou kua zhih rükhai peie, daiolouzü puletaoye Israel mai hrohinou nakotao hai zha zhipei moe.
63Mai haitao hrülai hai Moses ae Eleazar nou Israel mai zhih rüyu phaki Jeriko hinou Jordan rei alilova buyu Moab maivei deikho hinou rüloue. 64Moses ae Aaron nou Sinai Radeiki hinou maipei phourai na hinou rükhai touyu hi mai ali zhih koute-a hai hisü loumoe. 65Mapao nou puletao mai hrülai hai rekounou thaitakhai-a bailai tea paopei khaitoue, ae Kaleb, Jephunneh nahpoutu alia Nun nahpoutu Joshua likhei loua baie.
Currently Selected:
MAIPEI PHOUYU 26: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.