MAIPEI PHOUYU 29
29
Potei Ashu vei Khonüh hi Posheelaretao
(Lev 23.23-25)
1Khouh anai navei khoungao arai zhou hai neletao tave jüloua ratholai, ae süzhou hai vah souso. Süzhou teithe hai shabe sü nghoulai. 2Mapao ye panou kai hüveire donou kikhaorü haitao hai meidei-a posheela peio: chaa hayu chode ali, zhaopuo ali ae po anai payu zhaotsü ali hai pove sheela peilai. 3Kaozü soua thoudzü vei posheela hai sou veitya nou theadzü thouhrüloua pove peio: chode ali hi sou sühcho asü, zhaopuo hi sou sühcho ahai, 4alia nghitsü ali hinou sou sühcho alili hai peilai. 5Süpei hinou mah vei posheela peire donou nghitsü ali pove peio, sübüa maikhe maiye sousheeyu naanou sü soulai. 6Posheela haitao hai teisa nou khouh ngaorai zhou meidei-a posheela peiyu, thoudzü vei posheela ae darkhazhaoh posheela peiyu pei hinou posheela peilai. Thoudzü vei posheela peiyu hai sü Mapao nou jüpa-e.
Khailupa Peiyu vei Khonüh hi Posheela
(Lev 23.26-32)
7Khouh anai vei khoukha kirou zhou sü tave jüloua ratholo; süzhou teithe sü halia touso ae vah-a souso. 8Mapao ye panou kai hüveire donou kikhaorü haitao hai meidei-a posheela peio: chaa hayu chode ali, zhaotsü ali, ae po ali payu zhaotsü anai pove sheela peio. 9Chode noupu thoudzü vei posheela sü theadzü thouhrüloua sou veitya nou sühcho asü, zhaotsü ali hi sou sühcho ahai, 10ae zhaotu alili hi sou sühcho alili hai posheelalai. 11Süpei hinou nghitsü ali hai mah vei posheela soua maikhe maiye sousheeyu vei naanou hai soulai, ae süna koa nou thoudzü vei posheela ae darkhazhaoh vei posheela hai peilai.
Sahpao Nüh Nüyu phaki Posheela Peire
(Lev 23.33-44)
12Khouh anai vei khoukha kiangou zhou hai tave jüloua ratho zholo. Khonüh haina hai Mapao ye tsükhoua teithe anai koute hai nüh nülai, ana vah soulai moe. 13Teithe arai zhou hai neletao nou kikhaorü hai Mapao hi meidei-a posheela peilai: chaa hayu chode kiasü, zhaotsü ahai, ae zhaotu po ali payu tyanou kiadai hai posheela peio. 14Thoudzü vei posheela soua sou hai theadzü noupu hrüloua chode ali hi sou sühcho asü, zhaotsü ali hi sou sühcho ahai ahai, 15ae zhaotu alili hi sou sühcho alili thoua nou peilai, süpei noupu darkhazhaoh hai posheela peiyu zhai thaifüa sheela peilai. 16Süpei hinou nghitsü ali hai mah vei posheela soua maikhe maiye sousheeyu vei naanou soulai, ae süna koa nou thoudzü vei posheela ae darkhazhaoh vei posheela hai peilai.
17Teithe ahai zhou hai chaa hayu chode kiahai, zhaotsü ahai, ae po ali payu zhaotu kiahai hai posheela peio. 18-19Posheela sütao koa nou teithe arai zhou posheela peiyu raibütoua nou posheela peio.
20Teithe asü zhou hai chaa taomoyu chode kiali, zhaotsü ahai, ae po ali payu zhaotu kiadai hai posheela peio. 21-22Haitao koa nou posheela peire na kukhe hai-a teithe arai zhou posheela peiyu raibütoua posheela peio.
23Teithe adai zhou hai chaa taomoyu chode kirou, zhaotsü ahai, ae po ali payu zhaotu kiadai hai posheela peio. 24-25Sütao koa nou posheela peire na kukhe hai-a teithe arai zhou posheela peiyu bütoua posheela peio.
26Teithe angou zhou posheela peire hai chaa hayu chode akü, zhaotsü ahai, zhaotu po ali payu tyanou kiadai hai posheela peio. 27-28Posheela sütao koa nou teithe arai zhou posheela peiyu raibütoua posheela peio.
29Teithe arou zhou hai chaa hayu chode acha, zhaotsü ahai, ae po ali payu zhaotu kiadai hai posheela peio. 30-31Posheela haitao koa nou teithe arai zhou posheela peiyu bütoua posheela peio.
32Teithe anai zhou hai chaa hayu chode anai, zhaotsü ahai, ae po ali payu zhaotu kiadai hai posheela peio. 33-34Haitao koa nou teithe arai zhou posheela peiyu bütoua posheela peio.
35Teithe acha zhou sü mai hrülai nou vejüloua ratholo, ae vah lia souso. 36Mapao hi thoudzü posheela soua meidei-a posheela peio, haisü Mapao nou jüpa-e: chode ali, zhaotsü ali ae po ali payu zhaotu anai; haitao hai chaa hayu tyanou poa sheela peio. 37-38Haitao koa nou teithe arai zhou posheela peiyu bütoua posheela peio.
39Neletao nou meidei-a posheelayu, thoudzü vei posheela, darkhazhaoh vei posheela, chavei lathao-a buloure vei posheela, khonüh nüyu phaki Mapao hi posheela peire zhaitao sü haitao-e. Haitao hai neletao nou chaachou soukhaitoua vete loure donou posheela peiyu moa peinüa posheela peiyu noupu louwe.
40 Mapao nou Moses hi kharochi peikhai touyu teitei sü puhnou Israel mai hi paopeie.
Currently Selected:
MAIPEI PHOUYU 29: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.